Hamza Traboulsi

Multimedia Journalist

[Hamza Traboulsi @HamzaTraboulsi]

ماكرون عمك.. لاريجاني عمك
بن سلمان عمك.. الشرع عمك
إردوغان وابنو عمومتك
الشيباني عمك
البو برغر عمك
تطبيع وبيع أراضي
فخارة جوانح وقريدس
بيسي وبوبي
شو يعني منبيع حصتنا ومنفل؟
بلد او مش بلد؟
وطن وعيش مشترك وشعب عابر للطوائف؟
أو طوائف عابرة بالبلد؟
أرزة وخطين حمر مش هيك المفروض…

[Hamza Traboulsi @HamzaTraboulsi]

أطفال اليمن فينا نحكي عنهم أو ببطل في شنطة آخر الشهر؟؟
قصدي منسكت متل وقت غزة أو شو؟؟
مراجعنا الكريمة بدها فتوة القصة؟
أو نرابط عالمندي؟

الإستفسار واجب لأن الإنسانية apparently بدها إذن طال عمرك … طعمرك

[Hamza Traboulsi @HamzaTraboulsi]

عتبي عاللي كل ما زارنا رئيس أو وزير أو ابن رئيس دولة، بيحوّلوا الزيارة لفتح تاريخي: زفّة، طوشة وتبويس أيادي، كأنّه وصل المخلّص!
يمكن ببلده ما إلو مطرح إلا بملفات الفساد، بس عنا بيصير صاحب فخامة على الأكتاف والمشكلة بدون نتيجة فعلية عأرض الواقع.
ابنوا بلد وشو بدكن من ابنه الولد!

[Hamza Traboulsi @HamzaTraboulsi]

لبنان وطن يعمل على التطوير والتنمية ✖️
لبنان وطن ناطر دوره بالفلقة ✔️

[Hamza Traboulsi @HamzaTraboulsi]

قانون العفو العام بلبنان:
العفو عام… والعدالة استنساب!

[Hamza Traboulsi @HamzaTraboulsi]

معلومات عن مصدر مجهول طابور خامس يقوم بتوزيع ٥ يورو و نص ربع على مجموعات كبيرة من شباب Avenue des Champs-Élysées لإثارة الشغب وقمع المتظاهرين في #باريس
#فرنسا

[Hamza Traboulsi @HamzaTraboulsi]

الجنوب بالأرض،
العساكر معتصمين، والتعليم الرسمي داعي لإضراب،
Alfa وMTC كل يوم تعرفة،
إشتراك الموتور بدك قرض لتسدد،
ونتنياهو عم يكزدر فوق جبل الشيخ.
والعالم عم تتخيّل الثمانينات…

تخيّلوا العصر الحجري… أقرب للواقع وأحلى.

[Hamza Traboulsi @HamzaTraboulsi]

ما ضروري نغيّر أشكالنا ونتخيّل كيف كنّا بالثمانينات. كنا بحرب، وبعدنا بحرب.

[Hamza Traboulsi @HamzaTraboulsi]

حالةُ التجرثم التي وقعت فيها البلاد لم تكن وليدة وباءٍ عابر، بل نتيجةَ إنكارٍ لحقيقةٍ علنية، جرى تجاهلها عربيًا حتى تحوّل التجاهل إلى بيئةٍ خصبة لتفشّيها. فالقضية لا تكمن في مجرد وجود هذه المستوطنات، بل في استيطانٍ فكري سُوِّق ببراعةٍ وبقدرٍ من التلقائية

[Hamza Traboulsi @HamzaTraboulsi]

لأن الهوية الوطنية لا تُفرض على الناس بالشعارات، بل تُبنى عندما يشعر المواطن أن الدولة موجودة من أجله… قبل أن يضطر إلى البحث عمّن يحميه خارجها.

[Hamza Traboulsi @HamzaTraboulsi]

وربما المعضلة اللبنانية الحقيقية ليست في وجود المقاومة وحدها، ولا في غياب الدولة وحده، بل في تاريخ طويل جعل كل طرف يرى في الآخر سببًا لغياب الدولة التي كان يفترض أن تكون للجميع.

