مخبل اللي يحسبون ان حمايانا جهل
الجهل لا غاب صوتك و ربعك يزهمون
حن هل الفزعات لا صار للفزعات اهل
وحن هل الوقفة ليا وقفت فينا العيون
ازهم الصاحي وياتيك صاحينا خبل
وازهم المجنون منا ويكفيك الجنون
المواقف تبغي هبال ما تبغي عقل
العقل عند الحمايا يدور له زبون
اهلين ياعام الثمنيه واربعين
مرّت علي اعوام في ضيق وحرج
ادارج ظروفي وعيّت لاتزين
ارقابها وتطيح من راس الدرج
ياكم تحملنا من عجاف السنين
عسى الله يعجل علينا بمخرج
هي حاجتيناً دونها فكري سجين
لاعافها الخاطر ولا لساني هرج
والله لو تحقق حدا ذالحاجتين
لـ اسجّلك ياعامنا عام الفرج
عبدالكريم الاصلعي