غلام حسن خاکسار

[Abdullah Nasir @AbdullahN69697]

مخالف د چې ملاتړی شي دا بیا بیل خوند کوي
قاري عیسی محمدي مخالف وو خو اوس ملاتړی دی

[(محمد نسیم هلال) (Nasim hilal) @nasimhilal8]

تدارکاتو کمېسیون د شاوخوا ۲.۷ میلیارد افغانیو په ارزښت ۱۲ پروژې منظور کړې

د افغانستان اسلامي امارت د ریاست‌ الوزراء اقتصادي مرستیال محترم ملا عبدالغني برادر اخوند په مشرۍ د تدارکاتو کمېسیون نوبتي غونډه، نن په مرمرینه ماڼۍ کې جوړه شوه. غونډې ته ۳۰ پروژې د بحث لپاره وړاندې شوې.

له بحث وروسته د شاوخوا ۲.۷ میلیارد افغانیو په ارزښت ۱۲ پروژې منظور او په ۱۰ نورو پروژو کې یولړ تعدیلونه منظور شول. د دوه پروژو قراردادونه د قراردادي شرکتونو د کاري نېمګړتیاوو له امله لغوه او پرېکړه وشوه، چې د همدې پروژو له جملې دې د نخاس سړک له پيل تر امید سبز ښارګوټي پورې د سړک جوړونې پروژه کابل ښاروالۍ تطبیق او د کانونو او پټرولیم وزارت اړوند پروژه دې بیاځلې داوطلبۍ ته وړاندې شي.

تدارکاتو کمېسیون همداراز پرېکړه وکړه، څلور هغه پروژې دې بیاځلې داوطلبۍ ته وړاندې شي، چې په تدارکاتي پروسو کې یې ستونزې موجودې دي. د دې ترڅنګ د دوه پروژو په اړه ټاکل شويو کمېټو ته دندې وسپارل شوې، څو د پروژو د قیمتونو په اړه له ګټونکو شرکتونو سره مذاکره ترسره او راپور یې د تدارکاتو کمېسیون مشرتابه ته وړاندې کړي.

په منظور شوو پروژو کې د بغلان ولایت په خوست فرنګ او د پکتیا ولایت په سیدکرم ولسوالیو کې د روغتونونو جوړول، د کابل ښار د یو شمېر داخلي سړکونو جوړول، په مختلفو ولایتونو کې د برېښنا رسونې او توزیع شبکو تطبیق او ځینې نورې پروژې شاملې دي.

همدارنګه په تعدیل شويو پروژو کې د مالیې وزارت اړوند د دارالامان کمپلکس، د کونړ ولایت د ۲۰۰ بستریز روغتون او په کابل ښار کې د الشفاء روغتون او یوشمېر نورو پروژو د پاتې چارو بشپړول شامل دی.

یادې ټولې پروژې د افغانستان اسلامي امارت له لوري تمویلېږي.

[ابرار افغان @AbrarAfghan0]

د افغانستان د ازادۍ جبهې په نوم یوې ډلې څو ورځې مخکې د ١١١ما..رت په وړاندې پسرلني عمليات اعلان کړل او نن د خاصو ځواکونو لخوا ټوله ډاله و نیول شوه.
😤

[𝐀𝐛𝐢𝐝 𝐘𝐨𝐨𝐧 | عابد یون @A_Yoon_500]

پوهنتون استاد صابر صادقي:
افغانستان ته په را تګ پوه شوم چې د امارت ځواکونه څومره ښه خلګ دي.
وایي ژړا مې کنترول نه شوه کړای!

[محمد قاسم عزام @M_Qasim_Azzam]

نو خدمت نور څنګه وي ملته؟
دا هغه ورځ ده چې کار نسبتا کم وو،

چین یو میلیون ډالري بشري مرسته له سیلاب ځپلو سره وکړه، هند ۱۳ ټنه واکسین راولېږل،
د مهاجرینو د وضعیت د ارزونې لپاره یو رسمي هیئت وټاکل شو.
شل ټنه الوچې دبۍ ته صادرې شوې، دا یې پیل دی،
پلخمري کې د نساجۍ فابریکې بیا فعالیت پیل کړ،
فاریاب کې نوې سړې خونې جوړې شوې.

