فهيدالقحطاني

[فهيدالقحطاني @Fahid33F]

لا قام صدرك بالهـواجيس يكتظ
سبـح وهـلل وأذكر الله وترتاح

لاتشتكي وتقول أنا مامعي حظ
الله هو اللي يرفع الحـظ لاطاح

- لشاعرها -

[حزمي بن سعد @hazme20154]

.
سلّم على اللي يفعل الطيب بـ سكات
ماهو بـ يم .. الفخفخه ... والمظاهر..!
.
أما الوجيه اللي تحب ( الفـلاشـات )
الله لا يحرمها من > فـلاش ساهـر 😅
.

[فهيدالقحطاني @Fahid33F]

مـن عـاش بـالـدنـيـا بـلـيّـا كـرامـة،،
ماتوجعه! لو قلت يا حيف يا حيف،،
٠
وشيخً مـايـنـفـع، لـو يـزيّـن كلامـة،،
مثل اللـذي شايل جفيرً بـلا سيف،،
٠
#مزيد_المويس

[سلطان بن عباس @su_abbas]

رفـيقك اللي كـل ماجيـته تلـقّاك بـ قبـول
ولا بعـد جربت منّه ( لا ) ولا مفعولها

ان قال لا مرّه فمن حقه عليك انك تقول
اكيـد يبـغيني اعرف أنّـه يـْعرف يـقولها

[فهيدالقحطاني @Fahid33F]

عسى كل ماجتنا هموم الزمان أفواج
تحوّل علينا رحمة الله .. وتنقذنا
'
محمد فهد

[د.شالح بن سفران @ameralthaoq]

فياليتني قادر على حل ثنتين
ماهي على رب العباد بكليفه

اساعد المديون واقضي له الدين
واوضف اللي مالقى له وظيفه

اعجبني

[خوي المطاليق @y_y052]

أحلامنا طارت سما .. كنها ريش
نشأ السحاب وفرّق الريح شمله
ٰ
أثر الزمن ' دوار ' .. وأيامنا طيش
ومصادم الأيام .. تحتاج 'صمله '
ٰ
الطير يأكل ' نملة ' الأرض ويعيش
وإن مات : لحم الطير تأكلة نمله
'
رايد بن هلال

[فهيدالقحطاني @Fahid33F]

مرات اكون انسان حالم ومشغوف
بالفلسفه والاختراع الانامي

ومرات اكون انسان خاشع ومكسوف
من نظرة عيوني لازادت اثامي

ومرات اكون انسان شطحه وملقوف
وعيني قويه ولا اثمن كلامي

مرات اطوف شي لا يمكن يطوف
ومرات حتى الشطر مايطوف امامي

- فهد الصعيري

[د.شالح بن سفران @ameralthaoq]

جاملت بعض البشر على حسابي كثير
كنت احسب اني فعلت الصح واني محق

لين اكتشفت النتيجه واضحه في الاخير
اعطيت بعض الاوادم فوق ماتستحق

اعجبني

[فهيدالقحطاني @Fahid33F]

يدور الزمان وكل يومٍ يطيح قناع
وتظهر لك وجيه الناس وطبايعها 👌🏼

[ولد شيخه @oo2012y]

سجل على وجه المقادير عفناك
والجرح منك مايداويه ،، طبك

معاد يوسع خاطري غير فرقاك
ماهو يضيق خاطري غير قربك

مع السلامه والمشاريه تقفاك
شد الركايب سمح الله ،، دربك 🚶🏻

[د.شالح بن سفران @ameralthaoq]

مالي ورى الناس لامطلب ولاحاجه
مادام رايي وجيه ومنهجي طيّب

يالله ب لاما رفيق يضحك حجاجه
ويالله بفرقا رفيقِ شبحه قريّب

اعجبني

[فالح بن قشعم @falehqasham]

انتبجّح بالانافه على كل امغرور
ومن زعل من دون سبّه انخليه اقبله

ماخلقنا الله علايق ولا كبري عبور
روسنا اشهر من ضويٍ على راس اجبله

الله اللي عزنا فالغياب وفالحضور
هيبة الانفس فالانفس من الله اجبله

انتشيّم وانتغاضى على بعض القصور
ماورى الخالي من العقل غير البلبله

[أحمد بن فهد @AhmadBnF4hd]

بعض الاوادم ليتني ماعررررفته ،،
صحيح معرفة الخساره خساره

اسمه من الاسماء بعد ماحذفته
ماكني الا حاذف لي زقارررره ،،،

[فهيدالقحطاني @Fahid33F]

@fahd_1408 انا الله وانا اليه راجعون الله يغفر له ويرحمه ويسكنه فسيح جناته ولجميع موتي المسلمين احسن الله عزاكم

[عبدالهادي ابوديه @ab_diah]

#حضر_التجول

ماقد تعودنا على جلسة البيت
الرجل يلقى راحته في مسيره

في ديرةً اصبح وفي ديره ابيت
اسعى ورا الامجاد في كل ديره

واذا ااامرني حاكم الداااار لبيت
على مدار الوقت شره وخيررره

على ااااالولا لولاة امرنا تربيت
سمعً وطاعه فالعلن والسريره

عبدالهادي ابوديه

[فهيدالقحطاني @Fahid33F]

@hgaq191991 صح لسانك ويشرفني نقل ابياتك ويسعدلي مرورك

[فهيدالقحطاني @Fahid33F]

سلم على اللي لابغيته لقيته
اللي. ليامنه بغاني. لقاني

قبل امس جاني في لزوم وحميته
وجيته و. لي لازم لاكن مااحتماني

ياليتني. في لازمي مانصيته
دورت لي في لازمي شيخ ثاني

اكبر. حسوفه ليتني مانخيته
وجهي طويلن مع طوال اليماني

مرزوق المقاطي

[فهيدالقحطاني @Fahid33F]

لاصرت تبغى السعد والخير والفلّه
خل اتكالك على الله وازهل الباقي

وابعد عن العيب والمنقود والزلّه
مثل ابتعاد الترف عن لقمة الشاقي

اخلاق الإنسان دين وطبع وجبلّه
وحنا بالأخلاق ذا نازل ،، وذا راقي

لاتربط اخلاق خلق الله ،، بخلق الله
الله خلقني وانا اللي كاسب اخلاقي

#نايف_اباالعون

[فهيدالقحطاني @Fahid33F]

الصاحب اللي على شانه اوقف واطيح
يوم اني احتجته بكلمه ماوقف معي

امسيت منها بزعل واصبحت منها جريح
وقد جالها بصدري الواسع طواف وسعي

كيف اتجاهل و اطوّفها عشان استريح
وهي اتقطّع من البارح على مسمعي

يقول عندي وعي واقول تبغى الصحيح؟
لا صار عندك ضمير يصير عندك وعي!

#مزيد_المويس