انا مكنتش لاعب كورة سابق عشان أنفسن منه
ولا أنا ليا اچندة معاه ولا في بيني وبينه مشكلة شخصية
انا بحب بلدي مصر اللي فوق اي حد🇪🇬❤️
وهي دي المرجعية بتاعتنا " مصر"
نفسي اشوف مصر زي المغرب بتتاهل عادي لدور ال٨ وقبلها ل سيمي فاينل بدون اي مشكلة
مش مجرد تهليل ل دور 16 !
@Fat7allaah النقد الموضوعي لما يبتدي يشتغل، لكنه الحقيقة كان فيه مأتم من يوم تعيينه وناس شقت هدومها ولطمت خدودها من قبل أي حاجة. لو انت مش منهم ماتاخدش الكلام على نفسك
@amrnfahmy فنيا بقا سيبك من كوبر خالص
"كيروش" كان عنده جيم متوازن مش دفاعي بحت وهاجم المغرب عادي في كأس الأمم
ورغم ذلك كان بيتهاجم والله واتشتم كتير في كأس الأمم والناس كانت بتطالب برحيله بعد مباراة نيچيريا
لي متقالش " الهجوم على منتخب مصر هو هجوم على مصر "
@amrnfahmy معاك اه كنا بندافع قدام أوغندا في القاهرة ده حقيقي
بس سيبك من دي خالص
لي وقت الهجوم على كابتن حسام البدري أو كابتن ايهاب جلال الله يرحمه مكنش " الهجوم على مدرب المنتخب هجوم على مصر " ؟
حسام حسن اتطور مع الوقت ووصل ل البيك دلوقتي في كاس العالم
الناس دي مخدتش وقت !
@amrnfahmy ده احمد عفيفي اعتقد ناس كتير بتحبه وبتعتبره من اجمد المحللين
بيقول اللي انا بحاول اقوله في سياق كاس الامم كان ، والراجل كان في هجوم عليه رغم خروجنا
@amrnfahmy في دي طبعا متفق معاك
وخصوصا انك ليك دور واحتكاك مباشر في الكورة
ف المساندة ضد التيار " ريسك" ممكن يخسرك
لو لاقدر الله حسام كان إلش كنت هتتهاجم اكتر وهيتقال عليك ده متواطئ معاه
بس ده نفس السياق اللي انا بتكلم فيه
مينفعش الغي عقلي
مينفعش مساندة بلا نقد
ولا هجوم بلا منطق !
@amrnfahmy يعني لي هيثم يقعد دكة !
لي زيكو يبدأ كل ماتش
مرموش سيئ اوي من اول ماتش حتى وبيلعب بانانية ، وتريزيجيه بينزل بيكون فعال
لي حسام عبدالمجيد مكنش يبدأ في مباريات محتاجة أطوال !
هي مش كل دي اسئلة فنية غابت في ظل النتائج الجيدة !
هو المحلل بيحلل الماتش والاداء ولا النتيجة !!
@Iamknight210891 هو عنده قناعة أن اللي ينفع لبلچيكا ينفع لكل الفرق
بدايتنا في ماتش بلچيكا كانت صح
فيما عدا ذلك بنبدأ غلط ونصحح في الشوط التاني
لو اتكلمت يقولك انت مبتحبش مصر
طب والله بقول كده عشان نفسي نبدأ صح عشان " مصر " !!!!!!
@amrnfahmy كابتن عمرو انت شخص انا بحبك في الله
وانت انسان جميل وماشاء الله مثقف وسوي
وممكن ده اللي مخليك مساند حسام حسن اصلا لان تعيينه كان ضد التيار بس اكيد بتعرف إن أي موضوع لو مكنتش اقصى اليمين فيه مش لازم تكون أقصى اليسار !
@amrnfahmy اطلاقا يا عالمي
انا كنت انبارح على اعصابي وقت الماتش ولما كسبنا كنت وسط الناس للفجر !
بس ده ميخلنيش الغي عقلي أو انفي اللي شفته
احنا ابتدينا صح في مباراة بلچيكا فقط
باقي ال٣ ماتشات البداية بتكون غلط وبعدين بنصصح أوضاعنا بتغييرات في الملعب
وده كلام محللين وناس كتير مش انا بس !