فراه کې پر ۴ میلیونه متر مربع ځمکه شنې خونې جوړېږي،
د تاشکند او کابل تر منځ میلیون ډالري قراردادونه لاسلیک شول،
په خدای، امارت غواړي ملت ته د زړه وینې ورکړي، خو لږ وخت ته اړتیا شته.
چې نه یې نشروئ نو هسې به یې نه نشروئ.

[غلام حسن خاکسار @HsanKhaksar]

#NewProfilePic

[Ahmadullah.Muttaqi @Ahmadullah69124]

دا جنرال سټنلي مک کریستل دی، هغه امریکایي جنرال چې په ۲۰۰۹ او ۲۰۱۰ کلونو کې په افغانستان کې د آیساف قومندان و او د بهرنیو ځواکونو د زیاتوالي کمپاین مشري یې کوله.

هغه په یوه تازه مرکه کې ویلي چې د امریکا جګړې په لومړي پړاو کې، چې له فضا او ډېرې پرمختللې ټکنالوژۍ سره او په فوق‌العاده برترۍ ترسره کېږي، خوندورې وي؛ خو کله چې موږ ځمکې ته راکښته شو او له خپلو مخالفینو سره د څو مترو په فاصله کې مخامخ کېږو، کار ډېر سخت شي. هغه وایي چې د هرمز تنګي له لارې د نفتو د بهیر کنټرولول هم له همدې امله اسانه نه دي. هلته امریکايي سرتېري له ډېرو اړخونو د خپلو مخالفینو سره برابریږي.

هغه همدارنګه ویلي چې د عراق او افغانستان د جګړو په پیل کې داسې انګېرل کېده چې د امریکا بمونه او برتره ټکنالوژي به د هغوی دښمنان په ځمکه و ویروي او هغوی به دې ته اړ کړي چې د امریکا برتري ومني؛ خو په عمل کې داسې ونه شول، او ډېرو کسانو به له ښکته موږ ته د سپکاوي په سترګه کتل او ویل به یې چې تاسو له اخلاقي پلوه زموږ سره برابر نه یاست، او که رښتیا د مخامخ کېدو اراده لرئ، نو راشئ میدان ته تر څو یې سره معلومه کړو. کله چې داسې وشول، نو هم مو عراق او هم افغانستان کې ماته وخوړه.

هغه وایي، که د ایران جګړه هم دوام کوي، په ځانګړي ډول میداني او ځمکني نښتې پیلیږي، د امریکا لپاره لکه څنګه چې په ویتنام، عراق او افغانستان کې سختې وې، په ایران کې به هم ډېر لګښتناکه او ستونزمنې وي.

[Rahim Sekander @rahim_sekander]

د نړۍ انصاف👋
د TTP د عملياتو يو اصدار کې د کُرمې والي مولوي کاظم توده جګړه کې په ملګرو غږ کوي:
"کوشش وکړئ ژوندي يې تسليم کړئ، عيد دی چې بچيان يې يتيمان نه‌شي"
ښه د نړۍ معیارونه او تعریفونه هم وګورئ، دغسې خلکو ته ترهګر وایي چې د اور منځ کې د ځان پر ځای د دښمن بچیانو غم ورسره وي.

[M Abdul Mateen Qani @Mufti_Qani]

اَلسَّلامُ عَلَيْكُم وَرَحْمَةُ اللَّهِ وَبَرَكَاتُهُ

د (ا.ا.ا.) د مشرانو د حکم پر اساس، د هېواد ټولو قدرمنو مجاهدینو ته خبر ورکول کېږي چې ښارونو ته د دښمن د طیارو د داخلېدو پر وخت دې په وړه سلاح بې له امره پیر نه کوي؛ ځکه:

اول: دا د بیت المال بې ځایه مصرف دی.
دوهم: په ښارونو کې بې امني زیاتېږي.
دریم: په مرمیو باندې عام ولس ته ضرر رسېږي.
څلورم: د دښمن جاسوسان له دې موقع څخه ډېره استفاده کوي.
پنځم: د وړې سلاح پر پیر کولو هېڅ د پام وړ پایده نه لري.
شپږم: تاوانونه یې زیات دي او پایده یې کمه ده.

