غمري الأسمر - رسميا

‏الأكونت الرسمي لرئيس جهاز تنظيم الهئ والمئ شخصيا 😎

[غمري الأسمر - رسميا @Ghamry72]

لما بلاقي حد مشير اكونت. بيقول أن صاحبه توفى بدخل دايما ادور فيه على أي أيات أو أدعية كان منزلها عنده واشيرها كعمل صالح ليه يؤجر عليه حتى بعد وفاته .. قولت أقولكوا عشان تبقوا شطار وتعملوا زيي .. وتبقوا تعملوهالي لو حصلي حاجة متبقوش واقفين عليا بخسارة كده 🙄

[Ghamry 🇵🇸 ⁦🇪🇬⁩ @Ghamry4]

من سنة ونصف خرجت لآخر مرة من هذا الاستوديو كمعد برنامج الأهلي خط أحمر بعد خمس سنوات شرفت فيها بالعمل داخل قناة الأهلي

ولأول مرة بعد تسع سنوات في هذا المجال أكون ضيف في قناة الاهلي .. وهو شيء عزيز جدا على قلبي

حابب أشكر فارس والقناة على هذه الفرصة بمساحة متوازنة لعرض وجهة نظر فيها هامش كبير من الصراحة والوضوح .. وكل ما اتمناه أن يكون كلامي حظي باحترام حضراتكم حتى وإن اختلفتم معاه فيما كان فيه من النقد الذاتي أو الإشادة

واكتر ما أن أسعدني أن تكون هذه المساحة عبر قناة الأهلي .. وانا اقدر جدا هذا الأمر ❤️

[Ghamry 🇵🇸 ⁦🇪🇬⁩ @Ghamry4]

احمد دياب : لم تكن هناك أزمة في ضيق الوقت لاستقدام حكام أجانب لمباراة الأهلي والزمالك .. كان هناك وقت كافي لاستقدام الحكام لكن اتحاد الكرة رفض استقدام حكام أجانب رغم إعلان الرابطة التكفل بتكاليف الحكام

حدثت الأزمة مع موافقة الزمالك على اللعب بحكام مصريين ورفض اتحاد الكرة استقدام حكام أجانب .. تدخل الوزير أشرف صبحي وحاول حل الأزمة باستقدام حكام سعوديين لكن الأمور لم تكلل بالنجاح لذلك حدثت الأزمة

هذا الموسم تم الاتفاق مع اتحاد الكرة على تلبية طلبات الأندية باستقدام حكام أجانب وتقليل مدة طلب الحكام قبل المباراة

[Ghamry 🇵🇸 ⁦🇪🇬⁩ @Ghamry4]

عاااااااااااااجل

أحمد الطيب عبر قناة الزمالك : العصافير والسمك اتحدوا مع بعض .. وأصروا أن شيكابالا هو الأسطورة الأولى

[Ghamry 🇵🇸 ⁦🇪🇬⁩ @Ghamry4]

عجبني في حلقة أحمد أسامة امبارح في قناة الأهلي وهو بيسأل احمد عفيفي اللي قاعد في قناة سعودية .. تاني سعودية وهنرجعلها تاني .. يقول أن الأهلي دايما بياخد مدربين الزمالك ولما اتسأل زي مين معرفش يجاوب

بس هو انت يا عفيفي وانت في قناة سعودية وبتقول لنادي الفتح ياخد باله أنه الأهلي ممكن ياخد منه جوميز عشان درب الزمالك قبل كده .. مخدتش بالك انت بقى يا عفيفي إن آخر اتنين مدربين نجحوا مع الزمالك مش الأهلي اللي أخدهم لأ ده أندية سعودية !!

