غيث

هات من عذب "القصايد" ما تهيّا

[غيث @Ghaith_2q]

يشتاق لك بالحيل قلبٍ تمناك
قلبٍ تعشق في كامل وصوفك

قلبٍ يشع من الفرح ليل لاقاك
ليلٍ تلاقت مع ظروفه ظروفك

[غيث @Ghaith_2q]

أحس اني كبرت وبان في طبعي مدى التغيير
فلا هذا هو احساسي ولا هذي هي اطباعي

بديت اتعمّق بـ نفسي ولا اهتمّ لـ كلام الغير
يقولون الهوى غفلة واقول انّ المدى واعي

قدرت القى على الدنيا دروبٍ تحتفي بالسير
ترحّب حيل بقدومي وتشره لحظة وداعي

أسافر من محطّات الخيال لـ وقفة التفكير
واغنّي باللحون اللي صداها يطرب اسماعي

جناحي ذكرياتي والسما فكره واحب اطير
كرهت الواقع اللي يحبس الأفكار في قاعي

جفيت الليله اللي تشغل الخاطر عن التعبير
وسكنت الليله اللي في دجاها يظهر ابداعي

قريت الصفحه اللي كان في روحي لها تأثير
لقيت سطورها ما حرّكت قلبي من اضلاعي

كثر ما كنت اخاف من المفارق صرت اشوفه خير
مثل ما كنت اخاف من البحر قبل اطلق شراعي

غديت اودّع المقفي ولا احب اسمع التبرير
أشوف انّ التفاصيل الكثيره ما لها داعي

فـ انا يا اللي تظنّ انّي بدونك ما احسن التدبير
هجرتك واشتعل نور الحياة و زانت اوضاعي

فلا شكراً على وقتك ولا اعذرني على التقصير
انا من يوم فارقتك تلاشت معظم اوجاعي

[غيث @Ghaith_2q]

ليلٍ ضوى بك عذي .. يا علني ما ابكيه
يازين شمسك ويا محلا تختالها

��شقك سوالف مطر جاب الوسم طاريه
لا جابتك ليلة الفرقا .. على بالها

تبغى ندلك ندل .. تبغى نتيه نتيه
الناس ما شيء غير رضاك يحلا لها

ما دمت ناعس هدب تسهر عيونك ليه
خل السهر لي وأهدابك على فالها

[غيث @Ghaith_2q]

من اللي يعيش أيام عمره بدون ظروف
جميع الخلايق مرها الهم و أنهكها

لا تقضي حياتك بين كف القلق والخوف
تقدم وخوض اللي بقى من معاركها

لا ضاقت عليك الأرض مره وضاق الجوف
لا تطلب فرجها غير من عند مالكها

ما تستاهل الدنيا تلحق وراها حسوف
تعيش المقدّر ثم تمضي وتتركها !

[غيث @Ghaith_2q]

سرا الليل وش غير الحماسة وابو تمام
نديم الورق والحبر والقه��ة السادة

بصدري كلام وفي خيالي وصل واوهام
لو اخير منها دمعةٍ فوق سجادة

أنا اكثر بشر تغريه الاحلام والاحلام
يموت الفتى من دونها ما ادرك مراده

ي الايام وش باقي تخبين يـ الايام؟
عسى باقي من ديرة الوصل نشادة

[غيث @Ghaith_2q]

ماقلت لك ؟ عمر سيف العشق مايقتلك
ما تشوفني حي قدامك و أنا أموت فيك ؟

[غيث @Ghaith_2q]

انتي الدعوة اللي كل ابوها يقين
واستجابت بفضل الله عَزّ وجَلّ

امتلى البال فيك من الوله والحنين
ما لغيرك من الغالين ماطى رجل

[غيث @Ghaith_2q]

يمكن تموت الأرض لو ما ضحكتي
وتضمى البساتين النديه والأشجار

[غيث @Ghaith_2q]

اتلى عهدنا يوم قلت : مسافر قريّب بدو
والبدو تطلق كلمة قريّب على الشي ال��عيد

[غيث @Ghaith_2q]

« مرحبا ما لاح برقك ومقدمك أستهاض
يابعد وجه البسيطة ووجهي وعربي »

[غيث @Ghaith_2q]

يا أخوي وعضيدي والله ان لو علي اولاد
من اكبر عيالي كلهم ل اصغر الجعده

ماهم ب اغلى منك يا شرابي وحلو الزاد
ماهو شرب وزاد ما يشبع المعده

شرابك من الطنخه وقفت قدمك زواد
و بنّك على صنعاء وهيلك على صعده

[أخبار السعودية @SaudiNews50]

اليوم 24 مايو..

اليوم العالمي للأخ .

[غيث @Ghaith_2q]

قد طلبت الله وانا بين زمزم والحطيم
شوفتك ��ا اغلى ثنيّه ليا صرتي رباع

[غيث @Ghaith_2q]

وش استفدت من النباهه يا نبيه
يومياً الفرصه تمرك و تعبر

ولا لقيت لحالتك عذرٍ وجيه
الا انك تحب التحلي بالصبر

تاخذ من امثله الزمان اللي تبيه
و تخلي الباقي و هي فيها عبر

ترا التجاعيد اللي تطلع فالوجيه
هذا حزن يا صاحبي ما هو كبر

[غيث @Ghaith_2q]

سمعت انه تمعّن فالوجيه و مالقى شرواي
و أعرف انه يعيش متيّمي و يموت ملهوفي

هاردلك

[غيث @Ghaith_2q]

احرص في حياتك على أن تكون رجل صاحب مبدأ ودين، واعلم أن لا غناة عنهم ولا عز لمن فرّط فيهم،

او بشكل اخر:

الحياة اللّي بليّا دين ما فيها حلاوة
وان حصل دين ومراجل شعّت الدّنيا سفرها

[غيث @Ghaith_2q]

أنشغل عليك قلبي يالطيف الروح
شغلة اللي حده الطاري على مكه

من يوجه صوب ربي قلبه المجروح
مايجي قلبه بعد ربي ولا تكّه

[غيث @Ghaith_2q]

تبرد الدنيا وترتاب القلوب من السكينة
لا شوارعها دروب .. ولا مساكنها مباني

و أتضايق لين ما ألقاني على أطراف المدينة
ما لسم��ي غير غصّات النسم بين المحاني

عشت يا صوتٍ يعود الليل ذكراه وحنينه
قالوا العالم نساك وقلت والله ما نساني

والله إن قلبه جريح و والله إن نفسه حزينه
والله أنه مثل ما أعاني من الفرقى يعاني

لو نسى وجه الفجر صبحٍ يصبّر ساهرينه
ما نسيتك يا أول أحبّك نطق فيها لساني

كيف ينسى ، من غفى وجهك على راحة يمينه
كيف ينسى ، من تفاصيله بقربك عمر ثاني

كيف أبنسى وأنت ماينساك أحد مريت عينه
كيف أبنسى و أنت لـ هاللحين وأنت أكثر زماني

الليالي .. دون ضحكاتك نسايمها غبينه
كلها صارت تذكرني بصوتك .. لا دعاني

[غيث @Ghaith_2q]

لانقفل بابٍ من الرزق حراسه وقوف
فتّحت بيبان الأرزاق من كل إتجاه

[غيث @Ghaith_2q]

تنتظرك أشياء كثيرة ما تخيّلها
عقب التعب مالك الا طيبة الخاطر