Khalid Alharbi

KFUPM ISE Graduate 🎓 || اكتب كل ما يخطر على البال (ويمكن شويه فضفضه) ✒️

[Khalid Alharbi @IKhalid_SE]

سويت حساب في الكيريوس عشان التطبيق الثاني ابلشني البوت يرسل لي اسئله شاطحه مدري وش يحس الي سواه
عموما هذا حسابي للي يبغى يسال او يستفسر (او يفضفض 😁)، حياك الله 🤍

https://t.co/jP2RXxPODH

[Khalid Alharbi @IKhalid_SE]

@Mujahid_Alomri الف الف مبروك مجاهد وفالك اعلى المناصب يارب 🫡🧡🧡

[Khalid Alharbi @IKhalid_SE]

@_4iiRE جودتها جيده، طلبت منهم السنه الماضيه والى الان ماشيه معي

[Khalid Alharbi @IKhalid_SE]

@lipcer7_ فيها كذا وكذا
لا ركزت على جانب تنسى الجانب الثاني، الموازنه زينه

[Khalid Alharbi @IKhalid_SE]

@HythmBn حصل لي نفس الشي لكن بعد الفرشمن يقل تجمعكم كل واحد ويكون مشغول بمواد التخصص
ابد عيش حياتك كاوريا وانبسط الحين 😁

[Khalid Alharbi @IKhalid_SE]

اعشق صوت البحر….. 🎵💙

[Khalid Alharbi @IKhalid_SE]

بمناسبة البلالين الموجوده بحسابي
قررت اليوم هذا امسك خط تعلم لغه جديده من بعد الانقلش، من اول الفكره في بالي وقررت ابدا من اليوم لانه يوم مميز، نوافيكم بالتطورات لاحقا 🫡🤍

[Khalid Alharbi @IKhalid_SE]

@lipcer7_ انت قدها وقدود 🔥

[Khalid Alharbi @IKhalid_SE]

@imsaudigirly تذكرت قبل كم يوم شفت تغريده عن ربط البلاكبورد بالتقويم وكيف يطلع ديدلاين الاسايمنتات
كنت احتاجها من زمان والله لكن الحين استخدامي محدود للتقويم
يبغالي يوم اصفح الجوال اكثر واستفيد من مزاياه بدل استخدامه بطريقه عاديه

[Khalid Alharbi @IKhalid_SE]

اول مره اشوف الحركة ذي بالايفون
كل يوم اشوف شي جديد بجوالي يحسسني اني جاهل بالتقنيه 😂😂

[Khalid Alharbi @IKhalid_SE]

سياره توقف قدامك بنص الزحمه تحسب انه صدم الي قدامه وتشوفه ياشر لك وتستغرب بعدين تستوعب انه وقف عشان يجي خويه يسوق عنه

هنا الرياض

[Khalid Alharbi @IKhalid_SE]

@M_hammedX نعم لقله المصادر للمراجعه
وايضا بالسابق كانت اختبارات الثانوي وزاريه
ومع هذا كله المنافسه بين درجات الطلاب في الاختبارين حتى يضمن مقعده في الجامعه

[Khalid Alharbi @IKhalid_SE]

لقيت هذا الكتاب في مكتبة الوالد والذي يعود الى اخوي الكبير في فترة تقديمه لجامعة البترول عام 2002 وبتكلم عن الاشياء الي وجدتها في الكتاب بعد ما اطلعت عليه تحت هذه التغريدة:

#KFUPM

[الدافور | محمد @moha_oz]

إن من أعظم النعم التي تمتلكها هي نعمة الإيمان بوجود الله، تخيل كم مصيبة وكارثة كانت ستجعلك كالمجنون او كالثور الهائج داخل حلبة مصارعة اسبانية، لو كنت ملحد مثلًا.

نعمة الايمان بوجوده سبحانه، تجعلك تشعر أن كل ماحدث وسيحدث هي من عند الله، وهو سيدبرها، ثم فعلًا تراه يسخر لك الارض.

[Khalid Alharbi @IKhalid_SE]

@Sultan_Almowrei لما شفت الكتاب تذكرت لما اخبرتني عنها قبل دخولي للجامعه وكيف رغبت بالطب وتراجعت عنها، وما شاء الله تبارك الله ابدعت في الطب.
لفتني تحديدك والملاحظات الي كتبتها على الكتاب، تبين مقدار المذاكرة اللي ذاكرتها

[سلطان المورعي @Sultan_Almowrei]

@IKhalid_SE الكتاب هذه صدر بعد ما تخرجت من الثانويه بسنتين
انا اختبرت صيف 2000 في المدينه
وقتها كانوا يسوون اختبارات في مناطق معينه
ونجحت الحمدلله في الاختبارين
وقبلت
ولكن رغبتي في الطب هي اللي خلتني اتراجع وقتها

[Khalid Alharbi @IKhalid_SE]

الاسئلة المذكورة في الكتاب لا تختلف كثيرا عن اسئلة اختبار القدرات، سواء من الناحية اللغوية أو من الناحية الرياضية.

ربما ان مصدر ظهور اختبار القدرات والتحصيلي من قياس هو من الاساس اختبار "رام ١" و "رام ٢". حاولت البحث والتأكد لكن لم اجد شيء عن صحة هذه المعلومة

[Khalid Alharbi @IKhalid_SE]

وفي السابق، تم تواجد مراكز تدريب تساعد على تعلم طريقة اختبار "رام ١".