من تولع له بـ غاية وشي مستحيل
لا تلومونه على سجته ودوايته
ومن يحسْد مغني القاف لا جر الطويل
مثل من يحسد مريض على غذايته
القصيد احيان نوع من الطب البديل
يستريح ويستلذ الحشا برعايته
ياحبيبي لا توريني طرف دمعك واحبّه
انت لك عينٍ ترد الآدمي لأول حياته
اعتبر قلبي حطب غابه وشب اللي تشبّه
لين تستانس دفاه ولين تستغرب ثباته
الوكاد اني عليك من الهيام امشي وأشبّه
يا حبيبي والسلام ورحمة الله وبركاته
مشاكلي ماهيب من قلة النوم
مشاكلي من كثر مانيب صاحي
في خاطري حاجه وفي صدري علوم
وخايف من الايام تكسر جناحي
ياقوم يابعض المشاريه ياقوم
اللي تخالف مثل زرق الرماحي
ترفقوبي حدي اطيح واقوم
ان غبت جتكم من جميع النواحي
اجلس والارض لجلستي مهتمّه
مدري وش اللي ماطرى في بالي
ㅤ
اشعر بـ قربك يوم ربي تمّه
و الد له و اثره مّ غير ظلالي
ㅤ
انثر شتاتي فـ العرى و المّه
ما عندي الا غترتي و عقااالي
ㅤ
اصبح على الاطلال ضايع يمّه
وامسي تحت جنح الظلام لحالي
ايه اتركوني في وجيه التباريح
قلبي و انا دونه و بأخذ حقوقه
ان طحت طيحة عاشق وده يطيح
من لا يجرحـه الهـوى ما يذوقـه
يا ويح قلبي كل ما اطروك ياويح
يا ام الغنج و ام العيون السروقه
عوبا تقودين العيون المجاريح
متمردة و من الحلا فيك موقـه
جمالك شي يستعصي على الإدراك
عليك الكل من هول الحسن مفتون
عطيتك قلب مهما تجرحه يفداك
تمون وكل جرح ٍمن طرفْك يْمون
مرامي ساعةٍ تحت المطر ويّاك
دقايقها فرح من كل شكل ولون
بكيتك بـ العيون اللي سرق منها الحنين نعاس
وخلّاها رهينه لـ السهر والليل وطيوفه
بسيطات الدموع الّا دموع القاسي الحسّاس
حصانٍ قبل ماتنزل دموعه ينمزع جوفه
دموعه من غلاها ما تركها للثرى تنداس
تساقط من شموخ ولا تطيح الّا على كفوفه