دخلت نقاش هادي جدا مع بابا (صوتنا كان جايب آخر الشارع) عشان هو شايف إن المشاركة في جهاز البنات الغير قادرات من الأولويات
وأنا شايفة إنه الأولوية لو هتطلع صدقة تدور على حد مستحق يعني يكون عاجز/مريض/فقير
إنما مش منطقي يعني يا بابا تدفع لبنت تمن ٦٠ فوطة هي مش هتعيش عمرها كله في حمام سباحة يعني ولا تروح ��ساهم في تلاجة بأربع أبواب عشان متبقاش أقل من بنات البلد ده سفه وهنتسأل عنه
بابا حبيبي أفحمني بأخلاقه وقالي طب وإيه المشكلة؟ هي مش بنت زيك انتي وأخواتك ومن حقها تفرح؟ ما نجيبلها يا ستي خمسوميت فوطة لو ده اللي مش هيخلي نفسها مكسورة قدام الناس وتحس إنها زيها زي بنت أكبر حد في بلدهم ده انتي بني ادمة براس جاموسة فعلا
حبيبي أنا عمري ما هجيب ٦٠ فوطة بس انت مؤدب موت مش هتخانق معاك تاني😘