⏰ Últimos días para participar no concurso «Previr a SIDA día a día» 2026!
Presenta unha ilustración, foto ou deseño sobre prevención da SIDA.
📅 Ata o 20 de novembro.
🎨 A túa creación pode formar parte do calendario!
Bases na nosa web:
https://t.co/C4LGQGxRYI
🌰🧡Grazas, asociación Ledicia!
Moitas grazas á asociación Ledicia por prestarnos o asador para o noso Magosto e, especialmente, a Pepe, Jesús e Moncho por vir asar as castañas ao noso centro.
Grazas polo voso tempo e pola vosa colaboración para manter viva esta tradición.💛
📷📷 Grazas, Burela FS!
Moitas grazas a Enxo, Nico, João, Silvia, Macarena, Pau León e Patricia S., dos equipos masculino e feminino do Burela FS, por acompañarnos na celebración do Magosto e do Samaín.
Foi un pracer compartir convosco xogos, baile e diversión!
🎙️ Estreamos «OlaMundo», o podcast do alumnado de 2º de BAC de TIC II! 🌍
Falamos da «Carta Magna» para a web de Tim Berners-Lee: dereitos das persoas usuarias e unha rede aberta.
🎧 Escoita o primeiro episodio e reflexiona sobre a web que queremos!
☕ O club de lectura de persoas adultas gozou dunha xornada cultural en Santalla de Oscos: Ruta con arte, vermut literario en La Chula, comida compartida e visitas a Mazonovo e Hyottoko Artesanía.
Unha xornada de natureza, libros e tradición!
💜 Grazas pola acollida!
🌰🎃 O pasado venres celebramos o Magosto e o Samaín! Comezamos a xornada cunha visita ao cemiterio e á igrexa da vila co alumnado de 1º de bacharelato para coñecer a súa historia. Despois chegaron as actividades para todos os grupos! 👇
⚽ Xogadores e xogadoras do Burela FS masculino e feminino participaron en todas as actividades. Grazas a Enxo, Nico, Joao, Silvia, Macarena, Pau León e Patricia S. por vir compartir os xogos e a diversión co noso alumnado! 💚
🌰 Rematamos degustando castañas asadas no centro! Grazas a Pepe, Jesús e Moncho por vir asalas, á asociación Ledicia pola colaboración e por prestarnos o asador, e ao Concello polo seu transporte.
🎃🌰 O Samaín e o Magosto chegan ao IES Monte Castelo!
O 30 de outubro celebraremos unha xornada para gozar das nosas tradicións entre castañas, xogos e algún que outro susto! 👻🍂
Preparádevos para unha festa de tradición, creatividade e diversión… de medo! 🕸️🦇
Día das escritoras 2026 ✍️♀️
O alumnado explorou na biblioteca as alianzas femininas na obra de autoras galegas e compartiu lecturas.
Nesta XI edición, o lema «As amigas como forma de liberdade» homenaxea o Lyceum Club Femenino no centenario da súa fundación.👭💜
🗳️A túa voz conta. Participa no Consello Escolar!!
Renovamos 4 estudantes, 3 pais/nais e 3 docentes.
📝 Candidaturas: ata o 3/11 ás 13 h, en Secretaría.
📍 Voto presencial: 24/11.
💻 Familias: voto en Abalar do 11 ao 17/11.
Xuntos construímos comunidade! Participa!
💛 O IES Montecastelo participou na II Semana da Infancia do Concello de Burela con actividades para toda a ESO: novas masculinidades, prevención do suicidio, educación sen discriminación e, como peche, unha xuntanza interxeracional na Praza de Abastos coa Cruz Vermella.
🤝 O alumnado de 2º de CSEAS iniciou coa Cruz Vermella de Burela un proxecto de condición física e saúde. Na primeira das catro sesións compartiron dinámicas de grupo, mobilidade articular e un paseo. 💪 Grazas pola acollida! Aprendemos e coidámonos xuntos! ❤️
📢 Nova convocatoria de cursos gratuítos en aberto de AULA MENTOR!
📝 Matrícula aberta ata o 26 de outubro.
📌 Prazas limitadas.
🗓️ Comezo da formación: 3 de novembro de 2026.
⏳ Prazo para completar as actividades: arredor de dous meses, segundo o curso.
🌐 Modalidade: en liña.
🌍 Un Erasmus é máis ca unha viaxe!
Nos #ErasmusDays, Romina, ex alumna do ciclo de CAE, compartiu as súas experiencias Erasmus co alumnado e Marcelino Luna explicou as opcións de mobilidade. Grazas, Romina, por animarnos a coñecer outras culturas! 💙 #ErasmusPlus
🎥 Nos #ErasmusDays, a nosa querida exalumna Erín achegounos desde Dinamarca a súa experiencia nun vídeo para o alumnado de bacharelato e ciclos do IES Monte Castelo. 🌍 Grazas por compartir o valor das mobilidades e animarnos a participar e abrir a mente! 💙 #ErasmusPlus
🌍 Máis imaxes da visita de Cabo Verde ao Concello de Burela con Erasmus+! Mario Pillado e Ramiro Fernández recibíronnos para coñecer o traballo da entidade e compartir experiencias. Grazas pola acollida! 💙
#IESMonteCastelo#ErasmusPlus#CaboVerde#concelloburela