FNR

‘ أتواضع ليه و أنا مُختلف للغاية ؟!! و أتكبر ليه و أنا ما بلغت أهدافي !

[FNR @FNR000]

غادي .. مع الغاديين 👇🏻

-

يا مرضي أهواء البشر وأنت زعلان
توهمهم إنك مختلف وأنت غادي

صدقني حتى المختلف بعض الأحيان
لا حـاول إنه يختلـف ... صار عـادي

[FNR @FNR000]

٪ عندما ( يفهمك ) قبل أن تنطق !
فـ ( هو مُحب )

إذا صار وصلك بس ضيقه ودمع ونوح
وش الفايده يبقى الوصل بيني وبينك ؟

ما يحتاج تشرح لي ظروفك عشان تروح
انا اصلا عرفت اللي تبي تقول من عينك !! ا

[بدر بن سلطان الدويش @B1SD_]

حنا تربينا على العلم الجزيل
من تجربة روسٍ عريب جدها

نفوسنا لو مالقت غير القليل
ما بيّحت سود الليالي سدها

مهما فعلنا للرفيق المستحيل
افعالنا ما نفتخر و نعدها

ارواحنا تتعب على رد الجميل
لكن جمالتنا ما نبغى ردها

[FNR @FNR000]

لا تلومـه
لا تلومـه
لا تلومـه

لاتلومه ، لو تشوف " الصمت " ذنبٍ من ذنوبه
وش يقول اللي يشوف احساسه اكبر من كلامه
ٰ
واحدٍ .. مهما " تضيق " بـ عينه الارض الرحوبه
مايبيّن في " عيون الناس " ضعفه .. و إنهزامه

[FNR @FNR000]

٪ كفـووو

صدورنا لو تفتش ماعليها خلاف
دام ان بياض القلوب اللي وراها بقى

والشك لو دار فينا بين سعي وطواف
ما جات هقواتنا فـ اللي نعز محقى

والنيه اللي يغطيها سواد الغلاف
اخير منها الكلام اللي بوضح النقى

[FNR @FNR000]

منعزل واللي ورى الناس عيني ماتراه
يستدير الكون .. وانا خلافي ما استدير

دون وجهي ترخص احلام عمري من غلاه
الطمـوح اللي بلا جـهد ... نـظّارة ضـرير

ويش ربحي فالحياه ان خسر وجهي حياه
مومن ان السمعه ابقى من العمر القصير

[FNR @FNR000]

علمني الواقع شلون اتحلى السكوت
وعلمني الصمت وشلون اخسر واستفيد

عشان اخلي العلاقه بيننا ما تموت ؟
خليتك بعيد لو ما ودي " انك بعيد

[FNR @FNR000]

٪ لا طاب الخاطر تبدل الحال 🫧

.

سمح خاطري واستثقل الصبر والمقعاد
لو انك الوحيد الفارع وصفوة الصفوه
ㅤ
مراحي جهاد ورجعتي لك عنا وجهاد
بدا غافل الايام يصحى من الغفوه
ㅤ
برود المشاعر شاخ بين القلوب وساد
ماعاد اعرفك بالشكل والاسم والحفوه .

[FNR @FNR000]

%التعلق دون جدوى !!

من يوم طرّوك يا إللي : ما تناسيتك
و العين متباشره : و القلب متباشر

لا تهمل القلب في هجرك ليا جيتك
في حسبة الهجر : هذا يومه العاشر

خلّيتني لـ الجفى .. و أنا ماخلّيتك
في كل ليله / تخاشر بالي مخاشر

علّقتني .. في هوى حبك : و حبيتك
فجأه تخلّيني لحالي عسى ماشر !

[FNR @FNR000]

نُصح في قمة التفاؤل 🫧

ابتسم للوقت واضحك للحياه 
لا يروح الوقت …... في هم ونكد

عيش يومك واحتسب للي وراه
من يعد الوقت يبلش في العدد

[FNR @FNR000]

يؤسفني 🫧

يؤسفني إني ما عاد أبرر أعذارك
ويؤسفني إن قلبي المشتاق يؤسفني

[FNR @FNR000]

أنتِ آخر خطأ وأول صواب أهتديه
والخطأ والصواب أول دروب الرشاد

كان مالي عذر يقنع خطاك الوجيه
الغصـون الوريـقـة تاليتهـا رمــاد

والغـلا محدٍ يبيـعه ولا يشتريـه
لمـحـةٍ فالعيـون وبذرةٍ فالفـؤاد

أحسبن المشاعر ما تـخـون النّبِيـه
إثر حتى المشاعر صار فيها فساد

[FNR @FNR000]

اللهم أسألك السلامة الدائمة
وتمام العافية لكل غالي وقريب
اللهم آمـين 🫧

.
.

مافيه مثل العافيه ، سِتر وغناه
إن جات للمسلم .. تراها كافيه

كم واحدٍ يطلب ملذات الحياه
و إذا مرض مايطلب إلا العافيه

[FNR @FNR000]

٪ وآ أسفاه !

يحزنّي الطيّب إذا صار : غلطان
و صفوا عليه المترديه والنطيحه

[FNR @FNR000]

لله درّ النفوس القانعه و النظاف
مهما يشح الزمن بأرزاقها راضيه

[FNR @FNR000]

النفوس العزيزه ترفـض الانتقام
تحتسب للجميل وتحتسب للأجر

لايموت الغلا ويشح حتى الكلام
بين قلبٍ رهيف وبين قلبٍ حجر

وان تهاونت بالفرقا عليك السلام
وحشة الليل تقتلها صلاة الفجر

[FNR @FNR000]

٪ فـارق جـداً 🫧

إن ذخرتك لـ الليالي .. لقيتك نـور عـين
وان ذخرتك للشدايد .. تجي محزم ظهر

انت مدري ويش أسميك يالجنب المتين !
تجري في بحور الطيب مثل مجرى النهر

[FNR @FNR000]

من الأقدار الجميلة🫧

والله مامنك " لا مفرّ ولا نجاه "
معكْ الضمير يسوق عمره لـ اللّحد

أنت الدعاء اللي تخشه في الصلاه
وتستودعه الله يومياً .. الواحد الأحد

غيّرت في عيني " مفاهيم الحياه "
حتى التناقض لأجل يرضيك أتّحد

أسمي هو أسمي لا دعاه اللي دعاه
و أسمي بصوتك ما بعد قاله أحد

[عبدالعزيز العبلان @azizalablan]

تهنّي .. ماعلى جالك سحابة صيف
عليك الما مصبّه بأربع فصوله

بعيدة سيرة أمجادك عن التحريف
جليّة صورتك ، ماهي بمجهوله

قصيدٍ مازهى بك ماخوى له كيف
غلاٍ ما أنتي على طاريه .. وشهوله

حما الله حدّك من العبدلي للسِيف
ونصرك وعز أهلك وباركك دولة 🇰🇼

[FNR @FNR000]

ِ
ِ
كل ما حدك زمانـــك على اللي ما تبيه
الله الله فالمواقف على حسب الأصول

لا تسـوم الوجه الأبيض ولا ترضى عليه
ما يقلل قيمته عنـــد ذربين الفعـــول

الحيــاء لا قل في الأرض ولا في الوجيه
قل ما فيهــــا من الجــــاذبية والقبول