ۜ.

[ۜ. @GodlyHeal]

أنا وأنت في الحب ما عندنا ذوق
دايم أنا بيني وبينك مناوش

نهجر بعض مدة ونرجع من الشوق
واليا رجعنا بعد يوم نتهاوش

[ۜ. @GodlyHeal]

من يسولف معك حتى لو دقيقه
ماعطى غيرك من الغيد إهتمامه

[ۜ. @GodlyHeal]

أنت في نظرة عيونك لحظة الموت المثالي
لو عشانك ما عشقت الموت أجل من هو عشانه؟

[ۜ. @GodlyHeal]

على صورتك ماني بـ مستامن النظرات
ياكيف أتصبر نظرتي وانت ... سارقها

خذاك الغياب ومجرياته وحب الذات
وانا غيبتك لليوم ، ماني مصدقها

[ۜ. @GodlyHeal]

قلبٍ يحبك ياعجب كيف تشقيه
و انا احسب انك بالمحبة ضمادي

سويت ما اقدر وش الي تبغيه
متى على وصلي تمد الايادي ؟

سرقت من عمري ولا قلت لك ليه
وخذيت قلبي و العيون رقادي

ارحم حبيبك ياحبيبي و راعيه
دامك دوى جروحي و غاية مرادي

[ۜ. @GodlyHeal]

لا تقسى وأنا اللي حط ما ودك بيمناك
وحط بيسارك راحته وأنحرم منها

لك الله يا أحن المخاليق وش قساك
وش اللي نزع ضحكة لقانا وكفنها

وش اللي تغير آخر أيامنا وش جاك
وش اللي حدك لكلمةٍ ما تثمنها

على هالروح يا قطعة الروح من قواك
وهي روحٍ أدنى ما تسويه يطعنها