فطيـم

🇦🇪 │ #FMHM7 │ شاعـره ︎

[فطيـم @Futtaimalma]

" اللهـم حسـن الخاتمـه و حسـن الرحيـل "

[فطيـم @Futtaimalma]

في ظل الأزمة وانتكاسات الأوضاع
شعبك يا بو خالد لقى اليوم عيده

شوفَتْك تتقهوى معَ الشيخ فزَّاع
ما بين شعب الدار لحظة سعيده

كنَّك تقول لْكلِّ حاسد وِ خدَّاع
احلامكم يا اهل المكايد بعيده

#FMHM7 🇦🇪

[فطيـم @Futtaimalma]

في ضفافك جيت انا كلي وغرقت
يا نهر جاري رفض يروي ضماي!
وفي نهارك جيت لك شمس وشرقت
وما لقيت الا كسوفك في سماي

باب خفّاقك من اللهفه طرقت
واقف وقلبي بعد واقف معاي
جيت احبك .. مادريت انك سرقت
المشاعر كلها وقلبي وراي

ما اذكر اني قبل اعرفك يوم رِقت
ومن عرفتك والهنا كله هناي
الاكيد انك عن الباقي فرقت
بس ماظنّي فرق عندك غلاي

ومامداني الا اشوف انك برقت
في مدامع عبرتي وهلّيت ماي
انته اللي صدني وانته حرقت
ماتبقى من شعورٍ في حشاي

#FMHM7

[فطيـم @Futtaimalma]

إن بغيت البُعد يا سمح المحيّا
الدروب وْساع وأمرك في يدينك

أما أنا ما أحتمل زود الجفيّا
من بعد ما صار من بيني وبينك

جيت لك بالود وأثره ما تهيّا
وإن بغيت الصدق ما احنا غاصبينك!

كان قلبك عن دروب الحب عيّا
روح في دربك وِ حنّا مْسامحينك

#FMHM7

[فطيـم @Futtaimalma]

مغرم ولا لي فالهوى حد
صوب الذي يسكن فوادي
قلبي عليه يْون محتد
وقلبه على شرواي هادي!

فارق وِ مثله ما انوجد حد
لو طفت في كل البلادي
حاز الغلا والزين والود
وطبعٍ فريدٍ هوب عادي

ذربٍ حشيمٍ زاكي اليد
ومثله على القمه سيادي
لو بوصفه ما يوفي السد
وما بنصفه أول وِ بادي

أهوى وصاله وأبغض الصد
له شوق قلبي بازديادي
ماله بعيني فالعرب نِد
وحده على الخفّاق سادي

#FMHM7

[فطيـم @Futtaimalma]

على فال الغلا والصد وافكار الليالي السود
ذكرتك وانضوى داخل خفوقي بَدْرِ يشبه لك!

عليك الحب لو طال الغياب بْردتك معقود
واشوف الغير شي عادي لو انك للحشا مهلك

حبيبي من ينسّيني هواك اللي كبر ويزود؟
رغم طول الجفا لا زال مكتوبي ينوّه لك

أخط الشعر في غيرك والاقي شخصك المقصود
واذا مرتني طْيوفك اقول لها على مهلك

قصر الاحباب بفوادي من فْراقك غدى موصود
يمر الغير قدامه بْصعوبه وانت يا سهلك!

غلا دارك مثل ماهو وغرامك هو بليا حدود
على حطة يدينك … لو تحاول تصطنع جهلك

ابيك ان كنت تذكرني ولو تنسى ترا لعهود
الين اليوم تلزمني احبك واحتفي بأهلك

حبيبي يا بدر ضاوي ينوّر لي الليالي السود
تمر سنين وانت الغير مابه شخص يشبه لك

#FMHM7

[فطيـم @Futtaimalma]

باكر الدنيا على مثلك تدور
تنسقي كاسك وترجع تشربه
باكر تْدور على بابي شعور
واعتذارك فوق بحري تكتبه

غلطتك يوم اختلط فيك الغرور
ونور شمسك صرت عني تحجبه
غلطةٍ منها انبنى عالقلب سور
يمنعك بعد الخطا لا تقربه!

في غيابك داوت أيامي الكسور
تجربه يا مُرّها من تجربه!
وأصبح الخافق محطه للعبور
وكلِّ حبٍّ مر كاسه يسكبه

جرحك اللي ما تخفّيه السطور
له على اضلاعي رفوف ومكتبه
عيش من غيري سنينك والشهور
والله ان تبطي تلاقي لي شبه

#FMHM7

[فطيـم @Futtaimalma]

ما نساوم في وطنّا والقياده
حبهم فطره وطاعتهم فريضه

لابة نْهيان بيديها السياده
من يعاديهم يموت بنار غيضه

الشيوخ اللي خذوا بيد الرياده
شعبنا في بشتهم ما ذاق قيضه

في الرضى ولا الغضب ولا الحياده
ما تخالفهم سوى النفس المريضه

#FMHM7 🇦🇪

[فطيـم @Futtaimalma]

