عرفت انا محتاجة ايه.
محتاجة حد يسمعني، يسمعني وانا بعُك وانا بقول كلام مش منطقي وانا بتكلم عن مخاوفي الوهمية اللي اخترعتها بالليل، يسمعني وانا بحكي عن حاجات وجعاني وهي بسيطة وعن مشاكلي الصغيرة قبل الكبيرة من غير ما يقولي اي رأي.
انا مش محتاجة اراء محتاجة بس حد يسمع.
انا النهاردة اتقالى ياعسل قبليها بايام اتقالى ياطنط فوق منتصف العشرينات او اواخر العشرينات عموما اللى هو ولا احنا عارفين احنا عسل زى الماميز الكبيرة ف السن او التيتات ما بتقولنا ولا احنا طنط زى الاندر ايدج والاطفال بيقولوا وحاجة ف منتهى فقدان الهوية العمرية طب شكلى طنط ولا عسل🤷♀️
شهر ونص واكتر متجمعناش انا وصحابى وبقولهم ياللا نخرج ف مكان فيه كيدز اريا ونلعب واخيرا اتفقنا نخرج كان امبارح 3ساعات بنتفق ف الواتس اب والماسنجر هنروح فين وبعد كل دا خرجونى ف مكان مش عاوزاه انا كان كل طموحى اصاحب ناس اقولهم هوبا وياللا يهوبا ويياللا بسرعه مش كتع كسح كسل زى دول