يعني الأولى لو هنتكلم عن الأندية اللي بتاخد مدربين الزمالك تتكلم عن الأندية السعودية اللي خدت منك كارتيرون قبل نهائي القرن جوميز في وسط بطولات الموسم الماضي

انت حتى مخدتش بالك أن النادي اللي بتنصحه ده هو نفسه اللي خد آخر مدرب ليك .. وهنا هنرجع لحاجة مهمة وهي أشهر مغالطة استشهد بيها عفيفي .. الفيل في الغرفة .. وهي لو محتاج تشرحها مش هتلاقي مثال افضل من عفيفي اللي مش شايف الأندية السعودية اللي بتاخد مدربي ناديه وواقف في الزاوية يدور على مدربين خدهم الأهلي منه

ممكن عفيفي يكون مش عاوز يشوف الفيل .. وممكن يكون ميقدرش يتكلم عن الأندية السعودية اللي خدت مدربينه وكمان كانت بتتريق عليه في تقديم المدرب

[غمري الأسمر - رسميا @Ghamry72]

" من حق بيراميدز الاحتفال بالدوري لأنه الأحق باللقب من النادي الأهلي "

[Ghamry 🇵🇸 ⁦🇪🇬⁩ @Ghamry4]

كان مهم جدا أننا نقول النهاردة أن الأجدر بالدوري هو اللي كسب .. واللي كان بيدور على العدالة بجد مش المصلحة هو اللي كسب الدوري .. وأن النادي اللي كان تصريحاته وقناعاته متفقة مع قراراته كسب الدوري .. وأن النادي اللي خسر 3 نقط بحثا عن تحكيم أجنبي عادل كسب الدوري .. الأجدر كسب الدوري بعدد ماتشات أقل لأول مرة في تاريخ أي دوري في الدنيا

وأن الدوري مش هيضيف كتير للنادي الأهلي .. اللي معاه 45 دوري مش هتفرق معاه حاجة لو بقوا 30 دوري ولا 50 دوري لأن كده كده اللي بعدك 14 فمش فارقة كتير

لكن يفرق جدا بعد الظلم اللي تعرضناله من وقت القرعة الفجرية دي لحد النهاردة انك تكسب الدوري من الملعب .. ومش فارقة معايا نخسره بقرار اصلا .. بس اثبت اني الأجدر بيه في الملعب من عدد ماتشات أقل كمان وبعدها مش هتفرق 44 من 45 دوري

مبروك دوري أثبت أن الأهلي دائما أكثر الباحثين عن العدالة ولو خسر لي طريقه الكثير

[Ghamry 🇵🇸 ⁦🇪🇬⁩ @Ghamry4]

اكلمكوا بصراحة شديدة .. وبعيد عن أي مكايدات كورة .. جمهور الزمالك حقه يعمل اللي هو شايفه لمصلحة فريقه .. وجمهور الأهلي اللي انا منه مبيقبلش برضه أي حاجة على ناديه .. فأنا متفهم اللي بيحصل وعشان كده واخده هزار

سيبك بقى من كل ده .. البيه المتحدث الرسمي بقاله سنتين عامل حملة ضد المقاطعة .. ومش مكتفي ده هو بيهاجم الناس اللي بتدعي للمقاطعة عشان خاطر أمر جلل زي اللي بيحصل لإخواتنا واللي هو أصلا بشكل مباشر يمسنا ويمس مصالح بلدنا بكل شكل ودي رؤية الدولة المصرية المعلنة .. تخيل موضوع كبير ومهم وجلل زي ده المتحدث الرسمي لنادي الزمالك احمد سالم ضده وبيهاجمه بقاله سنتين بحجة أنه مضر ضرر شديد للاقتصاد المصري والعمال المصريين اللي شغالين في شركات بتدعمهم هيتضرروا قبل ما الشركات تتضرر فبالتالي المقاطعة دي سفاهة وسذاجة من ناس مش فاهمة حاجة .. وفيديوهاته في الموضوع ده وبوستاته طول سنتين لا تعد ولا تحصى

نفس الشخص ده اللي ضد المقاطعة عشان الناس اللي بتموت بالمنظر ده فخور بأخوه اللي اتصل بموظف مصري برضه شغال في الشركة برضه مل ش أي علاقة برضه بأي حاجة .. ومع حملات المقاطعة مش عشان الناس اللي بتموت لأ عشان اعلان كروي في إسقاط غير مباشر على فريقه المفضل