نو دا لیکنه دې په ټولو ګروپونو کې نشر کړئ، ترڅو ټول مجاهدین خبر شي.

اَلسَّلامُ عَلَيْكُم وَرَحْمَةُ اللَّهِ وَبَرَكَاتُهُ

بر اساس حکم رهبری (ا.ا.ا)، به اطلاع تمامی مجاهدین محترم کشور رسانیده می‌شود که هنگام داخل شدن طیاره‌های دشمن به شهرها، بدون امر و با سلاح سبک فیر نکنند؛ زیرا:

اول: این کار مصرف بی‌جای بیت‌المال است.
دوم: باعث افزایش ناامنی در شهرها می‌شود.
سوم: مرمی‌ها به مردم عام آسیب می‌رساند.
چهارم: جاسوسان دشمن از این موقع استفاده زیاد می‌کنند.
پنجم: فیر با سلاح سبک هیچ فایده قابل توجهی ندارد.
ششم: ضرر آن زیاد و فایده آن کم است.

بناً این اطلاعیه را در تمام گروپ‌ها نشر نمایید تا همه مجاهدین آگاه شوند.

[احمد راشد @SayedAh24486691]

موږ له افغان مشرانو؛ شیخ صاحب، دفاع وزیر او انس حقانی څخه بښنه غواړو. موږ آزاد نه یو، یوازې فریاد کولی شو، نور مو هېڅ له وسه نه کېږي.
​زموږ اتوم بم د مسلمانانو د ساتنې لپاره نه، بلکې یوازې د کافرانو د ګټو د ساتلو لپاره دی.

[Sonia Niazi @sonia_niazi6]

طالبان:
د برېښنایي تذکرې پر اصلاح او تایید فیس معاف شو.
د طالبانو احصایې او معلوماتو ادارې ویاند وایي، چې د مشر په امر یې د برېښنایي تذکرو تایید او د تېروتنو پر اصلاح پخواني ټول فیسونه معاف شول.
نوموړی زیاتوي؛ دا اقدام هېواوالو ته د اسانتیا او مالي معافیت په موخه اخیستل شوی دی.
دا په داسې حال کې ده، چې ګڼو هېوادوالو له دغو فیسونو سر ټکاوه او دا یې د احصایې کارکوونکو د تېروتنو سزا ګڼله چې دوی ته ورکول کېدله.

[SPOGMAI FM @spogmai_fm]

د ریاست‌الوزرا اقتصادي معاونیت ويلي، ټاکل شوې سبا د چهار شنبې په ورځ د ریاست‌الوزرا د اقتصادي مرستیال ملا عبدالغني برادر او د عزیزي ګروپ شرکتونو عمومي رییس میرویس عزیزي په حضور کې د عزیزي ګروپ او افغانستان برېښنا شرکت ترمنځ د ۸۴۵ مېګاواټه لمریزې او ډبرو سکرو څخه د پنځو پروژو د عملي چارو د پیل تړونونه لاسلیک شي.
#سپوږمۍ_راډیو_Spogmai_FM

[Baryal Kunduzai/بریال ڪندزی @kunduzaiBaryal1]

چې هر خوا ګورې نو د هیواد خصوصاً کابل د ابادۍ او سمسورتیا خبرونه به اوري او ګوري.
ربه نظام او هیواد مو له بد سترګو په امان کې وساتي.

[عبدالرحمن محمود @Amahmood03]

