د ، غالِب

ستُشرق الشمس و نُحاول مره أخرى .

[د ، غالِب @G2lib]

و بسألك بتحبّني .. ولا الهوى عمره ما زارك ؟
و قول أحبك عندي أحبك أهم من الحقيقه .

[د ، غالِب @G2lib]

لا يسايرّك الحزن ويزيد شيبي
الهوى سيطر على قلبي وغلّق
..
مستحيل اشوف في غيرك نصيبي
صار عقلي فـ المعاليق متعلّق
..
لاتقول اليا وصلتك وشتبي بي
من يشوفك طلق رجوله وطلّق .

[د ، غالِب @G2lib]

تعال .. يا مرحبا يا أغلا حبيب و نديم
لك فـ الحشى بيت ماكل العباد أنزلوه
..
مانيب نادم .. على الحب النزيه القديم
لو اكثر الناس ( مفهوم الغلا ) شوهوه
..
الحب لولا المدارا مثل " حال اليتيم "
اللي يسولف فـ ابوه ولا بعد شاف ابوه .

[ٌ @ajm7i]

لك أيام مانمتي من الخوف والإرباك
تخيفك طواري "الحرب" لو ماهي بحولك

وأنا لي بحرب عيونك الناعسة دكّاك
مقاذيف عينك مع تثنّايك وطولك

ترا ماضعفت إلّا لأن "العدو" فتّاك
لو إنه مهو فتّاك ماكان ذا زولك

تعالي بليّا سيوف رمشك وأنا أتحدّاك
إذا ما انتصرت بوقتها فـ أكّدي قولك .

[د ، غالِب @G2lib]

عزايه للوجار اللي من اول فيه حط وشيل
انا / ماني على خبر الوجار / ولا على خبري

يساومني على طبعي يحسب اني غديت بخيل
انا اللي قد دفعت لعين محبوبي / ذهب عمري

و حتى الليل بعد اني عرفت ان السواد يسيل
تماكنت وحبسته / عن جميع الناس في صدري .

[د ، غالِب @G2lib]

تغيرت / وجهلني من عرفت / وزاد حمل شعيل
عسى منت العوض ب القشة اللي قوست ظهري

خذيت من اكتئابي / قلة الحيلة وفقر الحيل
أعيش ب عزلة ٍ طااااالت معي حتى نفذ صبري

معاميلي نست جمري / وفوح الماء / وريح الهيل
مع اني في حشاي أركيت خفاقي على جمري

[د ، غالِب @G2lib]

احبك اليوم ولا احبك من امسي
يا أول مواليد قلبي واخر احفادة .

[بدر الحباج @alhbajq8]

يا جميله شرعي باب الغرام وشوفي اللي
خانه التعبير معك وعيت الدمعة تخونه

لو اروح بعيد وين اروح ؟ ولا كيف اخلي ؟
وجهك اللي من حلاته مت فيه ومت دونه

ذي محاجر عينك اللي لا تصوم ولا تصلي
يا كثر ماكنت احن الها وهي ماهي حنونة

حاذفً عمري عليك وتارك العالم يولي
الشجاع اخر من تشوف الضعافة في عيونه

منعمي قلبي معاك ويوم اجيلك جيت كلي
ماعلى قلبي ملام ولا على قلبي مهونة

تعبر طيوفك واغني ( بعد غيبه شفت خلي )
ليت خلي ما يخليني على وجهي بدونه

ماخذه كل الجمال العالمي قبل المحلي
والمكان اللي تجينه كل خلق الله يجونه

دثريني من غلاك وسكري باب التغلي
واسمحي لي كان بادلت النعومة بالخشونة

في هواك اعذر من طبق سياسة ميكافلي
واشترا اللي ما يبون شرايته ولا يبونه

يا رفيقة دربي ف حالي وترحالي وحلي
قلبي اخر قلب يكسر قلبك الغض ويخونه

[د ، غالِب @G2lib]