تغيب شوي وأشعر بالدقايق يالغلا ساعات
و تورطني معَ نفسي وِ روحٍ وين اوديها؟

عليك القلب يا كم بمسكه وماينمسك هيهات
ومشاعر خافقي كم لي وانا بالثقل اداريها؟

وقفت بكل مافيني وانا اللي رافض الوقفات
بيديني لك بقايا روحي ترفض من يداويها

أنا أدري الهوى بدري .. ولكن صدفتك بالذات
لفت تقلب موازيني من أولها لتاليها

تمادى داخل اضلاعي مدام إن تمدي اللحظات
أنا مهما حصل لحظات عمري مَعْك شاريها

#FMHM7

[فطيـم @Futtaimalma]

معاك العيد يصبح شي ثاني
عسى الأعياد ما تفقد وجودك

عليك يْسوق خفّاقي التهاني
قَبِلْ تلبس وِ قَبْل يْفوح عودك

بقربك يفرق العيد وزماني
مليته حب من زاهي ورودك

عسى كل عام يا حلو المعاني
يعود الحب وأعياده تعودك

#FMHM7

[فطيـم @Futtaimalma]

لو تغيب الشمس يتليها الشروق
سنة الله ما يطول بْها المغيب

وبالمثل دنياك مهما بك تضوق
لا بُد انها بَعْد قسوتها تطيب

وانت ياللي لك بحر مملاي شوق
ادعي الله ينكتب قربك نصيب

حيث حبك مسكنه وسط العروق
يالبعيد اللي بقى بْقلبي قريب

#FMHM7

[فطيـم @Futtaimalma]

نظرتي لْنفسي يلخَّصها كلامي
عاذلي كوكب وأنا كلِّ المجرّه

والمكان اللي ينزّل من مقامي
تنقطع رجلي ولا في يوم أمرّه

من تجمَّل بي لقى منّي احترامي
ومن تردّى بي تركته عند شرّه

كم ظروفٍ حاولت دون انهزامي
وآتجاوزها لو انها صدق مُرّه

#FMHM7

[فطيـم @Futtaimalma]

@e30ud اللهم اميين وياكم يابعدي💞💞

[فطيـم @Futtaimalma]

7 مـايـو 2O25

أودعتُ مِن عُمري عاماً
وابتدأ بعمري عامٌ جديد

فاللهم إني أسألك عامًا مشرق مزهر مطمئن محفوفًا بالتوفيق والبركة يملؤه اليسر والرضا وتحقيق الأمنيات في ديني ودنياي.

[فطيـم @Futtaimalma]

@njm_alyh وانته بخير وصحه وسلامه اخويه سلطان 🌷

[فطيـم @Futtaimalma]

@mohalwber اللهم اميين وياكم اخي الشاعر محمد الوبير🌷🙏🏼

[فطيـم @Futtaimalma]

@__mansooriL وانتوا بخير وصحه وسلامه مشكورين🌷

[فطيـم @Futtaimalma]

بوظبي هي دار خلاني
حبها في ضامري ضافي
من غلات اللي به الحاني
عذبةٍ يزهى بها قافي

ساكن بْها سيد غزلاني
لي غلاته فاقت اولافي
من عريب الساس ظبياني
لي طريته تزهر اوصافي

ماحدٍ شرواه فأوطاني
مولفي كاللولو الصافي
من غبيب الدار جيواني
راكدٍ ماهوب هزّافي

لو بِعَد عني وِ خلاني
حب مثله صعب ينعافي
حيث قلبي فيه وصاني
احفظه لو كان لي جافي

وما أبدّل حبه بْثاني
لو شكيت بْحبه اتلافي
فيه راح العمر مَ امداني
خذ شبابي وْ مَر خطافي

#FMHM7

[فطيـم @Futtaimalma]

كلِّ ليله تلفي طْيوفك ضيوف
والوله ياخذ خفوقي ويشعله
ليت مرَّه صدفتك فيني تروف
وبْحضورك تنطفي نار الوله

المشاعر معلنه حالة عزوف
والحشا يحرم لغيرك يدخله
وإن لفى مُعجب منعته لا يطوف
لو عطاني من شعوره أجمله

وانته لْذكراك عَ اضلاعي صفوف
جيش حبِّك كلِّ مايل يعدله
عايش وميّت مثل ما انته تشوف
قصِّتي بعدك بليّا تكمله

مايعيضوني الغواني والخشوف
يالوحيد اللي وصوفه مذهله
ردِّ لي مليت من شوف الطيوف
وارحم مْحبٍّ غيابك يقتله!

#FMHM7

[فطيـم @Futtaimalma]

يالقديم الحاضر وكل شي جديد
وين ما لديت لك صورة وصوت

الاغاني والرسايل والقصيد
كلَّها تحيا بك ودونك تموت

#FMHM7 ❤️‍🩹

[فطيـم @Futtaimalma]

عسى فال السعد دايم لزيمك
وعساك تعيش في خير وسعاده

وعسى ربي على الدنيا يديمك
سنين طوال ما تشكي النكاده

وأنا لو قد غدى قلبي نديمك
يِمِر عمري وِ حبك في زياده

جنان الغير ما تسوى جحيمك
ولا لي في محبتها اراده

أنا لو ما سكن شخصي صميمك
صميم الغير مايغري وداده

#FMHM7