دا سړی دکتور «جاري میلر» نومیږي، د نصرانیت أو تبشیر د سرغنه وو څخه وو، د قرآن کریم مطالعه یي په دې غرض پیل کړه چي غلطۍ پکښي پیدا کړي، مګر دا مطالعه دده د سعادت سبب سوه، إسلام یي قبول کړ، دی وایي (سورة المسد «تبت يدا أبي لهب» د أبولهب د وفات څخه لس کاله مخکي را نازل سوی، په دې لس کاله کي أبو لهب فرصت درلود أو کولای یي سوه چي ظاهرا إسلام قبول کړي، أو د قرآن کریم دا مذکور سورت «العیاذبالله» درواغ ثابت کړي چې پکښي أبو لهب کافر أو جهنمي بلل شوی.
دی وایي، څنګه محمد «صلی الله علیه وسلم» دومره إطمناني وه چي أبولهب ایمان نه قبلوي درحالیکه چې داسي کسانو إیمان قبول کړ چې له ده سره جنګیدلي وه. د داسي قاطع حکم لپاره چې أبولهب ایمان نه قبلوي، أو بیا لس کاله وخت تیریږي، خو د یوې لحظې د پاره چي په قرآن کریم کي درواغ ثابت کړي، هم أبولهب نه وایي چي ما إسلام قبول کړ، درحالیکي چې هغه ټوله هڅه د محمد د تکذیب کول وه، نو د دې لپاره بله هیڅ معقوله توجیه أو دلیل نسته، بغیر له دې چې ووایو دا خبره محمد «صلی الله علیه وسلم» د خپل ځان څخه نده کړي، بلکي دداسي چا د خوا یي کړي چي هغه پر ټولو راتلونکو أمورو علم لري چې الله جل جلاله دی)
د إسلام د قبلولو وروسته يي كتاب وليكی په نامه د «القرأن المعجز» چې پکښي د قرآن کریم پر اعجاز ږغېدلی، کتاب ډېر مختصر دی، مکمل څلوېښت صفحي دی، مګر د اعجاز په أړه یي ډیر دقائق أو عجائب پکښي جمع کړي دي.

[TOLOnews @TOLOnews]

د قزاقستان حکومت په یوه خبرپاڼه کې ویلي چې د عربستان په جده ښار کې کابل ته د اسلامي همکاریو سازمان د وزیرانو په کچه د تماس ډلې د سفر په تړاو د دغه سازمان د تخنیکي کچې غونډه ترسره شوې ده.

د قزاقستان حکومت ویلي، په جده کې د دغه هېواد سرکونسل او د اسلامي همکاریو سازمان لپاره د قزاقستان دایمي استازي رسلان کاسپانوف هم دغه غونډه کې ګډون کړی دی.

دغه غونډه کې کابل ته د یاد پلاوي د سفر لپاره د اجنډا پر جوړولو خبرې شوي او د غړو هېوادونو ډیپلوماټانو افغانستان سره د تعامل لپاره پر یوې واحدې تګلارې هوکړه کړې ده.
#طلوع‌نیوز

[Khurasan Media Pashto @khuorasanN_P0]

مهم خبر
افغانستان په تېر کال کې د پام وړ پرمختګونه درلودل.

روسیې د افغانستان اسلامي امارت په رسمیت وپېژانده.
د افغانستان اسلامي امارت وزیرانو له هېواده بهر ۹۹ هېوادونو ته ډیپلوماتیک سفرونه وکړل.

په هېواد کې ۹ لوی بندونه او ۳۴۱ کوچني بندونه جوړ شول، چې ورسره به د اوبو د زېرمه کولو وړتیا زیاته شي.

تېر کال په افغانستان کې ۳۵٬۲۲۸ تنه معتادین تداوي شول او عادي ژوند ته را وګرځېدل.

همداراز ۱۰٬۶۶۴ تنه سوالګر راټول شول او هر اړمن کس ته په میاشتني ډول ۲ زره افغانۍ ورکول کېږي.

د بندیزونو سره ـ سره د افغانستان بانک اقتصادي ثبات ساتلی او افغانۍ باثباته پاتې شوې ده، بلکې د بهرنیو اسعارو پر وړاندې یې ارزښت هم لوړ شوی دی.

د نړیوال بانک د وروستي راپور له مخې، افغانستان د تېر کال په پرتله ۴۰٫۳ سلنه اقتصادي وده کړې ده.

تېر کال د قوش تېپې کانال د دویم فاز د کیندنې چارې ۹۵ سلنه او د کانال د سربند جوړولو چارې ۸۵ سلنه بشپړې شوې.

د قوش تېپې کانال په مسیر کې د ۲۵ پلونو، د اوبو کنټرولوونکو تأسیساتو او ترنابونو چارې پیل شوې دي.