لبنان لا يحتاج فقط إلى إنهاء الانقسام؛ يحتاج إلى معالجة أسبابه.

[Hamza Traboulsi @HamzaTraboulsi]

وهنا لا يمكن قراءة المقاومة فقط كحدث عسكري أو سياسي؛ بل يجب قراءتها أيضًا كأثر من آثار دولة لم تنجح في أن تكون حاضرة بالتساوي عند كل أبنائها.

المفارقة أن ما نشأ أصلًا كردّ فعل على غياب الدولة، أصبح مع الوقت جزءًا من المعادلة التي تعقّد بناء الدولة نفسها.

[Hamza Traboulsi @HamzaTraboulsi]

ومن رحم هذه المنطقة الرمادية وُلدت المقاومة.
فحين تتخلّى الدولة، أو تعجز، عن ممارسة مسؤوليتها تجاه شرائح من شعبها، وحين يشعر جزء من المجتمع أنه خارج مظلة الحماية والرعاية والإنصاف، تتكوّن تلقائيًا مساحات بديلة للسلطة والحماية والانتماء.

[Hamza Traboulsi @HamzaTraboulsi]

لبنان ليس شعبًا واحدًا بقدر ما هو مجموعة شعوب اجتمعت داخل حدود واحدة، ثم راحت تنقسم عند كل مفترق طرق.

منذ قيام الدولة، لم يُسمح للهوية الوطنية أن تصبح الرابط الأول بين اللبنانيين. وكلما اقتربنا من بناء هوية جامعة، أعادتنا الانقسامات الطائفية والفكرية والسياسية إلى نقطة الصفر.

[Hamza Traboulsi @HamzaTraboulsi]

الاتفاق الإطاري بيشبه إعلان عقاري:

جيبها إذا فيك تجيبها…
حق التصرف والتبرطح والتمردح!

وبقلك النتن للمزيد من السيادة والاستعمار:
سنسمح للجيش اللبناني بالانتشار…

المهم "ما بصح الا الصحيح"

[Hamza Traboulsi @HamzaTraboulsi]

طيب هيدي المساعي والتواصل المباشر مع واشنطن، وهالطوشة كرمال الضاحية وبيروت… والجنوب؟ والمستشفيات؟ والطواقم الطبية؟ والبشر والحجر؟ واضح إنو الحماية عنا خيار انتقائي. المهم إنو قرار السلم والحرب بيد "الدولة"… بس توزيع الحياة والموت بعده تفصيل يا جنوب.

[Hamza Traboulsi @HamzaTraboulsi]

مرات الحزن ما بيجي على شكل دمعة،
ولا حتى شعور واضح تقدر تسميه.
مرات بيصير فراغ… أو ضحك زيادة عن اللزوم،
مزح بكل موقف، وهروب من أي لحظة صمت.

مش لأنو الواحد ما فارقة معه،
بس لأنو في أشياء بتصير أكبر من البكي نفسه.
كأنو الجسم والعقل بيتفقوا يخبّوا الوجع بطريقة تانية،
بطريقة ما بتشبه الحزن التقليدي يلي الناس بتفهمه.

وفي ناس ما تعلّمت تبكي أصلًا،
تعلّمت تتحمّل، تكمّل، تضحك، تغيّر الموضوع،
وتتصرف كأنو كل شي عادي
بينما جوّا في شي عم ينهار بهدوء.

أوقات أخطر أنواع الحزن
هو الحزن يلي ما بيترك أثر واضح

[Hamza Traboulsi @HamzaTraboulsi]

افتعلت
اتحمست
اخطأت
٧ أيار …

[Hamza Traboulsi @HamzaTraboulsi]

مرة حلوة،
مرة مُرة،
ومرة مش مفهومة بالمرة…

[Hamza Traboulsi @HamzaTraboulsi]

المفاوضات المباشرة…