MO'MEN

Football, Art and Caffeine

#JFT74

[MO'MEN @GoatMo_]

@sarahmheikal Thankx Sarah ,,

[MO'MEN @GoatMo_]

السلام عليكم يا رجاله محتاج ٢٠ منشن على الأقل وتتردلكم في الأفراح ان شاء الله

[MO'MEN @GoatMo_]

@1Mainoo ماينو الموهبه الإنجليزية الأفضل

[MO'MEN @GoatMo_]

@malaksalah23 😭😭😭😭😭😭

[MO'MEN @GoatMo_]

لحد دلوقتي مش قادر أفهم إزاي مصر قدرت تكسب ساحل العاج بالسهولة دي

قائمة ساحل العاج مليانة لاعبين في أكبر الدوريات الأوروبية بمزيج ممتاز بين الشباب والخبرة ومواهب في كل الخطوط

المنتخب دلوقتي مقدم مباراة كويسة جدا قدام فرنسا حتى لو فرنسا كانت بتعمل روتيشن وتدي فرص لبعض اللاعبين تظل فرنسا هي فرنسا

[MO'MEN @GoatMo_]

خلدون مبارك طلع وقال أن بيب جوارديولا حاول يسيب مانشستر سيتي "100 مرة"

رئيس النادي قال إنه مع الوقت بقى أشبه بطبيب نفسي لجوارديولا أكتر من كونه رئيس النادي لأن بيب في كل فترة صعبة أو بعد أي انتكاسة كان يوصل لمرحلة يقول أنه خلاص هيمشي

واللي يضحك إنه بيقول أنه في النادي بطلوا ياخدوا الكلام بجد بعد فترة وكان بيتم تشبيهه بقصة الراعي الكذاب لأن كل مرة بيب كان يقول إنه هيمشي... كان في الآخر يكمل

والأهم في كلام خلدون إنه قال إنه لأول مرة السنة دي مسكش فيه ومحاولش يقنعه لأنه عرف من أول لحظة إن دي المرة الحقيقية وإن بيب المرة دي وصل للنقطة اللي خلاص معندوش فيها طاقة يكمل

[MO'MEN @GoatMo_]

هنشوف أجواء كروية في المكسيك مستحيل نشوفها في امريكا

طفل مكسيكي راح فندق إقامة منتخب جنوب أفريقيا معاه ألبوم ستيكرز الخاص بكأس العالم ومعاه لافتة بسيطة طالب فيها من اللاعبين يمضوا له على الألبوم

هوجو بروس مدرب منتخب جنوب أفريقيا لما عرف نزل بنفسه وقابل الطفل واداله قميص المنتخب هدية

وبعدها لاعبو المنتخب اصطفوا واحد ورا واحد كده عشان يوقعوا له على الألبوم وكمان وقفوا كلهم والتقطوا صورة تذكارية معاه لأنه كان المشجع الوحيد اللي حضر عشان يشجعهم

[MO'MEN @GoatMo_]

@963_LFC احا أنا بالع شادو بان

[MO'MEN @GoatMo_]

شركة ديليفرو عملت واحدة من أذكى الحملات التسويقية المرتبطة بكأس العالم

لو طلبت أكل و وصل لباب البيت في نفس لحظة تسجيل هدف في المونديال... شركة ديليفرو هترجعلك فلوس الطلب بالكامل

يعني لو فاتك أي هدف في المونديال هيدوك الأكل ببلاش كتعويض ليك

[MO'MEN @GoatMo_]

مشاكل الفيزا في كأس العالم وصلت للحكام كمان

الضحية المرة دي هو واحد من أهم حكام أفريقيا وهو الصومالي عمر عبد القادر أرتان اللي لسه لحد دلوقتي مقدرش يسافر لأمريكا

كل الحكام الأفارقة التانيين اللي تم اختيارهم للبطولة من الفيفا وصلوا بالفعل وبدأوا استعداداتهم

تهريج الحقيقة أن أشخاص المفروض يكون كل تركيزهم علي أنهم يأدوا بشكل كويس في البطولة و كل همهم و طاقتهم دلوقتي هتبقي موجهة في أنهم يقدروا يسافروا اساسا!

