×

[× @Felwwfd]

أنت حبك كنّه الحكم السعودي
ثبته عبدالعزيز — ولا تغير

[× @Felwwfd]

ليتك عرفت القلب وش كثر يغليك
وليتك عرفت اني معك اصدق انسان

ضيعت فرصه يا حبيبي من يديك
خلاص تبقى فعل ماضي من الان

لا لا لا تحاول بس ماعاد يمديك
فات القطار وخاطري منك زعلان

روح عسى سود اليالي تربيك
وتنصف لقلبي الي صان حبك ولا خان

صنتك وسكنتك في قلب كان هاويك.

[× @Felwwfd]

ما عاد له داعي تجيني ولا أجيك
ما دام رحت وخاطرك طاب مني
-
ياحبيبي قلبي ترا اليوم ناسيك
خاب الرجاء منك وخيبت ضني

[* @justafeelingsx]

الوضوح يابني آدم
أهم ما تقدمه لي !

ومن زاويه أُخرى
وش فايدة محبّتك لاصرت في حيره ؟
* مره أقرب من ظلالي ومره أبعد من الشمس *

[× @Felwwfd]

ما بين قربٍ يطمن القلب وبُعدٍ يكثر الظنون، تضيع مشاعر ما كان ينقصها إلا الوضوح

[* @justafeelingsx]

الوضوح يابني آدم
أهم ما تقدمه لي !

ومن زاويه أُخرى
وش فايدة محبّتك لاصرت في حيره ؟
* مره أقرب من ظلالي ومره أبعد من الشمس *

[× @Felwwfd]

أجمع جراحه وخاطري منه مكسور :/

[× @Felwwfd]

ما قدّر اني ناديته وحبيته وبديته
وغيره من العشاق باقي يحتريني

على كثر تجريحه والله ما جفيته
وادري إن غيره وده لو يحتويني

مابقى شي في يدّي إلا وسويته
رحت له وأنا اسمع غيره يناديني

كل ماضعف رفعته على كتفي وقويته
وحدّة سكاكينه .. اثرها في يديني

[× @Felwwfd]

ما قدّر اني ناديته وحبيته وبديته
وغيره من العشاق باقي يحتريني

على كثر تجريحه والله ما جفيته
وادري إن غيره وده لو يحتويني

مابقى شي في يدّي إلا وسويته
رحت له وأنا اسمع غيره يناديني

كل ماضعف رفعته على كتفي وقويته
وحدّة سكاكينه .. اثرها في يديني

[× @Felwwfd]

أول تراعي شعوري من قبل ردك
علي شلون تتمادى وتتجسر !

لا صار ودك فراقي ؟ أبشر بودك

[× @Felwwfd]

خنجرٍ فالظهر جاه من محزمٍ له
خنجرٍ ما دك ساحات المعارك

يوم قال اخو مبارك والتفت له
قال ماجاتك الا من مبارك .

[× @Felwwfd]

الصمت في بعض المواقف غنيمة
احيان تلقى حاجتك داخل الصمت
-
والكلمة اللي في صداها اليمه
العذر منها ، يجرحك لا تألمت
-
لا جتك من غالي وعشرة قديمة
يموت ظنة بالرجا ما تكلمت

[× @Felwwfd]

أقضي ليالي الشوق وأرجي وصاله
وأقول يمكن عقب صبري يجيني

متعلق بآخر أمل في احتماله
وأدري نصيبي ما تعدى يديني

ما هان عندي لو تطاول غيابه
دام انتظاره للحين يسكن حنيني

قالوا نصيبك لا تعلق آماله
قلت النصيب بيد رب يهديني

قالوا انساه وخل عنك وصاله
قلت الصبر باقي ولو طالت سنيني .

[× @Felwwfd]

قالو علامك كل ماحل طاريه
تنسى البشر حولك وتذكر خياله

قلت انشدوا القلب ليا غاب غاليه
قلبٍ تعب من الشوق ياويل حاله

قالوا علام القلب متولع فيه
دور لعل القلب يلقى بداله ؟

قلت الغلا ماهو على كيف راعيه
لو الغلا بالكيف قلنا حلاله .

[× @Felwwfd]

غريب كيف الشخص الي كنت شغوف له
صار شخص عادي -

[* @justafeelingsx]

والله إن الإنسان يركض أمياااااالًا في
اليأس
لو يدري إن آخر وجهته شخص معه
على العدل والميل
عمومًا شخص يحبّه

[× @Felwwfd]

ياما على وصلك ركضت وتعنيت
وفتحت لك قلب من الحب تايب

وياما كسرت خاطري كل ماجيت
أرجع ودمعي فوق خدي سكايب

والحين عنك ياهوى البال صديت
حال الفراق وخاطري منك طايب .

[× @Felwwfd]

حلمت فيك البارحه كنك تناديني
سمعت صوتك يناديني ولبيته
-
وفزيت مفزوع إلا وينك وويني
واثاريك حلم على الواقع تمنيته .

[× @Felwwfd]

غّلاك بالقلب ومسكنك بالعين
ولو طالت المده محلك هو محلكّ