فهد

.

[فهد @Fahd3n]

اغلب نهايات المحبه حسافه
بدايته لهفه وتاليه تجريح

الحب يرخص قيمته باعترافه
اجمل علاقات المحبين تليمح

فهد ناصر

[فهد @Fahd3n]

يلهمني التفكير ياليّن العود
واكتب من التقليد والا الحداثه

ابني مخيّلتي على شي موجود
شعري ورثته وانت زينك وراثه

حلو النبا والخد وعيونك السود
في مستوى التأثير اقوى ثلاثه

فيها اسرق اللحظات وأعدّل المود
وال��س من الأخلاق لين ودماثه

فهد ناصر

[فهد @Fahd3n]

أتغاضى واتصدد كن ماني صوبه
وأكشف أسباب المودّه والبلا من جوّا

#فهد

[فهد @Fahd3n]

هذي هي أقداري وهذا اختياري
وانا ادري ان الوقت ياخذ ويعطيك

ماني معلّق خيبتي في قراري
الي ماهو مغليك ماهو بمغليك

من منهج الايام عارف وداري
الضربه الي ماتعيقك تقويك

كانك تداري واحدً مايداري
لومك على ظنك وكثرة هقاويك

البعد يوجع والرجاء باانتظاري
لاتقتل ب طول الرجاء رغبتي فيك
#فهد

[فهد @Fahd3n]

على الطريق الي سطى بالرياجيل
شفت الهزيمه منك يامن نصرني

يم��ت بعضي لو قطعت المواصيل
لكنّ تقدم في عزاء من ��برني

وخذ من هجوسي كل مايقبل الليل
حتى تحس بموقفي وتعذرني

لاتقتل الفرصه بوجه المقابيل
عطني مجال التضحيه وانتظرني

#فهد

[فهد @Fahd3n]

اعتبرني لك مرايه ينعكس منها مصيرك
منك مايعطى، وقربك يعتبر صاحب فضيله
.
تحسب ان الشور فيني كل ماجيت استشيرك
وانت قصدي في حياتي والا أنا لاجلك وسيله

#فهد

[فهد @Fahd3n]

لايهمك يوم أبيّن نصرتي واعراضي
وانت خطواتك تذوب بنارها الولاعه

انت راضي؟، خل غيرك عنك ماهو راضي
وكان ماطاعك زمانك ، لايشوف الطاعه

اشبعوك الناس حولك بالكلام الفاضي
مادرو ان الخفوق ان عاف نبضه باعه

انت من عاش القضيه وانت فيها القاضي
احكم بشرع الضمير وروحك الملتاعه

#فهد

[فهد @Fahd3n]

ركّزت حبك بالضلوع المناحير
ومنك الحمول الكايدات اتعبنّا

لو يرتكي حبك على قمة النير
يصبح دكاك ويختفي عن وطنّا

#فهد

[فهد @Fahd3n]

رغم ارتياحي ماعرفت ارسم حدود
بيني وبين اللحظه المستباحه

من الصراحه كم لنا شخص مفقود
وانا اكبر عيوبي شديد الصراحه

قربي وبعدي ماينقص لنا زود
لكن صدري يفقد الانشراحه

الصدق لو ضيّع لنا كل مجهود
حيل الله اقوى من شقاي وكفاحه

#فهد

[الفعاليات الثقافية @MoC_Engage]

4 ليال حافلة بالشعر النبطي الأصيل 🤩🔥

للحجز:
https://t.co/1qUCRBp34u

#مهرجان_الشعر_النبطي
#عام_الشعر_العربي_2023
#الفعاليات_الثقاقية

[فهد @Fahd3n]

صمتنا والتجاهل يفرض الاحترام
ومن صدوف الليالي مثل مالي،، عليّ

كل ليله نحارب كي نعيش بسلام
ليت كل الليالي ،، عمري الأوليّ

#فهد

[فهد @Fahd3n]

اعلن استسلام رغبة نفسي وغاية مرادي
في سبيل احفظ مكانة من رضى لي بالهزيمه

#فهد

[فهد @Fahd3n]

لاطاحت الشمس تكسب من عنانا الذنوب
تشوف فعل الظلام وتغمض عيونها

يازين صدق المشاعر لو تجي من كذوب
وياشينها لاقريت الكذب بعيونها

#فهد

[فهد @Fahd3n]

@sbinbtlaa الحياه دروسها تفرق طحاطيح الرجال
ومن وصل روس القمم يحسب حساب الهاويه

ان صبر شال الثقيله مثل شيل الجمال
وان شكى جاوب بصوته للذياب العاويه

[فهد @Fahd3n]

لاتجادل بالعتاب ولا تلوم
راح وقتي في مداراك.. اكثره

خاطري الي كان منشأ للغيوم
كيف يمطر والغيوم مبعثره..،

#فهد

[فهد @Fahd3n]

ماكل ماشفته من الزين والشين
جتني على الرغبه وجتني بكيفي

احارب أيامي مثل حرب تشرين
معزول من درعي ورمحي وسيفي

في داخل أعماقي تثور البراكين
وأبدي على وجهي ربيعي وريفي

أنا رجاي من اول الوقت والحين
اطفي لهيب الاحتراق الوظيفي

حرّيتي تشبة حياة المساجين
وش بالجناح ان كان ماله رفيفي

[فهد @Fahd3n]

شحيّت بالمشروه وازريت لاابديه
تقدير للي مادرا عن خبر��ا

الصمت اخير من العتب والمشاريه
تكسب قلوب الناس قبل تخسرها

كيف انتظر من فاقد الشي يعطيه
ماكل كلمه من سمعها شعرها

حتى الوجيه الي لها عدة وجيه
احسنت ظني لين ظني عذرها

#فهد

[فهد @Fahd3n]

من دافع التقدير وإخلاصنا لك
لبّست هقواتي ثياب التمنّي

والحين اعيش الوقت في مرحلة شك
من كثر ماخيّب لي الوقت ظنّي

ارض اليقين إقطاع ماملك لها صك
في اي لحظه يمكن تروح منّي

وين الوضوح الي يخليني افتك
من حال تفكيري وكثر التجنّي

#فهد

[فهد @Fahd3n]

يسكت الرجال عن بعض الأمور
ويعتق الرديان قدر الاوفياء

الخطا راعيه بيروح معذور
دام لي عنده معارف واخوياء

الذكي ينهاه عرفه والشعور
والغبي بلواه طبع ��لاغبياء

وأكثر الي شفته يلف ويدور
ماتمادا غير من قلة حياء

#فهد