🔵 شروط النشر :
1🔴 يكون الموضوع واضح ومباشر.
2🔴 الإبتعاد عن الدراما والتأليف.
3🔴 الإبتعاد عن قضايا السياسة والعنصرية.
4🔴 متابعة الحساب.
5🔴 التأكد من تعديل الأخطاء الإملائية قبل الإرسال.
🟠 نعتذر عن الحذف بعد النشر.
📩 الفضفضه يتم إرسالها لنا عبر صندوق الرسائل الخاصة.
#فضفضه بعد ٤ شهور من رفض الخطبة بديت ارجع أفكر بالموضوع هل ذوقياً أقدر أرجع أتواصل معهم وأصلاً ممكن الرجال خلاص خطب كثير وخلص أموره + اي تفسير هذا الشعور الغريب يجي عندي ؟
#فضفضه تزوجت وعمري٢٣ من ولد عمي ماجلست فتره وطلبت الطلاق شفت بلاوي بخيل لدرجه يقول بالعيد لك ٣٠٠ طبعاً هو مطلق والحين انا عايشه بقريه مع اهلي وتعدا عمري٣٥ لاعندي دخل وابوي مايصرف لا علي ولا اهلي ولا علينا واخواني توظفو وتركونا
ابي حل لي تكفون درس خصوصي سمحو لي كم فتره اهلي بعدها قامو يسببو مشاكل ع اني دخلت دخل واتعب مره ع كل طالب مبلغ بسيط ٥٠ وشفت رزق لي ولاهلي والحين ناويه اترك اهلي طبعا سامحين ل اختي السواقه اللي بالثانوي الا انا تكفون ساعدوني
#فضفضه عمري ٢٢ خطبني واحد فيه كل المواصفات اللي اتمناها عمره ٣٠ بس فيه شي واحد واللي هو انه مطلق مدري هل هذا الشي ممكن يكون عائق ويمحي كل ايجابياته ولا اقدر اسكب لهالعيب اهلي يقولون لازم نعرف سبب طلاقه وعرفنا السبب والسبب هو ماله ذنب فيه ولا هو عيب فيه ولا فيها حتى
شيء خارج عن ارادتهم وتطلقو بسببه
ومابينهم عيال زواجهم ماكمل كم شهر مره خايفه من هالنقطه رغم كل المواصفات الكويسه اللي فيه وجهوني تكفون.
#فضفضه ملكت وزوجي كان مبسوط معي وكل شيء تمام بس الغريب ماتواصل معي صار لنا مملكين شهرين والموضوع كل ماله يخوفني اكثر وش الاسباب الي تخلي الولد مايتواصل سالت مستشار وقالي اهربي هذا عنده شيء يخبيه شورو علي.
#فضفضه أنا الاخت الكبيرة وعندي اخت صغيره بالمتوسطة وللأسف شفت بجوالها اكثر من مره تكلم نفس الولد وخايفه عليها وهي عايشه بالوهم كل ما كشفتها تحلف كذب وتبكي خايفه اعلم عليها اهلي مع اني طمنتها اول مره مابعلم احد وخليتها توعدني آخر مره وعلمتها بكل العواقب ومع ذلك مافاد كشفتها مره ثانيه وصرت احاول اطلعها حتى رحت كوفي وقعدنا وحدنا وقعدت اقولها سوالف كثيره فيها رسايل واول مارجعنا البيت لقيتها تراسله هنا انجلطت وعصبت مره بس بعد مابي اعلم عليها ادري حياتها بتتدمر بس برضو خايفه تدمرها هي بنفسها كل مره مع هالولد حتى آخر شي اخذت جوالها وبلكته وترجع تضيفه اكثر من مره وآخر شيء امس شفتها منزله ستوري عنه وقلت رح اتفاهم معك
الآن ابي حل تقتنع من نفسها انه وهم وهو لعاب ضايف ميه بنت غيرها وانا والله خايفه عليها من كل شي من ناحية الاهل ومن ناحيته هي عندها صديقه سوء بس تاكدت انهم بعدو عن بعض الحمدلله بقناعتها بس مع هالولد الان وش الحل تكفون ساعدوني ؟
#فضفضه متخرجة ثانوي من 5 سنين قدمت وقبلوني بتخصص بمنطقتي والتخصص ممتاز وهو السياحة بس بداية القبول لقيت تحطيم قليل بس كملت وجاني اهمال شديد لدرجة الحين خامس سنه وانا ماخلصت حتى نص المواد يعني قدامي كثير حدود سنتين ومن وصرت افكر اكنسل واسحب ملفي هذي الفترة خصوصاً ان معدلي نازل ودايم حرمان بس اهلي رافضين اوقف ويبغوني اكمل وانا احس مافي فايدة اكمله دام وصلت كذا وش رايكم ؟