[MO'MEN @GoatMo_]

حكاية سينمائية تخض، ومن أجمل التحولات اللي ممكن تشوفها في مسيرة أي لاعب كورة

​الولد ده هو بارا سابوكو نداياي، عنده 18 سنة بس. تخيل إن من 6 شهور بالظبط، مكانش بيلعب غير في أكاديمية "جامبينو ستارز" في جامبيا -المعروفة بمواهبها القوية- وعلى ملاعب ترابية غير صالحة للعب أساساً

​في فترة قصيرة جداً قدم أداء لفت بيه أنظار بايرن ميونخ، وفجأة لقينا فينسنت كومباني بيثق فيه وبيطوره، لدرجة إنه دفع بيه في آخر الأسابيع ولعب 4 ماتشات كاملة مع الفريق الأول

​الجنون مأكتفاش بكده.. الراجل قبل 3 شهور بس مكانش عنده ماتش واحد رسمي في ليفل الفريق الأول، ومع ذلك مدرب السنغال جازف وراهن عليه وضمه للمجموعة، ولعّبه ماتش أمريكا الودي بالكامل.

​النهاردة، الولد اللي حياته كانت في مكان تاني خالص من نص سنة، بيتم اختياره رسمياً لتمثيل أسود التيرانجا في مونديال 2026

​6 شهور حرفياً شقلبوا حياته، ونقلوه من عفرة الملاعب العادية لأضواء كأس العالم..

قصة ملهمة بتثبت إن الكورة مفيهاش مستحيل. 🇸🇳❤️

[MO'MEN @GoatMo_]

تحضيرات منتخب الكونغو الديمقراطية لكأس العالم اتحولت لكابوس بسبب فيروس إيبولا

المنتخب كان مخطط يقيم معسكره التحضيري في كينشاسا لكن مع انتشار الوباء، تم إلغاء المعسكر بالكامل ونقله إلى بلجيكا

بعدها كان فيه مباراة ودية ضد تشيلي في إسبانيا لكن المباراة اتلغت بشكل مفاجئ لأن عمدة مدينة لا لينيا الإسبانية رفض استضافة اللقاء بسبب مخاوف مرتبطة بالفيروس

أمريكا كمان فرضت قيود إضافية، وأي فرد من البعثة سبق له التواجد داخل الكونغو خلال آخر 3 أسابيع مش هيتسمحله بدخول البلد

[MO'MEN @GoatMo_]

بوين بيعيش أصعب أسبوع في مسيرته و عليه أنه يختار بين عائلته و بين مسيرته الكروية

بوين متجوز داني داير وعيلة داني مرتبطة بوست هام بشكل جنوني لأن والدها داني داير من أشهر مشجعي النادي، وسماها على اسم لاعب سابق في الفريق

وعشان كده أي قرار بالرحيل هيبقى صعب جدا عليهم خصوصا إن الأندية المهتمة بيه زي ليفربول ونيوكاسل وإيفرتون كلها بعيدة عن لندن

داني عندها شغلها والتزاماتها هناك ومش من نوعية زوجات اللاعبين اللي تسيب كل حاجة وتمشي ورا زوجها في أي مدينة وفي نفس الوقت هي مش عايزة تعيش بعيدة عنه ومعاها الأطفال وده اللي مخلي الموقف معقد

[MO'MEN @GoatMo_]

سبب كبير لأنهيار مستوي كوناتي الموسم ده هو وفاة والده

اللاعب اعترف إنه في بداية الموسم كان والده في المستشفى لأسابيع طويلة

كوناتي بيقول أنه كان عايش في صراع يومي لأنه مش عارف يرجع لبلده ويبقى جنب والده ومش قادر يسيب فريقه اللي محتاجه.

بيقول كمان أن الأصعب إنه كان شايل كل ده جواه لوحده مكلمش حد و ومشاركش اللي حواليه باللي بيمر بيه لحد ما توفى والده

وقال جملة صعبة جدا:
"أنت عمرك ما بتكون مستعد للحظة دي."

