hadeer alham

‏سيزيف لم تعد علي اكتافه الصخره ...انا شيلاها مكانه

[hadeer alham @Hadeer_alham]

بجد الست العاقله اللي جوايا هي اللي سايقه بقالها كتير اوي ..نفسي اسيب اللسعه تهب مني وتخلص الليله دي

[hadeer alham @Hadeer_alham]

هل تؤمن بوجود حياة بعد الأطفال

[hadeer alham @Hadeer_alham]

عمال تبلبع ففيتامينات و antidepressants علشان صحتك الجسديه والنفسيه وفالاخر بتنام مكسح معيط حالتك بالبلا

[hadeer alham @Hadeer_alham]

حاسه ان حسدت نفسي سيكا لما قلت ان بقيت بقدر اجمع العياط كله فيوم واحد وباجل العياط لو ورايا حاحات كتير واختار ايام انهياراتي..حقيقي من يومها انهياراتي موقفتش 😂

[hadeer alham @Hadeer_alham]

بسم الله الرحمن الرحيم الاجابه غريب ما بين أغراب يا استاذ سيد 🙃

[hadeer alham @Hadeer_alham]

ما طفحوناش ريهام عبد الغفور بقي بالله عليكم سيبوا الواحد يحس اي حاجه لوحده وهو بيتفرج ..ادوا الواحد فرصه يتفرج بالله.عليكم

[hadeer alham @Hadeer_alham]

ببساطه لان الصناعه بقي فبها فلاحين مش مكسوفين انهم فلاحين 😅

[ayman zorkany @zor2any]

أنا شفت اعلان الفيلم في السينما هو يبدو حلو ومعمول حلو .. بس الملفت الاتجاه ده اللي بيزيد .. بدأ مع بالطو و بعدين السادة الافاضل ثم فخر الدلتا،، اللي هي كوميديا الفلاحين بس مش التقليدية القديمة .. لا أقاليم دلوقتي وبالذات الطبقات المتوسطة

[hadeer alham @Hadeer_alham]

بتمني فيوم من الايام ربنا يرزقني القدره الماديه والنفسيه للكفاله... يارب زي ما زرعت الفكره دي جوايا وزي ما كبرت الحلم ده جوايا ترزقني القوه احققه
يارب دي تبقي سكتي للرضا..ارضيك وارضي عن نفسي

[hadeer alham @Hadeer_alham]

اقسم بالله اوسخ نظام نوم واوسخ لايف ستايل متناهوش لاعدائي وحاجه منتهي القرف عموما

[hadeer alham @Hadeer_alham]

ميول انتحارية

[hadeer alham @Hadeer_alham]

هو بيجعر ليه

[Ahmed Ali @96_null]

هو مين ده و ايه اللي هو بيقوله ده!!!

[hadeer alham @Hadeer_alham]

النوم ده احلي حاجه فالدنيا ..فثانيه متبقاش موجود
يارب الموت يبقي بالحلاوة دي

[hadeer alham @Hadeer_alham]

عارف احساس ان عمرك ما بتوصل لازم حته حتتين ناقصين

[hadeer alham @Hadeer_alham]

اول ما نشاط الانستجرام يزيد يبقي فترة غامقه معروفه

[hadeer alham @Hadeer_alham]

تويتر ده فاليوم ده بيبقي حزين اوي .. كله ذكريات صعبه

[hadeer alham @Hadeer_alham]

عايزه اروح .. بس مش عايزه اروح بيتنا ..عايزه اروح سكن حارة علي السيده زينب ٢٠١٥

[hadeer alham @Hadeer_alham]

بالمناسبه معلومه يمكن تنفع حد لان مكنتش اعرفها وتأخرت اوي ان اعمل بدل فاقد .. بتطلع اون لاين من مصر الرقميه وبيعملك لوحده شهادة المخالفات و توصلك لحد البيت ب ٤٥٠ جنيه وهو بيسلمك الرخصه بياخد منك صورة البطاقه وصورة محضر الفقد وده بيتعمل فالقسم ب ٣٠ جنيه

[مو @mohamed29_fcb]

بمناسبة التايم لاين الكئيب بتاع ضرايب التليفونات واستحالة إن حد يغير تليفونه لتليفون نضيف تاني إلا لو باع كليته عشان يدفع تمنه مرتين

امبارح كنت بتكلم مع صاحبي بيشتكيلي إن رخصته ضاعت ورايح يطلع بدل فاقد، ف كان متخوف إن يبقا فيه قانون جديد بيلزمك تمشي ف إجراءات الرخصة من اول وجديد

سألني عشان أنا طلعتها السنة اللي فاتت دفعت كام، لما قولتله 4500 هوا اتصدم وأنا اتصدمت لما عرفت إنه طلعها ب700 جنيه في 2018

قعدت حبة حلوين متنح وبسأل نفسي ايه السبب اللي يخليها بالثمن ده، هما خسروا ايه مثلا، ايه اللي حددوا على اساسه الرقم ده والزيادة المرعبة دي

ف لأ هيا مش تليفونات بس، هيا شهر تليفونات، شهر مباني وعقارات، شهر نت، شهر بنزين وسولار، شهر دولار، شهر خصحصة مستشفيات، شهر إلغاء تكليف، شهر مياه وكهرباء، شهر جمارك عربيات .... وغيره وغيره كل شهر هتتاخد واحدة واحدة وخطوة بخطوة عشان يمتصوا غضبك ف تبقا متعود زي مانت متعود دلوقتي وتنسي تطالب بحقك وآخرك هتنبح ف كلمتين عالسوشال ميديا بتكتبهم وأنت خايف كمان 😂

[hadeer alham @Hadeer_alham]

يعني انا كده هدفع ع الموبايل ضريبه فالسعوديه وجمارك فمصر .. هو ليه مميزات العيشه فالخليج كلها بتختفي ع حظ قرمط 😂

[hadeer alham @Hadeer_alham]

حد يقول لمنه شلبي متحاولش يبقي دمها خفيف بجد وياريت تضم ع اخوها السقا وتشتغل من غير ما تفتح بقها خالص..كار الانترفيوهات مش كارك

[hadeer alham @Hadeer_alham]

خلقي ضاق اوي والله .. الردود الحقيقيه اللي جوايا لو ردتها هخسر ناس كتير اوي والله