القصيد الجزل

حساب خاص ينقل كل ماهو جديد بعالم الشعر والانشاد اتمنى ان اصل لـ مستوى ذائقتكم

[عبدالرحمن القوس @algoos_a]

سلامي الداخلي .. يـعلن سقوط النظام
من ينقذ النـفـس من قـبضة معاناتها ؟

جوفي مدينة من اللي صار صارت حطام
فـزّت مـن الخـوف وانـهـارت بـنـايـاتها

فـ اسيابها عمّت الـفـوضى وساد الظلام
مـا عـاد لـلـبـدر مـطـلـع مـع ثـنـيِّـاتها

اتلا العـهد بالسـعـادة مـن قبل كمّ عام
يـوم الثــنـيِّـة حـوارة .. تـرضـع امّـاتها

ما طـاب بالي ولا طـابت جـروح الغرام
حتى الـزمـن مـا تـكـفّـل فـي مـداواتها

الجادل : اللي تـوارت بـعد حلّ الخصام
كـنْـها تـخـيط الـثـرى ،، بـ آثار خطواتها

الـيـوم مـريـت ! ديـرتـها مـرور الـكـرام
وابكـتني ( اخـر عـبـارة فـوق لـوحـاتها )

منها الغلط بـس انا اللي يستحق الملام
ما كـنـت مـجـبـور اواخـذها بـ غلطاتها

بعيونها الـدمـع مـا بـقّـا لـغـيـره كـلام
خـلـتـني اشـره عـلـى نفـسي بـ نظراتها

حتى لو دموعها اعذب من دموع الغمام
مـا ودي اشـوفـها : الله يـسـعد اوقاتها

عـمـر الـمـراسيل ما كنت تـثـير اهتمام
حتى تـخـتّـم عـلـيـهـا "بـ أحمر شفاتها"

بالرغم من قسوة ظروفي وضغط الدوام
كـانـت تـعـدّل مـزاجـي بـ ابـتـسامـاتها

في خـصـرها مـا قهـرني شي غير الحزام
اللي ثـمـثـنـيـه كـبـدي قـبـل مـثـنـاتها

ماهي عـزيـزة مـصـر لـكن عـزيـزة مقام
اخـذت لـقـبـها وشـامـت عـن حـركـاتها

مـن يـوم غابت وانا مـا اشعر بذرة سلام
واشيا كـثـيـرة مـا عـاد اشـعـر بـلـذاتها

[سفر بريك @S__break]

يا قاطعين الوصل من ماض ِ الازمان
ويا مستبيحين الزعل والخصومه

تسامحوا واعفوا قبل شهر الاحسان
يمكن بعضكم هـ السنـة مايصومه

#رمضان_كريم

[عارف بن مزيد @arif_0555]

عزيزي السامع بعد مر الالهام
شاعر ليا منّه كتب بيت بدّع

مرّت علينا ايام وايام وايام
لو مرّت اللي غيرنا كان ودّع

مع انّها تشبهك يارعب الافلام
نضحك عليها ونتقهوى ونقدّع

ياعنّك من هو مثلنا درع وحزام
خلك من اللي لو فقد قرش صدّع

عارف بن مزيد

[سعدون فيصل @saedun_f]

#مساء_الخير

ملحقين المشاريه

كلمات:عادل مخلد العتيبي
اداء :سعدون فيصل

https://t.co/O5iE0jxfYo

[القصيد الجزل @Jabbing77]

@S__break @Dkhoonemirates الجيب ما نستغربه من هل الطيب
والطيب ما نستغربه من دخوني

يسلام صح لسانك ياشاعرنا

[سفر بريك @S__break]

ثروة وطن نفحة عطر ماركة جيب
ملك السعوديه كياني وكوني

الجيب مانستغربه من هل الطيب
والطيب مانستغربه من دخوني

#شاعر_اللكزس
@Dkhoonemirates

[عبدالرحمن القوس @algoos_a]

على رجوى لقاء اللي كحلها اسود من ظلام الليل
وتقول الشمس تشــرق بين حاجبها وحاجبها

نفذ صبري .. وشوقي زاد عن حـده وطال الطيل
ولا ادري ناوية بالوصــل .. ولا الوضع عاجبها

اجي كني كـريم جتْ به [ الحاجة ] لبيت بخيل
وتـرده "شيمته" ويـروح منه .. بـدون يطلبها

وش اللي تنتظر ؟ يا حظي المثبور .. شد الحيل
مـا باقي حاجة الا [ الغايبة ] مـا جبتها جبهاا

على العادة .. تحب الخيل وتقلّد "طبوع الخيل"
غريبة ؟؟ كيف مثل الخيل ما ترجع لصـاحبها

لَـ مرّ "الطاري" اللي جـرته فالقـلب "جرة سيل"
لو تشـب الحـرآآآيق .. في ثيابي ما دريت ابها

انا اسـمـيك .. "فـتـنة" عصر ولا عمر ولا جيل
يا "ذات الحسن" و "الخلق الرضي" و "الطلة الابهى"

حبآآك اللي جعل شاماتك [ إرشادات للتقبيل ]
ونزَل كـل [ شـآآمة ] فالمـكان .. اللي تناسبها !

