اللي هو ليه ؟! .. اشمعنا ؟! .. طب هل ده له اخر ولا هي حياتي كدا ؟! .. طب هل لو استسلمت للأفكار دي ممكن ع الاقل ابقي مرتاح ؟! ..
طب هو العيب فين ؟! ..
حقيقي مش عارف..
دوافع الاستسلام بتزيد كل لحظه..
وانا وانت عرفين اننا حتي معندناش رفاهية الإستسلام حتي ف الويك اند ..
مع الوقت دوافع الإستمرارية عندك بتبدأ تختفي شوية شوية .. انت مش بتبقي واخد بالك (( عامل نفسك مش واخد بالك )) لحد ما بتفوق مرة واحدة تلاقي عندك ضيق تنفس .. همدان .. مش قاادر حتي تروح تشرب ولا تقوم تصلي ولا حتي تنزل اول الشارع .. انت مبتبقاش فاهم ليه.
لا حاجة من ده بتفيد (( بل بالعكس )) نتيجتها سلبيه ١٠٠ %.
بترجع اخر اليوم اللي انت مش بتركز ف تفاصيله واللي اغلبه شغل عشان تتوه دماغك عن الواقع اللي انت مش عارفه ولا فاهم مين بيودي علي فين..
بترجع مش قادر تفهم حاجة ولا تفسر سبب اللي انت فيه ده ايه؟!