Гоё аав

Бага нас минь цонхоор
Шагайж харчихаад буцжээ дээ ?..

Г.Аюурзана

[Гоё аав @Goy_Aav]

Нүдээ аниад
Аниад л
Ертөнц гэдэг чимээнээс
Зууртаа тасаръя.

Гэрэл харанхуйг
Үл ялгахын тулд
Гэнэ сэрэггүй амьдралыг
Түр мартахын тулд
Алган дээр байгаа бүгдээсээ
Агшин зуурын салахын тулд
Аяа бас үнэ цэнтэйг нь мэдрээд
Амиа тавьж хоргодохын тулд
Нүдээ анъя ...

Жадамбын Батцэцэг

[Гоё аав @Goy_Aav]

Хөшиг мэт харанхуйн цаана юу байна ?
Хүмүүс мэргэ төлгөөс горь найдвараа хайна.
Өнөөх хөшиг шархийн гэнэт нээгдэхэд л
Өө, хөөрхий бид хууртаж явсанаа ойлгоно.

Омар Хайяам /Omar Khayyam /
/ 1048-1131 /
С.Цэвээний орчуулга
Г.Аюурзана "Дэлхийн сонгомол яруу найраг" эмхэтгэлд

[Гоё аав @Goy_Aav]

Он жил цас болон бударч
Он жил бороо болон шивэрч
Он жил мод болон ургана.
Одоо л би чамайг танилаа...
Элс, өвс минь !

Л.Өлзийтөгс
1999 он
Уран бүтээлийн "Тэнгэрт ургадаг модод" яруу найргийн түүвэр 2015 он / 2-дахь хэвлэлт /

[Гоё аав @Goy_Aav]

Өөрийнхөө зурсан ертөнцөд
Өөрийнхөө босгосон байшин дотор
Өөрийнхөө л зохиосон дууг дуулаад
Өөрийнхөөрөө би амьдарч байна ...

Зүрх сэтгэлийг минь эзэгнэн байдаг
Зүйргүй их нам гүмийн дунд
Хэнээс ч хамааралгүй ганцхан амьдралынхаа
Хэмжээлшгүй жаргалыг урлаж сууна ...

Л.Өлзийтөгс

[Гоё аав @Goy_Aav]

Хоосон уутыг босоо зогсоож болдоггүй.

Зүйр үг
7-р бүлэг. “Мөнгөний ухаан“ 164-р х
Самуэл Смайлс /1812-1904/ Шотланд
“Өөрөө өөртөө туслах ухаан“ 1858 онд анх хэвлэгдсэн бүтээл
Япон хэлнээс орчуулсан Очирхүүгийн Жаргалсайхан

[Гоё аав @Goy_Aav]

Дэлхийн бөмбөрцгийг өшиглөж агсам тавимаар санагдана
Дээр нь байгаа амьтдын нэг нь би өөрөө юм шүү дээ ...

О.Дашбалбар

[Гоё аав @Goy_Aav]

Салхи сэвэлзэн хөдлөх бүрийд чулууд төөрөлдөн одно...

философич эрдэмтэн Л.Дашням гуайн нэгэн шүлгийн мөрт

[Гоё аав @Goy_Aav]

Эрдэмтэй хүн уулын оргил дээр гарсан хүн шиг хамаг юмны учрыг сайхан мэдэж байдаг.

эрдэмтэн Цэндийн Дамдинсүрэн
"Монгол айлдал" эмхэтгэлд

[Гоё аав @Goy_Aav]

Харагдаж байсан юмс харагдахгүй болох
Харагдаж байснаасаа илүү сайхан юм.

/ Данзангийн Нямсүрэн /
Уран бүтээлийн "Алтан хазаар өвс" яруу найргийн ном 2013 он

[Гоё аав @Goy_Aav]

Чиний дэргэд
ойр суухаас хол байх нь юутай энгийн бэ ...

/ Данзангийн Нямсүрэн /
1980 он
"Чиний дэргэд... " шүлгийн мөрт
Уран бүтээлийн "Хаврын урсгал" яруу найргийн түүвэр 1984 он /98-р х/ 2 -дахь хэвлэлт 2007 он

[Гоё аав @Goy_Aav]

Замаар явбал хөл амар
Зарлигаар явбал толгой / бие / амар.

