خُلُوُدْ

A better me is coming .......

[خُلُوُدْ @GhonemKholod]

كل مرة اتفرج فيها علي فيلم حب البنات بحس بكسوف و كرينج رهيبيب لما بسترجع شكلي وانا متقمصه شخصيات الفيلم وانا صغيره 😂😂🤦🏻‍♀️

[خُلُوُدْ @GhonemKholod]

كل يومين اتخانق مع جوزي اني لما اموت عاوزة اتدفن في مقابر اهلي عشان برتاح فيها نفسيا ومش عاوز اتدفن في مقابر أهله عشان هي في بلد عمري ولا عمري هروحها بس المشكله اني لو روحت عند اهلي هيبقي انا لوحدي وباقي اسرتي لا فكتئب واقعد اعيط 😭😭😭😭😭

[خُلُوُدْ @GhonemKholod]

اوقات بحس اني عاوزة ارجع ٢٠١٥ واعيش في العالم المثالي اللي كنت رسماه لنفسي والأحلام الورديه والطموح العالي اللي كنت فيه ، بس لما بفتكر خيبات الامل اللي عيشتها بحس أنه الحمد الله أن السنين دي عدت 🙂

[خُلُوُدْ @GhonemKholod]

يوسف ابني ما شاء الله عليه بيقول بابا حلو اوي وتيتا وددا إنما ماما دي مش معترف بيها هو انا بالنسبه ليه اسمي بيبي وبس ماما دي لا يمكن ينطقها الا لو تعبان جدا او عاوز ينام اوي أو جعان موت فبيقولها كتعبير عن الآلام اللي حسه 🙂

[خُلُوُدْ @GhonemKholod]

يا ذكري مش حاببها ، ماحيها ، شطبها ،مانعاها عن لساني .

[خُلُوُدْ @GhonemKholod]

الواحد كان عنده امل يتفرج علي حاجه نضيفه

[خُلُوُدْ @GhonemKholod]

اول مرة اتفرج علي stranger things و مذهوله من بجاحه الأجندات في المسلسل أكن الاسبونسر بتاعه هما الشواذ ، اول جزء كان برئ بس بدءوا من التاني واحده واحده بس بشكل ملحوظ و بطريقه مستفزة من اول اللوجو بتاع ابل الملون و مشاهد المعمل لازم لازم لازم يحطلك العلم إياه

[خُلُوُدْ @GhonemKholod]

فيلم ولنا في الخيال حب بجد تحفه وقصه تحفه بس اسوء ما فيه هي مايان السيد بتبريقت عينها معرفش هي بتبرق ليه طول الفيلم وليه كل شويه تزعق ليه ردود أفعالها اوفر كده بجد 🤦🏻‍♀️

[خُلُوُدْ @GhonemKholod]

بجد انا بحب هيفاء وهبي جدا وشايفاه فعلا ايقونه في الجمال و لكن لما بشوف صورها وفيديوهاتها مؤخرا بحس اني مش مرتحالها، تحس كل حاجه في جسمها مشدوده بوقها مناخيرها عينها ، يعني اعتقد دي مش بتقعد في بيتها ببجامه كوزي وعامله شعرها بان وتقعد علي الكنبه وجنبها ازازة بيبسي وجردل فيشار 🌚

[خُلُوُدْ @GhonemKholod]

When I care I don't leave , but once I leave I don't care 🤷🏻‍♀️

[خُلُوُدْ @GhonemKholod]

الله يرحمك يا كريم ويصبر اهلك كنت احن واحد في اخواتك و كنت راجل مجتهد وجدع لو فضلوا يبكوا عليك العمر كله مش هيعوض فراقك
يارب نجي ابنه هو امل أهله الاخير يارب أجبر بخاطر أمه ومتوجعهاش اكتر من كده

[خُلُوُدْ @GhonemKholod]

اول امبارح مات جار ليا كان والله كان اكتر من اخ في حادث بشع و ابنه كان معاه ودلوقتي في العنايه بين ايد ربنا
جيرنا دول بقالي سنين مشوفتهمش لأننا نقلنا وكمان انا انشغلت بدنيتي معرفش اني لما ارجع اشوفهم هشوفهم في موقف زي ده وفي حاله زي دي

[خُلُوُدْ @GhonemKholod]

من ساعه ما رجعت وانا زي ما يكون انفتح عليا ابواب الجحيم وافتكرت كل تفصيله صغيره عيشتها معاهم في طفولتي
للحظه أدركت اني مبقتش خوخه دلوعه الحته وان كل البيوت الدفايه دي مبقتش موجوده وأن معظم الناس الطيبه ماتت
ازاي احنا بقينا هنا وازاي الزمن بعدنا كده

[خُلُوُدْ @GhonemKholod]

انا كان عندي نعمه مكنتش حاسه بيها

[خُلُوُدْ @GhonemKholod]

كانوا زمان بيقولوا عليا عيوطه عشان كنت بعيط من اقل حاجه وبعد سنين اتغيرت ومبقتش بجد اعيط خالص ، لدرجه انه لو مات حد عزيز عليا مش هنزل دمعه
مش جحود ولا اني مش هاممني ، بس بيبقي نفسي اعيط عشان لو عيطت هرتاح ولكن مبقتش بجد قادرة اعيط
فاهمين الاحساس ده ؟
بجد شعور مميت

[خُلُوُدْ @GhonemKholod]

عمري ما هكتب علي عيال الشقي ده وهسيبهم يستمتعوا بكل لحظه في حياتهم وميضيعوش نفسهم في اوهام كدابه

[خُلُوُدْ @GhonemKholod]

كنت قاعده في لحظه صفا وجلد ذات بسترجع شريط حياتي قدام عنيا ، اكتشفت اني عمري ما ارتحت ، من اول ما كنت طفله في ابتدائي لحد ما اتخرجت وكمان دراسات عليا
طول الوقت بجري ورا المثاليه والتفوق ودائما باخد الطريق الصعب
لاقيت أن في النهايه الجري ده موصلنيش لحاجه!!

[خُلُوُدْ @GhonemKholod]

وفي الحقيقه هو حتي موصلش اي حد من صحابي اللي مشيوا في نفس طريقي لحاجه ، احنا بجد خسرنا عمرنا في سراب ، انا فاكره نفسي وانا طفله أما كنت بقعد اتخيل النجاحات والطموحات اللي هحققها لما اكبر
كلها بجد بلح كلها وهم

[خُلُوُدْ @GhonemKholod]

كاتبه مشهورة ليها كتاب من احلي الكتب اللي قريتها عامله كورس عن ال femininity فقولت واو بجد يلا ادوس
وياريتني ما دوست عشان انا اداس علي طبقتي الاجتماعيه لما عرفت سعر الكورس 😂😂😂🙆🏻‍♀️

[خُلُوُدْ @GhonemKholod]

الواحد لما بيكون طالع من بيئه عمل توكسك ويروح مكان كويس بيبقي عنده صدمه كده مش قادر يتخطاها وطول الوقت حاسس أنه علي رأسه باطحه ومتراقب وميعرفش الضربه هتيجله منين
مع أن لا حد مركز معاه ولا حد حاططله قيود ومتصيدله والدنيا لينه وسهله 🤦🏽‍♀️