عمرك شوفت ازدواج معايير بشع بالشكل ده .. سبحان الله الموقف ده جه من اخوه صدفة عشان يورينا التناقض البشع ده من شخص ضد المقاطعة عشان الناس اللي بيحصلها كل ده بقالهم سنتين .. بس معاها عادي عشان تريقة كورة

قد ايه الدنيا لفت عشان تبينلنا انك شخص مش نضيف ومعندكش مبدأ

[Ghamry 🇵🇸 ⁦🇪🇬⁩ @Ghamry4]

كابتن محمود الخطيب رئيس النادي الأهلي واسطورته الأبرز .. تحية طيبة

- يا كابتن محمود امبارح اتقال في قناة الزمالك على جمهور الأهلي إنه جمهور بيقبل الإهانة .. كنت متخيل أن اليوم مش هيعدي دون أخذ إجراءات .. لكن ولا أي حاجة .. قناة رسمية لنادي منافس مسؤول رسمي بيطلع فيها بيقول على جمهور الأهلي أنه جمهور يقبل الإهانة

- نفس القناة بقالها شهور موارهاش غير الهجوم على الاهلي وجماهيره وإدارته ولاعبيه والتقليل منهم جميعا

- نفس النادي صاحب القناة تسبب في إيقاف البرنامج الرئيسي لقناة الأهلي ومذيعه رغم أنه يتجاوز ولم يهين أي حد .. احنا قاعدين نتفرج والتجاوزات عمالة تزيد يوم ورا يوم

- يا كابتن محمود في مجلة حكومية قالت على قرارات حضرتك انت والمدير الرياضي للنادي أنها " شغل عيال " .. كنت متخيل أن مستحيل رئيس النادي الاهلي يوجه ليه إهانة زي دي .. لكن عادي الموضوع مر مرور الكرام

- يا كابتن محمود نفس الجريدة الحكومية اتهمت الأهلي بالفوز بالبطولات بالمحسوبية والضغوط والمجاملات .. وإن في غيابهم فرق تانية بتحصد البطولات على حساب الأهلي

- يا كابتن محمود احنا بقينا مستباحين .. ومبناخدش أي رد فعل .. احنا حتى مبنشتكيش .. ولا بنعمل هيصة .. مبتكلمش على رفاهية أننا ناخد حقنا .. احنا بقينا كل من هب ودب بيغلط فينا دون أي حسيب .. وفي المقابل اي حد عندنا يلمح مجرد تلميح بيتفرم

- قناة الأهلي بقالها 17 سنة .. اول مرة يتوقفلها برنامج كان في عهد حضرتك .. وهي تحت إدارة النادي بشكل مباشر لأول مرة منذ سنوات .. في وقت التجاوزات ضدنا لا تعد ولا تحصى .. واحنا قاعدين نسمع وساكتين

مع وافر الاحترام والتقدير والمحبة لحضرتك

[Ghamry 🇵🇸 ⁦🇪🇬⁩ @Ghamry4]

اليوتيوب الزملكاوي سينتياجو : حسين لبيب اجتمع بكباتن فريق الزمالك .. عبد الله السعيد قاله نلعب نهائي الكأس في معاده ومنأجلوش وبيراميدز مزنوق في الماتشات .. واللعيبة كلها كان رأيها نلعب يوم 20 مايو عادي .. لكن حسين لبيب كان ليه رؤية اخرى ورؤية منفصلة

[غمري الأسمر - رسميا @Ghamry72]

ضحك ببلاش مع الزمالك 😂

[Ghamry 🇵🇸 ⁦🇪🇬⁩ @Ghamry4]

سبحان الله كل ما يحاول يعمل مشطشط يبقى مشطشط للزملكاوية .. كل ما يحاول ياخد لقطة تتسجل في التاريخ لقطة عليه يتحفل عليه بيها لسنوات .. بيروح ينكش في جمهور الأهلي كل مرة وبعد ما يتحط عليه يختفي ويعيش دور الغلبان

