عّ

[عّ @Fwzbi]

اللهّم ارحم ابوي وأبدل مرارة الشوق أجرًا لا ينقطع

[عّ @Fwzbi]

يانسيم الليل سلّم لي على اللي مانسيته
بلغه شوقي و بشرني لعله ما نساني

واهنيّك يوم تاصل ديرته و تمر بيته
اما انا شفقٍ على شوفه وحاديني زماني

من كثر ما اموت فيه اموت في حيّه وميته
وبيني وبينه مابين سهيل والركن اليماني

[عّ @Fwzbi]

@uwevpw جزاك الله خير

[عّ @Fwzbi]

الله يجيب الوظيفة والله زقت النفسية

[عّ @Fwzbi]

صـبيت لك صافي الـغلا صب مـوزون
مـثل الـدلال اللي سـريـعٍ شـهبها

[عّ @Fwzbi]

ودّي ألقط صورتك يوم تعرض في بالي
لقطةٍ في خاطري ماهيب لقطة شاشه

[عّ @Fwzbi]

واهني اللي ليا حان وقت النوم نام
ما تجاذبه الهواجيس للثلث الأخير

[عّ @Fwzbi]

وصال ربات المحاسن " نص دين "
وانتي وصالك" نص دين و مرجلة "

[عّ @Fwzbi]

الرد المتاخر اكثر سبب مقنع للبلوك

[عّ @Fwzbi]

انا لي ثمان سنين اجامل وانا مجروح
اكن الموده داخل الصدر واكتمها

يجيني بلاً صندوق قلبي يزوحه زوح
خطيرٍ معاليقي من القلب يصرمها

سبايب مودة جادلٍ مابها مصلوح
تبهذلت منها مابه احدٍ يعلمها

يقول ارحمي روحٍ تبلت لها في روح
هي العوق والاسباب ماني بضالمها

[عّ @Fwzbi]

انا مغادر ونتلاقى على خير
و ان كان ما به خير فوداعة الله

يا ليتها زلَّه و غلطه و تقصير
كان الغلا ثابت و باقي محلَّه

لكنها من فوق حدّ المعاذير
و انا عزيز ما ارضى بالمذلّه

جيتك معي شيّمه و حشمه و تقدير
و اقفيت خاسر كل ما جبت كله

[عّ @Fwzbi]

مالي معك حل الا الصمت والحّيره
تركت درب العتب من كثر مافيني

طبعك تغير معاي وصعّب تفسيره
تجرح شعوري جفا وتقول تغليني؟

[عّ @Fwzbi]

الشمس .. ما عاد تذكر حبّنا زين
من بعد ما كان يبدى فيك يومي

"كان الصباح أفضل الأوقات ، والحين
خرّبت طبعك ، وأنا خربت نومي"

[عّ @Fwzbi]

عذراً على الازعاج والصوت الطويل
ما ارتاح لين اسبها وتسبني

يارب زدني قوّه وصبراً جميل
على غرور وغطرسة ست البني

وش رايها فيني وانا عاشق ذليل
اربنّي قد المقام اربنّي

انا مجرّد ليف وشموع وفتيل
محتاج لي كبريت حب يشبني

القاتل الي صار بعدين القتيل
ياحبني للدور ذا ياحبني

[عّ @Fwzbi]

انا مُسالم ما أحب العداوات
العمر فاني والليالي قصيره

ترى السكوت أحيان مثل الإجابات
الصمت نعمه له معاني مثيره

اللي يعيش الوقت عنده قناعات
لا مات يبقى عند الاجيال سيره

ماهو ضروري تعيش عندك علاقات
العُـزله احيانًا علاقـه كـبيره

[عّ @Fwzbi]

انتي اللي تستحـقين . . مالا تملـكين !
من كنوز الارض ومن الحفاوه والرحاب

وانتي اللي ما يضاهيك غير الاكسجين
والورود الطايفيه . . مع انسام الضباب

طاولي في عنجهـيتك . حدّ الفرقدين
وانزلي مثل المطر من عناقيد السحاب

وألبسي في عنقك من الغلا عقد ثمين
جعل يفدا عنقك الطايلات من الرقاب

[عّ @Fwzbi]

اشتقت لتويتر

[عّ @Fwzbi]

اما معي رجع جميع العلاقات
ولا تشمت في واغسل شراعي

ياشينها لاصرت بين اختيارات
خوفي عليك ومنك سبة ضياعي

أخاف لاابعد عنك وادخل متاهات
وأخاف لااقرب منك تلوي ذراعيㅤㅤ

[عّ @Fwzbi]

صديت عنه وخاطري منه ما طاب
كني ماني يمه وانا اقول وينه

[عّ @Fwzbi]

قضيت لحظات حلوة في مخيّلتي
ما يقدر الواقع التافه يوفّرها