#فضفضه ابوي يغار من خوالي بشكل مو طبيعي رغم ان خوالي ماقصروا معنا وشايليننا شيل من ناحيه دراسه او معيشه لكن ابوي مايشوف هذا كله شي ويحس اننا نكايده بس مو صحيح نحبه ونقدره بس مايشوفنا شي واحنا اقل شي نبيه يقدر خوالي قدامنا ويحترمهم لكن هو حاقرهم للاسف وش الحل كيف نتعامل مع الوضع هذا ؟
#فضفضه اكتشفت زوجي ع علاقه مع صديقتي وهي تقرب له بنت عمته ( واجهت بنت عمته وانكرت يوم قابلتها وان موهي هاذي خالتها اللي تتصل عليه اللي تقرب لزوجي عمته (كلمت خالته حلفت لي انها مو اهي ) هددت بنت عمته اني بعلم اهلها وراحت علمت زوجي اني سويت كذا وقالت لي بكلمه يتصرف معك جاني زوجي يكلمني وان مو هي هذا عمته قهرني انه ماعتذر لاهي ولاهو ولا اعترفو قفلو السالفه واتهم عمته انها مريضه نفسياً عشان كذا ماعرفت رغم كل الادله تثبت انه ع علاقه معها ف مادري شلون بتخطى الموقف أحتاج رأيكم.
#فضفضه بديت بإستخدام دواء زيلاكس ١٠ من ٤ ايام اكل نص حبة لمدة اسبوع وبعدها حبة بدت معي اعراض من ٣ يوم دوخة واحس كأني بطيح وغثيان وفكي الاثنين أحسهم مضغوطين ببعض واحس بخنقة وكاني بموت تستمر ثواني وتروح وتجي ٤ مرات خلال ساعتين او ٣ هل هذي اعراض جانبية للدواء ولا نوبات الهلع رجعت لي ؟
#فضفضه ابوي عنده فشل كلى وتعب من الغسيل وانا بتبرع له بس امي زمان كانت رافضه أحد مننا يتبرع واذا احنا ماتبرعنا له مين بالله بيتبرع له محد بيعطي كليته احد مايقرب له احنا اولى من الناس وانا خلاص بتبرع له بس مابي اقول لامي الا اذا خلاص تحدد موعد العملية انا ما اقدر أشوف ابوي يتألم وما اعطيه قطعه مني وحالتي الصحيه الحمد لله جيده بس الحين كيف أخفف الصدمة على امي ومتى أقولها بالضبط لو انتم مكاني كيف بتتصرفون ؟
#فضفضه الكل يمدح شخصيتي وجمالي وذكائي حياتي مثاليه وكثير حبوني لكن ولا مره حبيت إلا شخص كنت اشتغل معه عن بعد وانهوست فيه مررره لدرجة اول مره احس بهذا الشعور الشخص هذا بعد مارميت له طرف الخيط هو اندفع لي لكن بعد فتره تركني واحس اني مو قادره أكمل حياتي طبيعي
الشهر الجاي بداوم معه بنفس المكان ومو عارفه كيف أتصرف وش المفروض اسوي هل أتجاهله بمكان العمل حقنا او أعطيه نظرات خصوصاً انه قبلها كان بيننا غزل وتلميحات لكن فجأة حسيته كرهني وش السبب وكيف أتصرف معه بالواقع ؟
#فضفضه عمري ببداية العشرين وتقدم لي شاب عمره ٣٤ و طوله أقل من ١٦٠ أنا بعد اقل وموظف حكومي بس الوالد رافض بسبب العمر الفرق ١١ سنة واغلب المتقدمين رواتبهم ضعيفه أنا في حيرة من ناحية القصر ومن ناحية موافقة الوالد أعطوني نصائحكم ؟