[MO'MEN @GoatMo_]

منتخب إيطاليا واخد موضوع تجديد الدماء بشكل عنيف شوية

الاتحاد الإيطالي قرر يجيب بالديني بشكل مؤقت لحد ما يتم التعاقد مع مدرب دائم فدخلت أبص على الراجل لقيته عنده 67 سنة و درب 16 نادي مختلف خلال مسيرته من غير أي نجاحات خالص

ده حتي القائمة اللي استدعاها غريبة لدرجة إنك لو بصيت عليها ممكن متعرفش غير دوناروما وسيباستيانو إسبوزيتو و باقي الأسماء كلها وجوه جديدة

والنهارده قدام لوكسمبورج كسب 1-0 في مباراة ودية وأدي 15 لاعب بالتمام والكمال أول مباراة دولية لهم مع منتخب إيطاليا

الغريب بالنسبالي أن لازعب زي ميشيل كايودي برضوا مدخلش مع اللاعبين دول و مخدش فرصته لحد دلوقتي

[MO'MEN @GoatMo_]

كان عايز يعرّىص بس فتحت منه جاامد

[عمرو @bt3]

🚨🚨🚨🚨🚨🚨🗣️ فيرجيل فـان دايك:

إقالة آرني سلوت؟

نزلت من الطائرة عصر يوم السبت، ثم رأيت الأخبار وقد تسرّبت.

حتى أنا لم أكن أعلم أي شيء حينها.

على ما يبدو، تم اتخاذ القرار في ذلك الصباح.

نحن نعيش الآن في عالم يريد فيه الجميع [كل صحفي] أن يكون أول من ينشر الخبر

هؤلاء الأشخاص هم من يستفيدون من ذلك. نعم… هذا هو الواقع.

[MO'MEN @GoatMo_]

منتخب الجزائر بيحضر لكأس العالم بأفضل شكل ممكن

الحقيقة إن الأداء ده يخليك تحس إن الفريق داخل على بطولة كبيرة جدا

الجزائر قدرت تفوز على هولندا بهدف نظيف ومش أي هولندا دي هولندا بالفريق الأول ووسط جماهيرها كمان وده النوع من الانتصارات اللي بيبقى تأثيره المعنوي أكبر من النتيجة

بطل المباراة كان أنيس حاج موسى الجناح الرائع نزل من على الدكة وغير شكل المباراة بالكامل وسجل هدف الفوز

[MO'MEN @GoatMo_]

كأس العالم هيكلف الشركات مليارات

دراسة عالمية اتعملت على 8000 موظف في 8 دول مختلفة توقعت إن كأس العالم السنة دي يتسبب في خسائر إنتاجية تتجاوز 17 مليار دولار حول العالم

37% من الموظفين قالوا إنهم ناويين يغيروا مواعيد شغلهم بسبب البطولة
27% اعترفوا إنهم ممكن يتأخروا أو يمشوا بدري أو حتى يغيبوا عشان المباريات
14% قالوا إنهم هيشوفوا الماتشات في السر أثناء ساعات العمل
11% اعترفوا إنهم ممكن يروحوا الشغل وهم مخمورين أو عندهم آثار سهر بعد المباريات

المديرين نفسهم طلعوا أسوأ لأن الدراسة بتقول إنهم كانوا أكثر ناس لطلب إجازات أو تعديل الجداول مقارنة بالموظفين العاديين

والنقطة الأهم إن حوالي 20% من الموظفين قالوا إنهم ممكن يفكروا يدوروا على شغل جديد لو حسوا إن شغلهم بوظ لهم تجربة كأس العالم

[MO'MEN @GoatMo_]

كل صيف بيطلع لنا اسم جديد يخليك تفتكر إن أفريقيا منجم مواهب لا ينتهي

زادوك يوحنا، الجناح النيجيري صاحب الـ18 سنة، بقى فجأة محور صراع بين نيوكاسل وبرايتون بعد موسم واحد فقط في السويد

والقصة نفسها مجنونة لأن من سنة واحدة بس، اللاعب كان بيلعب في أكاديمية نيجيرية متواضعة اسمها "أيكون الله" و نادي أيك السويدي دفع 750 ألف دولار فقط عشان يضمه

دلوقتي نيوكاسل داخل بعرض يوصل لـ24 مليون يورو بالإضافة للمكافآت وبرايتون سبقهم واتفق مع اللاعب على الشروط الشخصية وأيا كان الفائز، الصفقة هتبقى الأغلى في تاريخ الدوري السويدي

يوحنا عنده 9 مساهمات تهديفية في 18 مباراة وهو عنده 18 سنة فقط وكمان هو جناح أيمن أشول و سريع وده البروفايل اللي أندية البريمييرليج بقت تدور عليه بشكل مستمر