جلال العطياني

عندما فضّلت صمتي عن إخبار الناس بكل ما أشعر به أدركت أنني سأصبح شاعراً يستطيع إخبارهم بطريقة غير مباشرة.

[جلال العطياني @JALAL_otp]

@BINHUMAID_OTIBA صح بدنك ❤️🌷

[جلال العطياني @JALAL_otp]

تنساق الامداح له من طيب يمناه
و تمجّده دايم التاريخ — تمجيد

هذا محمّد ولد سلطان جهجـاه
مقدم عتيبه و الامجاد لـْ بن حميد ..

جلال العطياني
@BINHUMAID_OTIBA

[جلال العطياني @JALAL_otp]

اثر الردى خبثه قوي ماله حلول
و راعيه طول العمر عايش بـ عقده

لو يشرب الديتول مع فكّة الريق
لا يمكن ينظّف جراثيم حقـده ! (:

جلال العطياني

[جلال العطياني @JALAL_otp]

جعل كل طيّب ليا جانا نحفْظ حقوقه
و لا نصانا كنّ في يمناه سيف مجرّب

ان عجزنا دعوةٍ منا تبلّ عروقه
و حاجته عند الخلايق ماهي بْـ تتسرّب

و جاحد المعروف يا جعل الليال تسوقه
لين ما يلقى لها مخراج لو يتهرّب

والله ان كنه سوات القربه المشقوقه
لوّ تملاها من الماء من تحتها تسرّب(:

[جلال العطياني @JALAL_otp]

يا طيب حظّي لا لقيتك بالاحـلام
اثر العوض ماهوب مثل القطيعه

يوم اتأمّل فيك يا ام مبسمٍ تـام
ما والله اتأمّل جمـال — الطبيعه!

عزالله انّي همت في حـبّك هياام
يا سرّي اللي ما تجرّيـت اذيـعه

انتي مثل قلبي و قـلبي ما ينسام!
هو فيه احد فالكون قلبه يبيعه؟

جلال العطياني

[جلال العطياني @JALAL_otp]

تسوقنا الشيمه و للمرجله باقيـن
و خطواتنا عند كسب الطّيب عجلانه

حنّا لاجتنا الهروج الهيّـنه سمحين
سمحين و وجيهنا امن العزّ شبعانه

حـتى لو جيوبنا ما وسطها ريالين
يديننا للكرم ماهيب — عجزانه

اللي ذبحه الفقر صاير من المغنين
من كثر ما نشتري ضانه و قعدانه

جلال العطياني

[جلال العطياني @JALAL_otp]

العيد يرسل رساله ما " نعبّـرها "
مدري هذا كبريا ولّا التعامي فرض؟

يظهر لنا ناس حتّى من — مقابرها
و يخفي لنا ناس ما زالو بوجه الارض !

جلال العطياني

[جلال العطياني @JALAL_otp]

مافيه سوءٍ مثل سو بيع الاحساس
قناعة اللي يعرف الدين و الشرع

والله لوّ ابيع شعري على الناس
الراجحي في مجلسي فكّ له فرع (:

جلال العطياني

[جلال العطياني @JALAL_otp]

يا فاتنة عاشقك والناس تعـذرني
اليا كتبت الغزل في وجهك و عينك

لو كنت ماني عتيبي قلت " تؤبرني "
لكنّ ما عندي الا ابك ابك يا زينك (:

جلال العطياني

[جلال العطياني @JALAL_otp]

قلبي ما عمره شكى لي بالفراغ العظيم
رغم غيابك حضورك باقي مسجّـله

لا داهم الضيق في صدري بليلٍ عتيم
ناديت طيفك وافضفض له بحبّ و وله!

تطري علي وانت غايب يالنديم القديم
و الشوق من ذاق طعم البعد ما يجهله

مافيه تبرير غير انّك مسوّي رجيم
تمشي بعقلي وصدري تاخذه هروله (:

جلال العطياني

[جلال العطياني @JALAL_otp]

يا محبّين ( القصيد ) و يا هله
المعاني تندفن مهمـا حكيت!

من يدقّق فالظواهر ؟ مشكله!
و البلا منهو يدقّق بيت .. بيت (:

ان كتبت عن الحزن و البـهذله
لا تحسْبوني و انا اكتبها بكيت!