@alhbajq8 الله اكبببببببر ، الله يصح لسانك ويصح بدنك

[د ، غالِب @G2lib]

آحكي علي وليـآ حگيت آنتبهي
وآلعمر بيـد اللي .. يضـر وينفع
...
لا يهمـگ آلمدفـع تــرآك بـوجهي
وآنـا ، آنـا دآيم ( بوجـه آلمدفع )

[د ، غالِب @G2lib]

ذبح قلبي الوسواس اكل عقلي التفكير
متى تمسكين ايديني وازفّك بعرسي ؟
ㅤ
عسى الحلم يتحقق وواقع غلانا يصير
يمين الكبت لبسك يسار الكبت لبسي !

[د ، غالِب @G2lib]

غيرك لو اني خاسرٍ فيه القليل من الشعور
غض الطرف عن كل من حوله و وجّه واتّجه
..
قصّرت بي وانا لاحقني من الدنيا قصور
واسرفت بي حب ومحنيّه وشوق وبهرجه
..
تكفى تغانمني قبل ما اجاور اصحاب القبور
انا لو اني منك قمت بواجبي بأكمل وجه .

[د ، غالِب @G2lib]

انتحى ليلٍ نسيمه يدف النوم دف
كنها ليلة موادع عشاير وإحببّا
..
وأنا من بين المحبه ومن بين الصدف
والله أن ماني بداني ذعاذيع الصبّا
..
اتسلف نوم عيني من عيوني سلف
واتصددّ كني الهدهد بدولة سبّا .

[د ، غالِب @G2lib]

تناظر وتاخذ ملء عينك عتب وتصد
وانا اقول يمكن صدتك ذي هي الصدّه
..
كنك اتسبني معاد خليت ضايع جد
يقذف محجرك قذف المتوسع من العدّه
..
لكن هد وخذ وخل يابن الحلال وبد
اللي ينتبدّا رقم الاهمال له مدّه
..
يوَد الطريق الحي ود بليا ود
ذا طوره وذا حده وشانه وذا قدّه .

[د ، غالِب @G2lib]

يا مصغر هموم الشاعر اللي يبي الاطلال
و يامكبر هموم اللي يبي ربع تلميحه
..
ايضاح الامور يزيد بعض الامور إغلال
ما قد خرب البيت القوي غير توضيحه .

[عزمّي @33jmiiii]

يقولون الغلا جازم وأنا اقول الغلا تشكيك
تموت اللذه اليا صار ماتحلف ولا احلف لك

يجلسني التعب من بين كيف ارضيك وكيف اجيك
يسري البال ياروح النوافذ لين يوقف لك

حبيبي ليتني من قبل لا اغليك كنت اغليك
مثل ماليتني من قبل اعرفك .كنت اعرف لك

[د ، غالِب @G2lib]

@33jmiiii الله اكببببر

[د ، غالِب @G2lib]

فالمجتمع فيني من عناد جسّاس
وفي عزلتي مثل الفجيع المصبّر
..
احتاج و اقفي وانا رافع الراس
كنّ السحايب من جبيني تزبر
..
محدً لمح في عيني الضعف والياس
على كثر ما اقبل زماني … ودّبر
..
ان زانت اوضاعي تواضعت للناس
وان شانت اوضاعي بديت اتكبر .

[د ، غالِب @G2lib]

من عرفتك سابقٍ خيرك قبل ما اوصلّك
وفاتحٍ بيبانك وصدرك مشرّع كلّه
..
البقى في وجهك وفي مرحباك وكلّك
لين ما يبقى على الدنيا سوى وجه الله .

[د ، غالِب @G2lib]

دفنت الغلا لين انزرع من وراه أحساس
مثل مادفنت احلامي الواجد بـ صدَري
..
اخاف أني اوضح وتفهم عليّ الناس
كثر ما أخاف أني اضرّك وأنا مدريَ .