فهد المقحم

سميّ الفهد | الحمد للّه من قبل ومِن بعْد. محب للوطن محب للأرض محب للناس| ستغْدوا رُفاتاً ويبقى الأثر .

[فهد المقحم @F_Muqhim]

حرٍ ليا منه ضرب نثّر الريش
تدمي مخاليبه خريش الحباري

هذا ولد سلمان ذيب ليا هيش
الحكم في دمه بعيد المساري

قبله معزي قايدٍ حرك الجيش
وحد بلاده فوق سفن الصحاري

عش وتنعم ياوطن طيب العيش
ماضرك بممشاك نبح الجعاري

فهد المقحم

#السعوديه #Saudi_Arabia #MBS #محمد_بن_سلمان‌

[فهد المقحم @F_Muqhim]

مايلتفت لهل الحكى والاقاويل
متبينٍ مثل النجوم المطله

يامحطمٍ روس الدجل والتماثيل
كم طغمتٍ عقبك تذوق المذله

حرٍ مفرَع للهدد والمحاويل
طلاعٍ أشقر كاشف ماتمله

صيده سمين ولا يحب المهازيل
نادر حرار وطيب راسه جبلّه

هذاك ابو سلمان هو صفوة الجيل
مثل البدر ماهو سوات الاهله

فهد المقحم

[فهد المقحم @F_Muqhim]

طابت تبوك الورد في شوفك بخير
لا والله الا المملكه يا فهدها

زانت تبوك اليوم ورد ونوايير
وتبخرت بالعود بجيّة ولدها

ياجعل ابو الخيرات مرحوم يامير
سلطان أبوك اللي بلاده سعدها

هذاك ابو خالد زبون المخاسير
وعقبه أواليدٍ بخدمة بلدها

فهد المقحم

#فهد_بن_سلطان_بن_عبدالعزيز

[فهد المقحم @F_Muqhim]

الا يالله يا واحد ولا لك بالخليقه ند
ذكرك العبد وانزاح الظلام وشافت عيونه

ياربي نطلبك وحدك ولا لك بالعطايا حد
عظيم الملك سبحانه تجلى وحده بكونه

الا يا الله يارحمن يا واهب بليا عد
جنانٍ من تحتها تجري الانهار وعيونه

فهد المقحم

[فهد المقحم @F_Muqhim]

قايدٍ حاز المراجل في شبابه
أصوكٍ مقدام ماهاب المنيه

يدحم بمتنه صعيبٍ مايجابه
ويخلف ظنونٍ تبي فينا الرديه

ياولد سلماننا اللي يعتزابه
من حرار بالملاقى صيرميه

اشهر بسيفك وسله من جرابه
واسرج ظهور الاصايل والعبيه

فهد المقحم

#محمد_بن_سلمان‌ #KSA #MBS

[فهد المقحم @F_Muqhim]

مونّسٍ عمري على قل الاحساف
والمنهج الطيّب موكد دروبه

امشي وامد الشوف في كل مشراف
للخايع اللي مزهراتن عشوبه

للذود وبّالٍ و للخيل عساف
والمنزل العالي نعذي جنوبه

دربٍ قويم محدده فيه الاهداف
مسلم واحب الدين واهل العروبه

وحافظ نباي وذكر ربعي والاسلاف
بممشى ينومس لابتي لاحكوبه

[فهد المقحم @F_Muqhim]

نسل عود من ضيوفه ماخلا ديوانه
كنه الميقات والحجاج تحرم منه

بالشدايد عادتن له ضاحكه حجانه
دلمه زبن المجنى لين يضحك سنه

ابن مقحم رايته بيضا وفا وامانه
كل تاريخه جميل وفارقن حيث انه

جاذبه ساس قديمٍ ثابتات اركانه
من سلايل وايل اللي ماتعرف الكنه

فهد المقحم

جدي دلمه المقحم المحيني

[فهد المقحم @F_Muqhim]

