𝑭𝒂𝒕𝒐𝒖𝒎

[فاطِمه @fastudioart]

جاتني لحظة إدراك وقت الإنذار ..

لحظة خلتني أوقف شوي وأستوعب كيف إنو احنا بنعمة، وكيف احنا محظوظين بهذا الوطن ورجاله.

احنا بهاللحظة في بيوتنا و مع أهلنا ندعي وننتظر وش بيصير بعدها، وفيه رجال من عيال هذا الوطن سهرانين واقفين ما ينامون ولا يرتاحون عشان أنا وأنت ننام بأمان ونكمل حياتنا طبيعي.

يمكن احنا ما نشوف تعبهم ولا نشوف وش يسوون عشان يحموننا بس والله وقت الإنذار تحسون فعلًا إن فيه أحد بعد الله واقف بيننا وبين الخطر .. وهنا تجي مشاعر الفخر والإمتنان من كل قلبك يا إنسان

تفخر إنك سعودي وتفخر بقيادتك وتفخر بالأبطال رجال الأمن اللي ما يقصرون، واللي فعلًا يخلون الواحد ينام وهو مطمئن وبخير ومب شايل هم شيء ثاني، الله يقويهم ويحفظهم، ويكتب لهم الأجر بكل لحظة سهر وتعب ويرجعهم لأهلهم سالمين.

والله العظيم إن كلمة " أمان" احنا نعيشها ونحس فيها، ونعرف إن وراها رجال و أبطااااال يسهرون ويتعبون ويوقفون عشاننا.

الله لا يحرّمنا هالأمان، والله لا يورينا في وطننا شر، ويحفظ لنا حكامنا وأبطالنا رجال الأمن، ويديم عز السعودية وأمنها وينصرها على كل معتدي 🇸🇦🤍