**مراجعة سماعة هواوي فري كليب الجديدة**
1. **تصميم غير مألوف**: تصميم السماعة مميز وموجه للأشخاص اللي ما يحبون يكون داخل فتحة أذنهم سماعة. هذا الشيء مخليها جداً مريحة وما تحس فيها إذا لبستها لفترة طويلة (أريح سماعة لبستها).
2. **الشكل**: أغلب من يشوف السماعة يستغرب من شكلها لأنها غير مألوفة مثل ما ذكرت.
3. **الألوان**: متوفرة بعدة ألوان، فضلت اللون البني عشان يتماشى مع لون الجلد وتتجنب سالفة أنك لابس حلق أذن بقدر المستطاع 😂 (قليل اللي قالوا كأنك لابس حلق) والبعض عجبهم شكلها.
4. **جودة الصوت**: جودة الصوت جيدة جداً وما تتقارن بسماعات الأوبن فت أو السماعات اللي فيها ربل بحكم أنها ما تدخل الأذن. ممتازة لتشغيل مقاطع الصوت والسنابات وغيرها. أما الأغاني تعتبر جيدة جداً وفيها تسريب صوت إذا كان مستوى الصوت أعلى شيء ويختفي إذا نزلت مستوى الصوت قبل النص بقليل إذا كان المكان هادي مره.
5. **جودة المكالمات**: ممتازة والصوت واضح، واللي يسمعك واضح بعد. حتى لو كان مستوى الصوت عالي اللي جنبك ما راح يسمع، ممكن يسمع صوت بعيد بس ما راح يلقط الكلام حتى لو المكان هادي. أما إذا كان المكان مزعج فا محد راح يسمع شي.
6. **الفئة المستهدفة**: السماعة تصلح لشخص ما يحب ينعزل عن الناس إذا لبس سماعات لأنها ما تعزل الصوت الخارجي. كذلك للأشخاص اللي يتضايقون من السماعات التقليدية. تصلح في بيئه العمل تكون واعي باللي حولك وبنفس الوقت تشغل مقاطع أو تتابع يوتيوب وغيره، أو تشغل موسيقى بشكل خافت كخلفية مثلاً وما تزعجك.
**العيوب**:
1. بعض المرات الصوت ما ينسمع إذا كان المكان مزعج مره وعلى حسب المقطع اللي تشغله.
2. إذا استخدمتها في النادي راح تسمع صوت الأجهزة، فما أنصح فيها في هالمكان إلا إذا كنت من النوع اللي يسولف مع الكل ومشغل مقطع صوت كخلفية، تكون مناسبة لك.
**الخلاصة**:
السماعة موجهة لفئة معينة وأماكن هادية. ما تغني عن السماعات التقليدية أبداً لأنها ما تنفع في أماكن مزعجة أو حتى في الطيارة، لأن في هالأماكن تحتاج سماعة فيها خاصية العزل إذا هالشيء يهمك.
بالنسبة لي، جداً عجبتني وفعلاً نحتاج سماعات في هالفئة، والشركة الوحيدة اللي أبتكرت هالفئه حاليا هواوي وتعتبر أول إصدار ومع ذلك مرضية 👍 وممكن نشوف الشركات
الثانيه تلحق هواوي في هالفئه .
#مراجعه
#هواوي
#سماعه
#huawei
#freeclip
#headset
@TheSecreteOne You gonna love the camera for sure. I got one since was released (global version) with sucks EMUI🤣
Only security updates no improvement updates.
I use it as secondary phone mainly for shooting 👍
@wazrah@dubayan صحيح وانه أغلب المطورين ملاك آيفون بالاساس فا الشغف عنده لهل النظام فا يطوره عشان حتى هو يستمتع ب الدو
قبل المستخدمين واعتقد هذا السر سرعه الاستجابه منهم، يعني لو انا مطور ومعاي فولد من الاندرويد اكيد ببحث واخليه متوافق مع الفولد
@7hassanahm شفته كان يقدر يخليه ساعتين مثلا
لكن طويل مع العلم اني ما صادفت ملل أثناء المشاهده لكنه هالنوع من الافلام ماراح يعجب الأغلبية خاصه انه في رمزيات لازم انت تفهمها ماراح تنشرح لك بالفلم خاصه النهايه
اعطيه ٧.٥ من عشره👍