شوفت فيديو لبنت دي بتبكي لأن قطتها ضاعت، وللاسف عرفت انها ماتت والموجع أكتر إن القطة كانت عمياء ومش قادرة تعتمد على نفسها. ومحدش هايحس بوجعها الا لو شخص بيربي قطط وعارف قد ايه الشخص بيرتبط بالقط بتاعه وانه بيعتبره جزء من عائلته وأحيانا بيكون القط هو عائله هذا الشخص كلها
انا مره القط اللى بربيه ضاع تلات ايام لا عارفه تكل ولا اشرب ولا انام وكنت ببكي عليه كأنه ابني ولما رجع كان الحياه رجعتلى والناس القريبه مني عارفه مدى ارتباطي بيه ويعتبر هو وباقي اخواته عائلتي الصغيره واللى صدمني ف موضوع البنت دي كمية السخرية والضحك في التعليقات. مش لازم كلنا نحس بنفس درجة الحزن على نفس الأشياء، لكن الرحمة والتعاطف أبسط صفات الإنسانية.
الناس بقت سريعة جدًا في الحكم والاستهزاء، لدرجة إن دموع شخص وألمه بقوا مادة للضحك عند البعض.
الرحمة لا تتجزأ، واللي يهون عليه وجع مخلوق ضعيف، محتاج يراجع قلبه قبل أي شيء.