- مدغم ابو شيبه -
سلامي .. و أنا من بين شويه و جرّاره
على واحدٍ ما فيه بعده !.. ولا قبله
ذكرته .. و أنا آبادل يديني على الطاره
بـ دارٍ خلا و الخاطر أضيق من الدبله
هذي دار أبوه و دار جدّه و ذي داره
سقى الله ليالي عنتر العبسي و عبله
عليه العيون من أول الصيف مدراره
سحابٍ ترايع مقدمه !.. و أنتثر وبله
سهج كل روض و قام يزعج على جاره
إلين ألتوى غصن الخزامى على الربله
و هو من سحاه يعود من نصف مشواره
و أهل بيته تراقب مجيّه .. و ترقب له
يخافون .. تلتقطه من الجب " سيّاره "
على ما عطاه الله من الملح و القبله
وجودي لو إني بين يمناه !.. و يساره
وجود بدويٍ .. حالو القوم دون إبله
على الوجه الأبيض و النقى لعنبو الباره
آلا واهنيٍ من لفّ حبله .. على حبله
تصد النفوس .. إللي من الشين نفّاره
مثل صدة الطيّب عن الكلمه الخبله
ما لنا ند ، في وقت الفخر والممارى
إن رجعنا نعدّ الـفـعـل وإن مارجعنا
مجدنا المعتلي يجلا عماس السهارى
واسمنا يعطي الـتـاريخ قيمة ومـعـنى
كان مـزعـلـكم إن تـاريـخـنـا ما يجارى
مـشـكـلتكم مع التاريخ ماهيب معنا
المبدع/عبدالله السراهيد
كيف تنام ؛ و ضميرك مرتاح 5 :
1- لا تدخل في معارك صغيرة ؛ و احسمها سريعا ؛ حتى لو خسرتها .
2-ارحم الناس (العفو) .
3-لا تظلم (بمقياس الشرع ) ، و أعطي كل ذي حق حقه .
4-كفر عن خطاياك ؛ بالفزعة ، و الصدقة .
5- عليك ان تؤمن ؛ ان هذا الوقت سيمضي ، و ان غداً افضل .