قنــــآآآآد☕︎

شاعـــر

[‏᷂عسر٨٨ @Qhta10ni]

سمعة الرجال طوق مثل طوق النجاه
ان حضر تخدمه وإن غاب تحمى غيبته

[‏᷂عسر٨٨ @Qhta10ni]

راحةٍ في غير ذكر الله كلام فاضي
ونية ماهيبّ لله خاتمتهاشينَه

[قروب اشعار @aShi3ar]

ارزاق والدنيا حظوظ ومقادير
اقول اسوي " والله اللي يسوي ".

[معكاز شعر @M3kkaz]

شعر عن الردي :

اكبر خطا في حق نفسي ارتكبته 
إني اعتبرتك ي أسود الوجه رجال .

[‏᷂عسر٨٨ @Qhta10ni]

نثبت الى قامت الدنيا بهلها تميل
إلى انفهق من مواجه شرها من قلط

ولا نخلي الرفيق ولا نخفي الجميل
ولا نداني البخيل ولا نحب الغلط

[معكاز شعر @M3kkaz]

شعر في الثقه بالنفس :

ما وقفت الا وانا قد الوقوف
وما ارتكيت الا على مركى جبل .

[معكاز شعر @M3kkaz]

يابندقي مالك عن الصيد مجناب
مادام راسي حي والشوف راهي .

[فارس @i2Mrs]

"معك يا حلو الشعور، ومعك يا حلو السوالف
لا ضحكت بسبّة ولامن ضحكت بدون سبة

أنت يوم الأرض مليانة سواليف ومواقف
دلّك الله الكلام اللي أفكّر به وأحبّه.."

[🌷 @vi2_1i]

سقى الله ليالٍ فايته ما لها مردود
يوم ان الوصل ممدود ما صابته خِله

ليا من تباطيته يقول الفرح مفقود
ولا من تباطاني غدا القلب به عله

ولا من طلبني قلتله يا نحيل العود
حبيبك فداك وما ملك والعمر كله

نظمت الشعر لجله وهو دايم المقصود
عسى شعري المرسول يُنشر وياصلّه

[قروب شعر @Group_she3er]

عطاك ربي على زين المحيّا . . قبول
و اعطاك عذب الكلام و فارقه و اندره

[‏᷂عسر٨٨ @Qhta10ni]

روس قومً من خلقنا الله وحنا قاده
ما مسحنا بشت شيخ ولا تبعنا جرهّ

ما نراكي غير كفوً يرتكي لشداده
فوق سرج الخيل ولا فوق كور الحره

والله إنا من على عد الروى وراده
مزبنن للي شكى ضيم الزمان وشره

لاتدورنا ليا هب النسيم أنواده
غير في يومٍ نهاره يلتهب من حره

[موطن القصيد @_mw6n]

عاشر برفق وأرحل بطيب وأحسان
اللي بيبقى في الأخيـر : المواقـف

[قصيـد @eix6__]

زادها الله فوق القبول قبول
حَتى ملامحها مالها بالدِنيا شِبيه🤍

[مدواخ شعر @Medwkh]

البساط الأحمدي مع واحدٍ يغلينا
خير من ناسٍ نجالسها ولا نامنها .

[قصايد @hnoof_x]

على الهقوه اللي في رحاب الظنون تدوج
اركاب الاماني ،، دكها ،، شح مرعاها

لاصار العشم بابه بـ قفل الصبر مزلوج
لا يمكن نحد اهل المعاذير لـ اقصاها

عزاز النفوس تجنب المشرب المسهوج
لو الفقر تطبع بصمته في محياها

زحول المعرفه هرجها ماهو بـ مفلوج
وآكبار البخت زين النبا يخدم اسماها

[NOURAH @just_poetry_]

محمد الشمالي الله يرحمه يقول :

علّم اللي كل شيٍ من طرفنا يستفزه
ما يطلعها من وحول الدروب إلا يديها

[موطن القصيد @_mw6n]

راعي الردى وشلون تعرف مواريه 
كل ما لقى كفو من الناس عابه ."

[مـوطــن @_mo6n_]

عطونا أبيات نرجسيّه مثل :

لا شفت برق الحسد بعيون حسّادي
تقوى عزومي وعين الحاسد أعميها .

[قصايد @hnoof_x]

اخذ الكلام اللي مثبت على ساس
واترك كلام .. الهيلمان الملقّف

رجلٍ ما يقدح بالمواقف من الراس
تلقاه بـ دروب المراجل موقّف ؛)

[‏وهم @rrcv0]

تحت هذي التغريدة
- أرسل بيت من شاعرك المفضل :