Мэргэдийн үг
МОНГОЛ ГҮН УХААН

[Гоё аав @Goy_Aav]

МИНИЙ АРАНШИН

Давалгаа мэт өндийнөм
Дараагийн эгшинд замхарнам
Замхрав хэмээн арилахгүй
Заяа сөрөн өндөлзнөм
ЭНЭ МИНИЙ АРАНШИН ...

Л.Өлзийтөгс
Уран бүтээлийн "Тэнгэрт ургадаг мод" яруу найргийн түүвэр

[Гоё аав @Goy_Aav]

Хэнийг ч буруутгаж, бусдаас гэм хайлгүй
Хэнд ч хамаагүй явна гэдэг юутай сайхан
Хатуу хорвоод хэн ч чамайг үхэн үхтлээ
Хайрлах албагүй байна гэдэг юутай амар.

Иосиф Бродский
/ 1940-1996 /
Г.Аюурзаны орчуулж түүвэрлэсэн "Дэлхийн сонгомол яруу найраг" эмхэтгэл 2008 он 264-р тал

[Гоё аав @Goy_Aav]

Матeриаллаг байдлаар илрэх дэвшил хүн төрөлхтөнд ач тусаа өгөх нь гарцаагүй. Гэвч тодорхой хязгаарын цаана хөрөнгө баялаг хор хөнөөл тарьдаг. Яг энэ зааг дээр л ёс суртахуун тэнцвэрждэг.

философич Альбeр Камю
/1913-1960/
Г.Аюурзана "Орчин цагийн аугаа их сэтгэгчид" / 95-р х

[Гоё аав @Goy_Aav]

Гэгээрэхүй гэдэг бол юмс үзэгдлийг сайн муу, сайхан муухай, хэрэгтэй хэрэггүй хэмээн ялган салгаж, дугаарлан дэслэдэг аливаа ялгаварын цаана гарахуй. Бүрэн бүтэнд ялгавар байдаггүй.

Дарамын Батбаяр
"Гэгээрэхүйг төсөөлөхүй" эссэ
"Мөнхөөр савласан мөнх бус" ном 2022 он

[Гоё аав @Goy_Aav]

Хүмүүс өөдөөс минь ирж байна
Үй олуул...
Хүмүүсийн өөдөөс би явж байна
Эсрэг зүгт...
...Гараас минь бүү тат !
Би урсгал сөрж яваа хүн ...

Л.Өлзийтөгс
"Урсгал сөрөхүй" шүлгээс
Уран бүтээлийн "Эрх чөлөөтэй байхын урлаг буюу Шинэ ном" яруу найргийн түүвэр 2002 он

[Гоё аав @Goy_Aav]

Өдрийн туршид өөрийгөө түгжин
Өнөөдрийн амьдралын гадна үлдлээ.
Цонхны цаана надгүй өнгөрсөн өдөр...
Цохолж ирсэн учрал намайг ололгүй буцлаа ...

Л.Өлзийтөгс
1998 он
"Өдрийн туршид өөрийгөө түгжин... "
Уран бүтээлийн "Тэнгэрт ургадаг модод" шүлгийн түүвэр 2015 он / 102- р х/

[Гоё аав @Goy_Aav]

Эвийг нь олбол хорвоог
Эмээллээд унасан ч номхон юм
Эгдүү нь хүрвэл хорвоо
Эмнэг морь шиг булгих юм.

/Шагдарын Уянга/

[Гоё аав @Goy_Aav]

Дуулж суугаад унагадаг нулимсан дунд
Дурлал шиг үнэн дотно чи минь алга байна
Дурлал шиг үнэн дотно чамайг минь эзгүй байхад
Дуулаад унагадаг нулимс нэгэн дуслаар дутуу байна
Дураараа мэлтэрсэн нулимс минь альхан хацарт бөмбөрөө бол ...

Шагдарын Уянга
"Үгүйлэхүй" шүлгийн хэсгээс

[Гоё аав @Goy_Aav]

Хулгана нүхэндээ ийн гомдоллож сууна:
Би энэ үр тарианы хог, талхны үйрмэг, эрдэнэшишийн хальсыг тэвчиж чадна.
Харин энэ хавчлага шахалт, харанхуйг яасан ч тэвчихгүй.

Jaime Sabines
"Орхигдсон шувууд"
Г.Аюурзана "Дэлхийн сонгомол яруу найраг" эмхэтгэл 2008 он