فـيه ناسٍ تكتب عن المرجله!
ثمّ اسوّي نفسي انّي ما قريت 😁

جلال العطياني

[جلال العطياني @JALAL_otp]

من ضيقة النّفس كلّ زرار فكّيته
احسّ بعض المواقف تخطف الانسام

يا كمّ جرحٍ بوسط الصدر خبّـيته
تبيّن بوجهي و قلت الظروف احكام

اللي تهاب البشر تستوجعه ليته
يستدرك ان ذكرياته ما تصير حطام

الشارع اللي وهو رايح على بيته
يمكنّه يجدّد جروحه سنه قدّام ):

جلال العطياني

[جلال العطياني @JALAL_otp]

انا اللي كلّ ما يخفي غلاها تفضحه عينه
اثر عين الهواوي لا اهتوى له شيّ فضّاحه!

جلال العطياني

[جلال العطياني @JALAL_otp]

مصير اللي كتم حزنه و سوّا انّه محد قدّه !
يمرّه موقف يخلّي دموعه تغرق ثيـابه

جلال العطياني

[ًًً @elliiq2]

« عجايب الدنيا تشيّب راس ابو عشرين عام
من موقفٍ واحد تخلّي عمره اكبر من ميه »

— جلال العطياني

[جلال العطياني @JALAL_otp]

مسيت بالخير ،

[جلال العطياني @JALAL_otp]

يوم الهبايب ما تطيّح عقالي
ما اثنيت ساقي من صواديف الايّام

جعل العوض في مقبلات الليالي
اللي ينسّيني عنا وقتي العاام.

جلال العطياني

[جلال العطياني @JALAL_otp]

٣-
و ليا شعّت الشمس و بدت عيني تشابه!
اقول فـ ضميري نـورها ويـن شايفها؟

انا ما جذبني فوق ماهـي بجذّابه !
سوا حبّة الخال اللي اسفل شفايفها (:

جلال العطياني

[جلال العطياني @JALAL_otp]

٢-
تقود الشجاع احيان نظـرات خلّابه
يسلّم سلاحه لجلها لين يقطفها

و عاد الذكي لو مرّه الشوق و اقفى به
اذا جـاته اوّل فرصةٍ ما يـطوّفها

انا الشاعر اللي لا كـتب حدّد انيـابه
لكنّي عجزت فـ تالي الوقـت اوصّـفها !

اشـوف انّها اعمق من تفاصيل و كتابه
و ماهي بعيني مهرةٍ سهـلٍ اعسـفها !

[جلال العطياني @JALAL_otp]

٢-
تقود الشجاع احيان نظـرات خلّابه
يسلّم سلاحه لجلها لين يقطفها

و عاد الذكي لو مرّه الشوق و اقفى به
اذا جـاته اوّل فرصةٍ ما يـطوّفها

انا الشاعر اللي لا كـتب حدّد انيـابه
لكنّي عجزت فـ تالي الوقـت اوصّـفها !

اشـوف انّها اعمق من تفاصيل و كتابه
و ماهي بعيني مهرةٍ سهـلٍ اعسـفها !

[جلال العطياني @JALAL_otp]

١-
يا قلبي ما يحتاج انشدك و اخذ اجابه
و مشاعرك مفضوحه و اجابتك عارفها

لقيت القـدر ساقك و لا بـدّ ترضابه
و عـاد الولايـف ما تبـور فـ ولايفها

تسرّيني اللي ناهبه روحـي .. نهـابه
على طـرقةٍ مانـيب والله عايفها

خذتني و لا قالت مدى العشق و اسبابه
كذا العاشقين اللي ما تحـكم عواطفها

[جلال العطياني @JALAL_otp]

١-
يا قلبي ما يحتاج انشدك و اخذ اجابه
و مشاعرك مفضوحه و اجابتك عارفها

لقيت القـدر ساقك و لا بـدّ ترضابه
و عـاد الولايـف ما تبـور فـ ولايفها

تسرّيني اللي ناهبه روحـي .. نهـابه
على طـرقةٍ مانـيب والله عايفها

خذتني و لا قالت مدى العشق و اسبابه
كذا العاشقين اللي ما تحـكم عواطفها