فـهد بن حـمـود .♪¸✍🏻

متذوق وربما شاعر . فالآعجابات جزء مني

[⁹⁷ @0l97_]

كثر ما أجهل مصيري في عيونك والزمن سرّاق
يطمّني على الحب . . إنك أكثر من عرفني زين !

[علي الدعيه @alialdeaya]

المعاتب بين الاحباب ماهو مستحب
من بغى يكسب حبيبه لاعاد يعاتبه

[ريان بن معيض @r_6080]

درب المحبين كيف اطوّقه بالشموع
ومع كل خطوه تهب اوجاعه اللي تسم

يوم ان ماني على وجه البسيطه جزوع
ليش المقادير تمحي حلمي المنرسم

ربيع الايــام لاشــّهـب تشين الطبوع
اللي نواويره الطف من ربيع الـــوسـم

من لاعه الهجر واركى خنجره فالضلوع
لايمكن ايحصل امن الراحه الا الاســم

راحت على فالها في عصر يوم الربوع
والوصل عقد حجاجه والفراق ابتسـم

ياغاية الروح ما للوصل لوحة رجوع ؟
الوقت ماهو موحّد قلبي المنقـسـم

اهيم في ذكرياتك والاوادم هجوع
ومع كل ذكرى تمر البال جرة نسم

ادورك في كنف ليلٍ ســدوله يـروع
من سامره حط فيه من المواجع وسم

دلاله الفقد والشوق العظيم القدوع
ونـهايتـه فكرة ٍ حـرّه ومطـلع دسِم

يعيش الانسان في دنيـاه ماهو قنـوع
اليا تردت حضوضه والنصيب انحسم

يالجادل اللي على ميصالك اضمى واجوع
من يفقدك عاش ف ايامه مجرد جسم

"اعطيتك الروح وعيوني وزرق الدموع
واملّت في حبك العذري ولا الله قسم"

ريان معيض

[محسن بن مترك @aprvip]

المبدع ريان بن معيض
مبدع جدا وبعد الحاح اكثر من سنتين هداه الله للنشر وهذي اول الباذخات يصافحكم بها

[فـهد بن حـمـود .♪¸✍🏻 @FH_204]

@r_6080 صوته ايمر فالاسماع صوت امعزوفه
من عذوبته يجلي ضيـقـتي و انزعاجي

الله الله يابو معيض صح الله لسانك والله لا يحرمنا من ذا الابدااع 👏🏻👏🏻👏🏻👏🏻🤍

[ريان بن معيض @r_6080]