شكرا يا شيكابالا .. ال 7-1 اللي كنت بتحفل بيها على الأهلي من يومها الزمالك مكسبش البطولة تاني والأهلي بيكسبها للمرة الرابعة على التوالي

شكرا يا شيكابالا من يوم البوست بتاعك الزمالك مش شايف قدامه وكل ما يقابل الأهلي يخسر الماتش ويخسر البطولة

شكرا يا شيكابالا روحت تحفل مع فريق الباسكت علينا الفريق اندثر ومبقاش يكسب .. روحت تحفل بفريق اليد بقى اللي مضمون وكان مسيطر ع اللعبة مبقاش شايف قدامه .. فضلا عن إن فريق القدم من يوم ما حلت عليه بركة تجاوزاتك من 2007 والفرق بين الأهلي والزمالك في كل شيء عمال يوسع اكتر وأكتر

منور يا وش السعد .. يا اكتر لاعب في تاريخ الزمالك خسر مباريات من الأهلي ب 17 هزيمة بس كان بيروح يحفل بفرق الألعاب التانية عشان مشطشط 🥰

[Ghamry 🇵🇸 ⁦🇪🇬⁩ @Ghamry4]

الكابتن محسن صالح ينتقد اختيار المدير الفني الجديد للأهلي :

- انا مع إن المدرب كان المفروض يكون أفضل .. انا كنت عاوز اطلع برة القارة الأفريقية لأن الليفل اللي بيشتغل في قارة أفريقيا هو الليفل رقم 4 أو رقم 5 .. انا كنت عاوز اخد الليفل رقم 3 أو 2 .. مش عاوز اقول رقم واحد .. كان ممكن أننا نجيب حاجة أكثر خبرة وأكثر كفاءة وأكثر شخصية وأكثر سمعة

[Ghamry 🇵🇸 ⁦🇪🇬⁩ @Ghamry4]

هو ازاي شخص طلع قال إنه بعد الانتخابات مجلس الإدارة عمل كوارث .. ولما روحت النادي لقيت مفيش حاجة خالص .. ويجي بعد كده عشان يلم الموضوع عاوز يقنعنا أن المشكلة فينا احنا واحنا اللي بنفهم غلط

لو مش عارف تتكلم وتقول كلام انت تشيل مسؤوليته متتكلمش .. بسيطة .. لكن متطلعش تخبط وتطجن وتيجي لما تتزنق تجيب المشكلة في الناس يا ميدو .. أن خوفت متقولش .. فطالما بتخاف متقولش تاني

[Ghamry 🇵🇸 ⁦🇪🇬⁩ @Ghamry4]

موسم الأهلي كان مؤهل جدا لأنه يكون موسم من الأنجح في تاريخ الأهلي .. لكن للأسف لم يكن أحد مستعد ليه .. نهاية الموسم بريمونتادا الدوري بعد دوري أبطال أفريقيا اديتنا احساس بأن كل حاجة هتمشي معانا .. وده خلانا ندخل الموسم بنواقص .. وخلى الجهاز الفني ينشغل عن الكورة بحاجات كتير .. وخلى اللعيبة تاخد ثقة زايدة مضرة جدا خليتهم تقريبا ميكسبوش أي ماتش مهم في الموسم باستثناء ماتش العين

حالي التراخي وتحلل الفريق دي بنمر بيها للمرة التالتة أو الرابعة .. نفس الدايرة مع كل مدرب .. وفي كل مرة نفس الاعراض .. الجيل ده من اللاعبين كان ممكن يحقق اكتر من الأرقام القياسية اللي محققها دي كتير .. لكن للاسف بعد كل موسمين جيدين بيجي الموسم اللي بينهار فيه كل شيء فيحسوا بالخطر والضغط الجماهيري مع مدرب جديد جاي بشدته الجديدة ودعم الإدارة المطلق وإعلام النادي الرسمي وغير الرسمي فكله بيجيب أقصى ما عنده

