ملامحك تبري المكروب من عقب ضيق
يا جعلهم فدوة ترابك ووجيه الردا
أشتاق لك والمشاعر نار تحرق حريق
شوق الغريب لو مسافر ديرته ما هدا
النار في جوفه لها غيض زفير وشهيق
يسمع لها لي مجربها أنين وصدا #حنان_المعمريه
مو كُل من شافك يشوفك بنظرة مــحــب
بعض العيون تشوف ظاهر ولا تعي المعاني
المحب وحده يشوفك أصدق من أحب
ويقرأ في ملامحك ولو صمتك له ألحاني
يبرّر خطاك ويحتويك لو طال الغضب
ويصون ودّك لو قسى وقت و زماني
ما يحسب العطا ولا ينتظر منك الطلب
عطاه من حبّه يجي من غير حسباني
يشاركك فرحك ولو في قلبه ألف كرب
يخفي وجوعه لجل تبقى بخير و أماني
وإن مال حظك ما تغيّر قلبه وانقلب
يبقى معك …. و يشتريك بكل تفاني
ما يملّ الوقوف في دربك المتعب
لو ضاقت الدنيا عليك صار لك عنواني
وإن كان للحب معنى يختصر كل السبب
المحب الحقيقي وطنٌ إذا ضاقت مواني #حنان_المعمريه