تحْت ليله بدمعات الفراق محفوفه
يكبر الهم في عمق الضمير الزجاجي

داجي الليل حالف عن كرامة ضيوفه
والهواجيس كثرت بين مادح وهاجي

احْتضَن صورة المحبوب فأعلى رفوفه
وانتظرته لكن ليل المواصيل داجي

غايبٍ لا وصل طاريه واغلى طيوفه
اتقبل وارحب فيه واوقد سراجي

صوته ايمر فالاسماع صوت امعزوفه
من عذوبته يجلي ضيـقـتي و انزعاجي

خفة الضبي وعيون الصقر من وصوفه
الله ياكثر شـوقـي له وكثر احتيـاجـي

كل ماشفت لي حرفٍ من اربع حروفه
يستعيد الفكر ذكرى وفاة ابتــهـاجـي

ليت من غاب واعطى العهد الاول كتوفه
مارخص شيء من قدر الهوى الازوداجي

اذرف الدمع بالخفيه مابى من يشوفه
في طرف ديرة اللي معه وصفة علاجي

لاتقولون دمــعـه ماعليها حــسـوفـه
المحاجــر لزرق الدمع مثل الـمـلاجـي

والله لو خاطري يفتح مغاليق جــوفـه
إن يهمَّل هوى نوت وعقاب العواجـي

مير يالله طلبتك فالعفو والمروفه
غير وجهك ي رب الكون ماني براجي

اتقوى و أواسي من شكى لي ظروفه
وانا من لوعـة الدنيا معكَّر مزاجـي

ارحلي ياهمومي رحله ابلا نـكـوفه
ودي اعيش فالايام مطلق حجاجي

والله اني حريص امن الزمان وصدوفه
وعارف أبعاد مدخالي وعارف خراجي

لكن الحب مايامن به اللي يحوفــه
من يمر بمحيطاته فـلا هو بناجــي

في ضفافه قلوب اهل الغرام محذوفه
بين حر السـكـوت وبين برد التـنـاجي

"اتركوا من سند راسه براحة كفوفه
باقي ٍ تحت تاثير الغياب المفاجي "

ريان معيض

[عبدالله بن شاهر @abddullahb]

ماني بجاهل لكني عايشٍ متجاهل
في زمانٍ به مفاهيم البشر مختلطه

اتغاضا واتجاهل مير مايستاهل
واحدٍ في كل يوم يعيد نفس الغلطه

#عبدالله_بن_شاهر

[محمد بن فهد . @j9qr3]

قد قلت له تكفى تجوّد في عيوني لاتطيح
ايليّن ما طاح تقول كنّه طايحٍ له من جبل

ـــ صالح النشيرا

[فـهد بن حـمـود .♪¸✍🏻 @FH_204]

أفضّل الصمت لو يظلم معي قدرك
أما كلامٍ ماتشعر فيه .. وش هو له ؟

والله لو أحط قلبيّ في قفص صدرك
" ما راح تستوعب اللي ودي أقوله "

[فـهد بن حـمـود .♪¸✍🏻 @FH_204]

لاغدى خصمك حبيبك ، لاتحارب ..

[ُ @priiir_]

«وأنا داري إن قلبك على شوفتي مشغوف
لو أنه يجور الوقت — فينا ويتعبنا»

[َ @_subaie1]

ماتدري ان قلبي لك لحالك؟
أدري وتدري والعرب تدري .

[سهيل @Q_QQ__]

بننام ولنا رب ما ينام .،

[قروب شعر @Group_she3er]

عزالله إني ظلمت إسمي .. و ميقافي
و أخطيت في حق نفسي و الخطا وآرد

هقيت فيك الهقاوي و أنت ؟ يا كافي
ما أبرد من أعذارك .. إلا وجهك البارد

[فـهد بن حـمـود .♪¸✍🏻 @FH_204]

لاتذكرتي سواليف الهوى واشتقتي
اذكري ب انك تغلّيـتي ورحتي عني .

لاتقولين الخـطيه جات منك وانتي ..
تعرفين ان الخطيه منك ماهي مني

[فـهد بن حـمـود .♪¸✍🏻 @FH_204]

الكرامه تحد اللي على شداد ريمه
يحذف شدادها عنها ويطعن نحرها .

- فهد بن بجاد .

[‏وهم @rrcv0]

يارب .. ترضى على قلبي و تغفر لي
و تكتب لي الخير و التوفيق و الجنة .

[مُبهَم @nuof1m]

" أمر الله من سعة، لا تقعد في مكانٍ ما ياسعك "

[بندر الدويش @bdweesh]

مصير الحياه تعلمك والوعد قدام
لادار الزمان ودورة الوقت مضمونه

عن اول بشر يمشي عشانك بحقل الغام
يشوفك خطر ويقوم ويطيح من دونه

ياكم مرر اسمك في قصيده مرور كرام
تعرفينه انتي والعرب مايعرفونه

يعزيني انك ماأنت بالعمر مسك ختام
وانا ماني اول عاشقٍ خابت ظنونه

[فـهد بن حـمـود .♪¸✍🏻 @FH_204]

يقول عناد الشيباني :

"فيه أمورٍ ما يجوز العذر فيها والتغاضي
لا وصلنا عندها حطيت قلبي تحت رجلي"