بعد الموسم التاني بيبتدي تطلع الاخبار من داخل الفريق عن امتعاض بعض اللاعبين .. يبتدي الإعلام الرسمي ينتقد .. والإعلام غير الرسمي يهاجم .. المدرب ينشغل بخناقات الصفقات وخلافاته مع اللاعبين اللي مبيلعبوش .. الجمهور يتكلم عن اللعيبة المظلومين عشان مبيلعبوش لأن دايما فيه لعيبة مبيلعبوش فدايما لازم هيطلع في لعيبة مظلومين .. اللي أغلبهم لما بيمشوا من النادي مبيعملوش أي حاجة في أي حتة بس بيفضلوا مظلومين

انا حزين جدا على موسم كان ممكن يكون تاريخي .. ببعض التفاصيل الصغيرة .. والكثير من الحزم .. والكثير من التركيز .. وقرارات صارمة في أوقات حساسة جدا .. وقرار من اللعيبة أنهم يستحقوا تاريخ افضل واكبر

اسوء شعور ممكن يوصل لاي منظومة أنها كده كده هتمشي وكده كده هنحقق اللي احنا عاوزينه

[غمري الأسمر - رسميا @Ghamry72]

من اين تأتي قوة الحكم محمود عاشور وبعض الحكام

[Ghamry 🇵🇸 ⁦🇪🇬⁩ @Ghamry4]

قناة الزمالك : انا برضه مش هفضل كيوت .. مش هفضل إن أنا احس أن بتمارس ضغوط اني مش عارف اقف وقفة معينة وأجيب حقي واوقف الناس عند حدها .. مش هفضل قاعد ساكت .. محتاجين نوع من أنواع التصعيد وإجراءات قانونية .. مينفعش حد يجيب سيرتي في قنوات أخرى منافسة

[Ghamry 🇵🇸 ⁦🇪🇬⁩ @Ghamry4]

ابراهيم نور الدين المدير الفني للجنة التحكيم : لو كنا جبنا أي طقم تحكيم أجنبي مكناش هنلاقي في العالم حكم ڤار أفضل من محمود عاشور غير هم واحد أو اتنين .. بحد أقصى 5 حكام أفضل من محمود عاشور لأن محمود عاشور من أفضل 5 حكام ڤار في العالم

[Ghamry 🇵🇸 ⁦🇪🇬⁩ @Ghamry4]

أحمد أسامة عبر قناة الأهلي : من أمن العقوبة أساء الأدب .. السنة اللي فاتت احتفال خارج عن النص في مباراة الزمالك والاتحاد ويطلع قرار من لجنة الانضباط بايقاف لاعب 4 مباريات ويتعان في الدرج وميتتنفذش .. السنة اللي فاتت بعد نهاية مباراة كاس مصر في السعودية يتم اشارات من دونجا وشيكابالا ويتم عقوبة اربع مباريات وتتعان في الدرج ومبيطلعش .. ف كل ازمة بيحصل تدليل .. جوزيه جوميز يتعدى على الحكم الرابع لا لجنة المسابقات بتعاقب رغم وجود اللقطة في البث المباشر ولا لجنة الانضباط

من أمن العقوبة أساء الأدب

[Ghamry 🇵🇸 ⁦🇪🇬⁩ @Ghamry4]

محمد فارس عبر قناة الأهلي : اللي بيحصل ده نتاج سياسة الموائمات .. ان أنا اجي الاقي واقعة اعتداء على حكم واضحة في مباراة المصري فنتيجتها في انسحاب فعاوزين نحتوي الأمور فنتيجتها ان مينفعش أوقف جوزيه جوميز دلوقت .. مينفعش أوقف عبد الله السعيد دلوقت .. ان الجمهور بيكرر التجاوز الجماعي للمرة التالتة والمفروض ايقاف الجمهور مبارتين ومباراة الأهلي اللي عليها الدور فالعقوبة مبتطبقش وبتنفذ الغرامة فقط

كل ده نتيجة سياسة الموائمات اللي مشينا بيها فوصلتنا للي بيحصل دلوقت

[Ghamry 🇵🇸 ⁦🇪🇬⁩ @Ghamry4]

أنا اكبر قلعة رياضية في مصر < انا نادي القرن الحقيقي