#فضفضه انا شخصيه من يومي صغيره اجتماعيه واحب اسولف واحب اختلط بالناس وشخصيتي كانت قويه جداً لدرجة كنت اناقش اللي اكبر مني زي جدي وعماني وكان عمري وقتها ٦ سنوات لين دخلت المدرسه وكان اول ترم لي مره كويس وأعجبتني المدرسه وصار عندي صديقات وكنت مره مبسوطه كان هناك معلمه تدرسني لغتي ورياضيات واسلاميه من بدايه الترم الاول كانت تحاول تكسر شخصيتي السبب لانها عرفت حتى يوم من الايام كنت مريضه وطلبتها اروح الحمام عشان استفرغ رفضت واستفرغت قدام البنات ذاك اليوم والله ماسامحها قلت لامي وأرسلت لها وقالت ليه ماتطلعينها وتحرجينها قدام البنات قالت هي تسولف كثير طيب مو عذر وقالت كمان اني مزعجه في الفصل وماسكت ولا اجلس امي ذاك الوقت قالت لها ان عندي فرط حركه وياليتها ماقالت لها لانها راحت ذي المعلمه وقالت لكل المعلمات ان فيني مرض نفسي واني اهلوس وما اكتفت راحت قالت للطالبات نفس الكلام ونصهم تركوني بسببها وفوق ذلك ماكتفت سحبتني من صديقتي وحطتني قدام لحالي ومحد جنبي وكانت تمنع اي وحده تسولف معي من بعدها شخصيتي صارت ضعيفة لدرجة اني ماصرت اعلم امي وابوي ولا أحد بلي يصير معي وصار لي موقف مع طالبه في نفس فصلي سوء تفاهم بعدين قامت تعايرني وتقول يامريضه نفسيه انا ماتحملت الا وادفها وكملت يومي قبل الصرفه من مدرسه الا وتجيب اخواتها الكبار ويضربوني ضرب لين مادخت ولحقت علي المرشده الله يوفقها، الله لايسامحها ولا يحللها
#فضفضه تقدم لي شخص واضح انه محترم ومن عائلة محافظة توقعت انه مارح يتم شي بس الحمدلله تمت بعض الامور ماباقي شي على الشوفة ووالدي بيكون معي وقت الشوفه يعني صعب اني اصارحه بموضوع مهم بنسبه لي الي هو اني محجبه فكرت بعد الشوفه اكلمه واتس محادثه من دون زياده بالكلام وبكل احترام واصارحه اني غير منقبه قبل مايطيح الفاس بالراس واندم هل نظرتكم يالمجتمع عن البنت الي تروح تكلم الخطيب بالواتس وتصارحه بشي مهم نظره سيئه أو شيء كويس اني اعلمه من البداية عن قراراتي الشخصيه ورغباتي علماً ان بعض الاشخاص حولي قالوا ان تصرفي غلط وصارحيه بعد الملكه وانا ماودي يصير بيننا عقد وفي النهايه يحصل انفصال وشكراً.
#فضفضه أمي وأبوي منفصلين وساكنه مع أبوي من سنوات وأعاني من امي وحركاتها وأذاها من قبل الانفصال ومن كثر ماعنفتني جسدياً ونفسياً وصلت لمرحلة تعبت ودخلت بعلاج نفسي وسلوكي وبعد الانفصال توقعت بيكون راحه زادت المشاكل وصارت ماتنتهي أمي شخصيتها نرجسية ومستحيل ترتاح إلا لما تشوفني تعبانه من كثر الأذى والمشاكل قطعت التواصل معها تماماً عشان أشتري أعيش بسلام وحتى وأنا قاطعته ماسلمت منها طول الوقت تشوه بسمعتي عند الأقارب وتطلع علي كلام وإني عاقة ومافيني خير وتألف قصص وسوالف قسم بالله ماصارت ولا مرت كل هذا عشان تستعطف الناس وتطلع هي الضحية والمظلومة أبوي يدري بكل شيء وكلمها اكثر من مرة ويقول لي تصبري عشانها أمك أنا محترمة كلامه بس التراكم هدم صحتي النفسية ومعاد فيني حيل أتحمل أكثر
وش اسوي تعبت وجهوني.
#فضفضه اعجبت في بنت تعمل كاشير في صالة العروض وكل يوم اجي اشتري من الصالة عشان اشوفها ارتاح نفسياً اذا شفتها ومستحيل احاسب عند احد غيرها وهي موجودة مُعجب فيها بشكل مجنون بس اناظر فيها الموضوع له سنتين واكثر ومستمر الى الان انا انسان محترم جداً سنتين واكثر وانا لم انطق لها بكلمة بس عيوني دايم تتكلم وتعبر مافي قلبي من تجاه البنت السؤال هل تتوقعون البنت عرفتني هل البنات اذكياء يحفظون الاشخاص لاني انا غير نظراتي مو عابرة نظراتي تدل ان فيه قصة حب وزواج قادمة متى ما ادرى🌺
ردو علي الحل