غالي ولو صديت

جعله الجنه و جعل الله يغفر ذنوبه ………………………………والله إن افجع فراقٍ فالحياة فراقه ................………………… جعل ابوي في الجنه

[غالي ولو صديت @Ffa_79]

خلوني ؟ أبكي عليہ ولآ تحنوني
أقفى ولآ زلت فـ الحآجہ و محتآجہ

و إن جفت دموع عيني ؟ لآ تخلوني
عطوني دموع عينٍ / مآ لهآ حآجہ

جعل ابوي بالجنه

[غالي ولو صديت @Ffa_79]

معاد باقي عندنا غير اليقين
و سلوم اهلنا والكرام�� و الشعر

اما الصبر و احلامنا راحو طحين
صبر محرم سارقينه من صفر

[غالي ولو صديت @Ffa_79]

والله أن كبدي من المر و الجاير تزوع
أغصبها للمجامل ويقوى باسها

إنّ تداعَوا للمهونة فانا عنها جزوع
وإنّ تداعَوا للكرامة فانا نبراسها

النفوس تْبين بين التسامي والخضوع
حطّ ميزان المواقف وتعرف ساسها :)

[غالي ولو صديت @Ffa_79]

ا عيوني ساعديني على ذرف الدموع
القلوب اللي تكابر يْموت أحساسها

دمعةً وحده تهايق على حد الطلوع
لا تْعود فالمحاني ويكبر راسها

ودي أذرفها ولو تنمزع حدب الضلوع
واتحرر من وجعها ومن وسواسها

آه من زلة سنافي ومن طعنة فروع
وآه من دنياً شربنا الوجع من كاسها

[غالي ولو صديت @Ffa_79]

اليوم شرهات اخو شما على شما
حسب المعرفه وكلن حسب معرفته

العين ماهي كفيفه و الاذن صما
مانيب اصدق حكي في شي ماشفته

[غالي ولو صديت @Ffa_79]

أجلس مع الجلّاس لو هم ثمانين
و يشرد بي الهاجوس - كنّي لحالي »

[غالي ولو صديت @Ffa_79]

ضيقة الخاطر على الرجال شرٍ بادي
واهني الـداله اللي ما بعد جـربـهـا

[غالي ولو صديت @Ffa_79]

رغم الظروف اللي تمرنا عايشين
و الوقت يمشي ما يطالع فايته

ممتع شعور الصبر بكل الحالتين
يعلمك كل شي بيوصل غايته

نتصنع الضحكه وحنا ساكتين
فالساكتين أشياء ماهي ساكته

[غالي ولو صديت @Ffa_79]

عاقبونا لين صرنا من .. الزله نضيق
أشهد أن من طاول الناس مايمسي خلي

لو خوافينا مقابر لـ زلات .. الرفيق
المقابر مع مرور الليالي .. تمتلي

[غالي ولو صديت @Ffa_79]

يانفسي اللي ضايعه بين أمرين
ماودي اظهر للعرب كل خافي

أنا الغريب اللي غريبً من سنين
وأنا القديم اللي قديم أختلافي

تلعبي الدنيا من يسار ويمين
وامشي على رمضى المقادير حافي

انسان وأنساني ضمير وحمر عين
غامض مع العالم ولي قلب صافي

[غالي ولو صديت @Ffa_79]

ياوجودي ليت مافات يشرى واشتريه
ويا وجـودي يا ظنوني وكـدي و تعبـي

وجد عودٍ صيت ربعه على الله ثم عليه
كاسيٍ ربعه بالامداح من عاده صبي

لين كبر ، وقل ماله .. وكلٍ بـار فيه
ماعليه الا عيالٍ ، مـ هم بـ اللي يبـي

ان شكى حاله على الناس شرٍ مايبيه
وان سكت شرّه عليه الرفيق والاجنبي .

[غالي ولو صديت @Ffa_79]

عجزنا على جبر الخواطر ولا شي زان
وعجزنا نراعي عالم ما تراعينا

وعجزنا على ظلم المحبين و الصدقان
وسعينا مع اللي مايقدر مساعينا

[غالي ولو صديت @Ffa_79]

ياوجودي وجد من لاعته شهب الظروف !
لين شافه من يعرفه .. " ولا عاد عرفه

[غالي ولو صديت @Ffa_79]

كبد�� اللي كن بها جمرة ٍحيه
احرقتها لين لحقت على اقصاها

انجحتها لين نجحت وهي نيه
لين فاحت فوحة السيف بملاها

فوح خولانية البن بريه
التهى منها المقهوي وخلاها

قام وخلاها على الجمر مركيه
راح بيعود عليها ولا جاها

[غالي ولو صديت @Ffa_79]

الظاهر إن العرب لو بالذهب تنكسي
إن ماحكوا فيك والا الشكر مامن شكر

الزلّه اللي لها . . . عامين ماتنّسي
و الفزعه اللي لها يومين . .ما تنذكر

[غالي ولو صديت @Ffa_79]

حقوق الضيافه ما تعدا ثلاث أيام
وأنا لي عامين والحزن فـ أحداقي

[غالي ولو صديت @Ffa_79]

تعشى الحزن طراف كبدي وشبع وقام
وانا خايف يعوّد ويفطر على الباقي

[غالي ولو صديت @Ffa_79]

م�� كثر ما يخطر براسي مواضيـع
مـا عاد اقوم إلا بصوت الـمنـبـه

كبدي مميعها البنادول تـمييـع
في كل ست أو سبع ساعات حبّة

ازرع بذور الطيب في الناس و تضيع
و اغليهم و يقفون من دون ســبّه

من كثر ما شفت ابتسامات تصنيع
تعبت أقول الظاهر انّي مشــبّه

[غالي ولو صديت @Ffa_79]

والله ما أدور من العالم ليا ضقت إنفراج
" العبد مايعطونه العالم وربه حارمه

[غالي ولو صديت @Ffa_79]

رعى الله صدر شال والناس ما يدرُون
خفِايا ضميرٍ باح عقب الوجع سده .

[غالي ولو صديت @Ffa_79]

هوى العصر ما عوّد على الدالهين بخير
عطاهم من النسناس ، ، ما يخلف اليمّه