كل الوطن في شوفتك زان عيده
واكتملت الفرحه بمثله وشرواه

سعيد وايامي بشوفك سعيده
وثالث عيادي يوم يقبل محياه

وانقل سلام المملكه للـ وليده
الحاكم اللي يرهب الخصم ملقاه

ابو فهد عسى عَوامه مديده
ويديم عزه فوق عزه ويرعاه

فهد المقحم

#العيد #قصر_منى #محمد_بن_سلمان‌

[فهد المقحم @F_Muqhim]

@alrougui كل الوطن في شوفتك زان عيده
واكتملت الفرحه بمثله وشرواه

سعيد وايامي بشوفك سعيده
وثالث عيادي يوم يقبل محياه

وانقل سلام المملكه للـ وليده
الحاكم اللي يرهب الخصم ملقاه

ابو فهد عسى عَوامه مديده
ويديم عزه فوق عزه ويرعاه

فهد المقحم

[فهد المقحم @F_Muqhim]

انا بدوي ن ساس من خالن وعم
لو انني ساكن بحي الفناتير
احن للطرش المعمق على الدم
خص الهلاله والطياح الخواوير
الحرش كن شعوفها ليلن اظلم
وجنوبها مثل الدلال المباهير
ولاشفت ضيان المصانع تلهّم
كنه شعفت اللي سنامه كما النير
صفرن تبل كبود وتطير الهم
من ساس ذود معمّقات ومشاهير

فهد المقحم

[فهد المقحم @F_Muqhim]

مقحم ويكفي لا طريته لحاله
كريم نفس وكن يدّه سحابه

#مقحم #المقحم

[فهد المقحم @F_Muqhim]

وسم المحينات من الدهامشه من عنزه الهلال والباكوره
ولكل عائله شاهد معين يميزهم
وليس كما تم ذكره في بعض الحسابات
وللتوضيح تم عمل صوره توضيحيه وموضح فيها الهلال على الخد من يمين والباكوره على الفخذ من يمين
@m7eny
@twasel_d

[فهد المقحم @F_Muqhim]

بعدما سئلت اكثر من مره عن وسم المحينات من الدهامشه واللي اوضحته في تغريده في تاريخ 14/06/2019 أعيد نشرها مره اخرى وإيضاً اضفت في صورة اخرى شاهد جدي دلمه المقحم اللي كان على أبله (الحرش) وشاهدها المحجان على الرقبه من يمين واللي يفرقه عن المحينات

[فهد المقحم @F_Muqhim]

@osintPk @Badr_AL_Enezi من فوق الاأف ليا شلع ثم رقا سنود
مايرجع الا صيدته دمها باان

وليا كفخ نفاثها تقل بارود
حر الحرار اللي على كف سلمان

يبري غليل اللي من الوقت ملهود
ويرجح الكفه ليا جت بميزان

فهد المقحم

[وزارة الدفاع @modgovksa]

يا بلادي عاد عيدك يا بلادي
يا مغنّ المجد والتاريخ كلّه

#عيّدي_معتزة
#وزارة_الدفاع

[فهد المقحم @F_Muqhim]

تشرفت بنشرك لابياتي يا فراج في صاحب السمو الملكي الامير راكان بن سلمان آل سعود محافظ الدرعيه

@faraaj_2030

#الرياض_الان
#الدرعيه

[فهد المقحم @F_Muqhim]

#امن_الخليج_خط_احمر

[فهد المقحم @F_Muqhim]

@trendnews_24 الامير طلال بن عبدالعزيز او الامير متعب بن عبدالعزيز

[فهد المقحم @F_Muqhim]

سليل ملوك وابن ملوك ياجعل البشر تفداك
يجيك القاف ياراكان مستفزع ومتحامي

عسى مبروك منصبك اللذي تزهاه مايزهاك
تقلد منصبك وابدا المسار بموجك الطامي

معك هيبه طويل العمر ياجعل الولي يرعاك
وابو سلمان عمدلك قراره بامره السامي

#راكان_بن_سلمان #الدرعيه

[تاريخ آل سعود Al Saud History @Alsaud_History]

#أمر_ملكي:
تعيين صاحب السمو الملكي الأمير #راكان_بن_سلمان بن عبدالعزيز آل سعود محافظًا للدرعية بالمرتبة الممتازة.

موفق ومسدد ومعان بإذن المولى تعالى.