په طورخم کې د مهاجرینو د لنډمهالي پنډغالي د اداري کمپلېکس چارې بشپړې شوې دي.

په پکتیکا ولایت کې د پلتوني بند چارې ۳۰ سلنه بشپړې شوې دي.

په بغلان ولایت کې د غوري سمنټو د درېیمې فابریکې چارې پیل شوې دي، چې په ۲۴ ساعتونو کې به د ۵۰۰۰ ټنه سمنټو د تولید ظرفیت ولري.

همداراز نور ګڼ پرمختیايي کارونه هم ترسره شوي دي

[Khurasan Media Pashto @khuorasanN_P0]

تېر کال، سره له شته ننګونو، د افغانستان اقتصاد په ثابت پرمختګ کې و.

افغانۍ خپل ارزښت وساته او د بهرنیو اسعارو په وړاندې لا زیات ځواکمنه شوه.

د خوراکي او نورو اولیه توکو بیې راکمې شوې، او انفلاسیون کچه ټیټه پاتې شوه.

د نړیوال بانک د وروستي راپور له مخې، په ۲۰۲۵ کال کې افغانستان ۴.۳٪ اقتصادي وده تجربه کړې ده، چې د بیلابیلو سکتورونو لکه کرنې، سوداګرۍ، خدماتو او زیربنایي پروژو له پرمختګ څخه سرچینه اخلي.

دغه پرمختګ د هېواد د اقتصاد د دوامدارې ودې لپاره مثبت ګام ګڼل کېږي او د خلکو د ژوند کیفیت ښه کولو کې مرسته کوي.

[Hafiz Umari @HafizUmari313]

د پرمختګ او ځان بسیاینې په لور محکم ګامونه اخیستل کیږي!
نن د 2025 کال په آخري نن ورځ ملي تدارکاتو کمیسیون د 18 نیم میلیارده افغانیو په ارزښت29 سترې پروژې منظورې کړې.
په دې پروژو کې ،
په ورځني 5 زره ټنه تولید ته د جبل السراج سمنټو فابریکې د ظرفیت لوړول،
په ورځني ډول د 5 سوه ټنه اوسپنې د پروسس په ظرفیت د حاجي ګک اوسپنې کان لپاره د فابریکې جوړول،
او د 225 مېګاواټه په ظرفیت د حرارتي برېښنا تولیدي فابریکې جوړول هم شامل دي.

[Mohammad Ibrahim (Obaida ) @ibrahimobaida1]

له واخان وروسته د سړک جوړوني په برخه کې د شمالي دهلیز پروژه تر ټولو ستره پروژه ده، چي له کندهاره پیلیږي ارزګان، دایکنډي، بامیان او د سمنګان ولایت په یوه څنډه کې تیریږي چي د مزار شریف سره وصلیږي.
دا پروژه د کابل - کندهار تر اوسني سړک ۳۸۰ کیلومتره لنډه ده.
چي کارونه یې د کندهار د کوتل مرچې سیمي سړک په شپږ نیم میلیونه افغانیو، د ارغنداب ولسوالۍ د ویالې دوهم لین سړک د ۳۶۰ میلیونه افغانیو په ارزښت، د شاولیکوټ - تناوچۍ سړک د۷۹۰ میلیونه افغانیو په ارزښت ، د ترینکوټ ـ چورې ولسوالۍ سړک!
له چورې ولسوالۍ څخه تر ګیزاب سنګ شیخ سیمي پوري ۹۴ کیلومتره سړک!
د دایکنډي له فاتو ولسوالۍ څخه تر نیلي ښاره پوري ۱۹ کیلومتره سړک د پنځه څلویښت نیم میلیونه افغانیو په ارزښت جریان لري.

[Sonia Niazi @sonia_niazi6]

ملا برادر:
هر پانګوال چې سړه خونه جوړه کړي، 5 کاله له مالیې معاف کېږي او سمدستي به 24 ساعته برېښنا ورته برابرېږي.
نوموړی زیاتوي؛ سړې خونې د هېواد اقتصاد شدیده اړتیا ده او هوډ لري چې هر څه ژر دا اړتیا پوره شي.