قفلت باب العاطفة والمحبة
وسلّمت للعقل الرزين الأمانه
ترى القلوب الخاليه مستتبه
من كل جرح وكل طعنة خيانة
قلبك إذا تقدر تخبيه خبه
لا تكشفه للناس ويقل شانه
ما فيه أحد حبك عشانك تحبه
من شاف عندك شي حبك عشانه
جعل كل قلبٍ ما نسى طيب ذكراك
يدعي لك الرحمن في سرّه وجهره
وجعل جنان الخلد يا رب مأواك
وتسكن بجنّات النعيم وقصوره
تبقى بقلوب اللي عرفوا طيب مسعاك
والذكرى الطيبة تعيش بصدوره
يارب وانت اقرب من السمع والصوت
تبصر شعور اللي يخونه كلامه
انت المَلِك و المُلك لك و الملكوت
الكون كونك وانت محكم نظامه
علّقت فيه الأرض يا ذا الجبروت
و سخّرت للإنسان طيب الإقامه
رب البحر والموج والدُر والحوت
والريح والبر والشجر والغمامه
ازرعوا الكلام الطيّب في قلوب اللي تحبّون تسكن في القلب وتعيش معه، أذكر كلمةٍ قديمة للحين أعيش على دفئها كبرت في روحي حتى صار لها ظلّ وصار لها مقام، الكلمات تنبت في النفوس وإن لقت أرضٍ طيّبة أثمرت لو بعد حين
عسى لي أثر طيب مواقف وذكرى خير
و نفسٍ تنول اللـي تمـنـاه يـا ربـي
لا تبتليني بالسعـيّ في نصيب الغير
و لا تضيع سنيني و أنا أدور لطبـي
و هب لي بصيـرة ما توردني التقصير
تميـز قلوب النـاس في كرهي و حبـي
و نورنـي أشوف الحقيقة مثل ما تصيـر
أنا أشوف الأشياء مثل ما يشتـهي قلبـي
حطني في قلبك و عينك وبين اهدابك
و عطني كفوفك كلام الناس ما يعنيني
يا فديت اطباعك وضحكاتك وترحابك
وعينك اللي لا رضيت تحطها في عيني
والقصيد اللي معي يبدا بك وينهى بك
جعلني ما ابكيك يوم و جعل ما تبكيني🤍
ما بيني وبينك مشاريه وعتاب
شف دربك الي جيت منه تدله
ما راح تغلبني لو الحب غلاب
من حضرتك عشان قلبي تذله؟
كنت القريب وكانو كلهم اغراب
حتى القمر لا غاب شفتك محله
رح واعتبرني واحدً اذنب وتاب
ماني بثوبً تلبسه ثم تمله
رب لا تجعلني على الشوق منقاد
ولا تخلّي عزّ نفسي يطيح باندفاعي
إن طغى شوقي وحنّ القلب وزاد
ردّني لدربي وصُن نفسي وطباعي
ما ودي أجي إنسان وأرجع بخذلان
يا رب خلّ العزّ فيني دوم باقي
ما ينحني راسي لغيرك يا كريم
ولا أطلب وصالٍ ما بغى يبتغي
أن رضيت بشي .. ما أرضى مخافه
ما أقبل أنصاف الرضا في كل أموري
و أن رفض قلبي وعاف الدرب عافه
ما أجيه بنص خطوةٍ من عبوري
الوداعه .. والسماحه .. واللطافه
هذي أصدق ما زرعته خلف سوري
والسكوت إن حمّل ضلوعي كلافه
بيض الله وجهه بغيبة حــــضوري
"عليم الله عن الخافي وانا ماني عديم شعور
بغيتك بس ما شفت الليالي جَت في صفي
تركتك وانت في بالي تركتك تركة المجبور
تركتك وانت في قلبي تركتك وانت في شفي
ٰ
الا ياللي لك بـ قلبي مكانٍ عاليٍ و قصور
ولك في عيني النجلا دموع لغيرك تجفي"
"عفى عن مواعيد انتظارك والسنين حيام
وقفت وما معي غير الوله واقف ومتسامي
يخوفني ضجيح الشوق لا ارتاد الطريق العام
وتغيرت بكل اتجاهاتي وتأثيري وهندامي
حرارة فقدك اقسى ما تجيبه بارد الانسام
وانا للحين من حر المفارق ترجف عظامي"
والله اني يوم اشوفك يالجفول الدامر
ابتهل لله كيف اوصفك وانتي .. درّه
عينك اللي قاتله ولا ثغرك الجامر
من تأمل حسنها والله ليبطي .. شره
المحل اللي تجينه صار بعدك عامر
والقصيد اللي يجيبك يعتبر .. مغتره 🤎