[فارس السميري @vv_851]

ليا حنّت جديل الليل شمس عصير قبل تغيب
وعدنا في صباح(ن) عيده احلى من نسانيسه 🇸🇦

على كل الوطن تشرق بوجهك يا وريث الطيب
مضارب ملْك ابوك و ملْك جدّانك و تكريسه

جمع شمل القبايل كلبوهم بعد " ملْك كليب "
عقب ما فرّق الله شملهم وأعاد تأسيسه

تقلّب قادة كبار الدول تحت يدك تقليب
مثل ما قلّب العمسان بنّه في محاميسه

#فارس_السميري

#اليوم_الوطني_السعودي_95

#اليوم_الوطني_95

[جزالة معتق العياضي ✨️ @jzl_motak]

"الوطن ما نعبر عنه فالعام مرة
انتباهى ثلاث مية وستين ليلة"
@motakk77
#معتق_العياضي

[جمهور معتق العياضي✨ @Alharbi_1110]

#معتق_العياضي || @motakk77 ✨
#جمهور_معتق_العياضي🔥📿
———————
"وأنعم اللّٰه علينا بخير الملوك"
واصبح الشعب كلٍ حجاجه ضحوك
موقنين وولانا ما حوله شكوك
"عزنا اللّٰه ونعتز في طبعنا"🇸🇦👏🏻📿
#عساف
#اليوم_الوطني_السعودي_95
#عزنا_بطبعنا
@assafperfumes

[حفلات معتق العياضي 📿📆 @C5i7i]

معتق العياضي من عمل عساف 🇸🇦♥️

@motakk77 🎶 @assafperfumes
عزنا الله ونعتز في طبعنا 👏🏻🤍🔥🎶🎤

#اليوم_الوطني_السعودي_95

[خالد ربيع @khalled_gm]

رسالةُ شعرٍ خضراء في يوم الوطن

رموز الشعر في السعودية قدموا عمل
من اجمل الاعمال الوطنية احتفالاً
بـ #اليوم_الوطني_السعودي_95

شكراً للشعراء المبدعين ..
@WdBdalwahd
@turky2000as
@motakk77
@alotayyani
@sultanbnwassam

[حمود بن خلف @1hha_]

يالله بنوٍ ربابينه سوات الجبال
وسيله ليا مر له وادي سرا بحطبه

لا هلّ همّاله ولحق الخيال الخيال
الارض تاخذ شهر شهرين ما تشربه

وتزين خطّر هَل السجّات واهل الحلال
ويعود ثوب الحيا للديره المجدبه

كم لي وانا أدوّر السجه وسَهج العبال
جيبي مريّح وانا ما ارتاح لين اتعبه

[عبدالرحمن القوس @algoos_a]

دلال المقام المخـملي .. والجمال الخام
تراود خفـوقي .. شاهرة سيف فتنتها

من اول لقا قبل اربع اشهر وخمس اعوام
وانا خابرن قلبي .. غدا رهن اشارتها !

مظاليلها تسحر .. "بالاغضاي" و "السلهام"
[ وتراقي نحرها .. ينقع الما بـ حنوتها ]

جـدايل شـعـرها اللي تعطر بها .. الانسام
يـصـيب الـتـعالي "كل نسمة تمثنتها"

مثل ما تـبـيّن في يـدين النـسا .. الاوشام
تبيّن "عـروق خـدودها" من نـعـومتها

الاكـثـر غـواية في فـتـنها .. بـ شكلٍ عام
أثر روجـها اللي في طرف "كوب قهوتها"

معاها عـشـقت الليل الاسـود مع الايام
على شان لـونه يشـبه .. للون شامتها

على كثر مالي بـيـت مـشـهور فـ الاعلام
ما صرت افتخر بكتابتي .. لين حبتها

من غـيـابها .. حتى الامـاكن .. ولا تنلام
تضايق ليا قالت : بـجـيها ولا جـتـها

لا شلّت دماغي "فكرة الهـجر" يا زمّاام
من يـديـن همي تنتشلني بـ نِشدتها ..

"علامة غلا" تنهي "علامات الاسـتفهام"
وتحسب "علامة فارقة" في مسيرتها

تحت ضغط شوقٍ يصنع من الحياة احلام
ونـغـم ذكـرياتٍ .. حيّها شال ميّتها

يطل القمر ولا يغيب .. الظروف احكام
ما يجذب عيوني .. طلةٍ غير طلتها

على الجمرتين اللي تواقد سلام اسلام
هي اللي بجوف القلب قامت قيامتها

انا مسـتـعد اطيب "شماغي البسام"
لو احط كسرة عود .. من فوق شفّتها ..

[عارف بن مزيد @arif_0555]

بين ترويقة الخاطر وبين انعماسه
الله اللي مدبر لي كل شيً يريده

اثر فصل الدراسه مايسمى دراسه
الليالي مدارسها فصولٍ عديده

ينجح اللي يكافحها بعزم وشراسه
ويرسب اللي يشوف ان القريبه بعيده

واحدٍ ماتنبه يغزي الشيب راسه
يصبح الصايره من عقب كان الفريده

كاااان ماجهزّ وركزّ لحقّه انتكاسه
مثل مايلحق المرتدّ بعد العقيده

اتغيّر ظروفه وتعطل حواسه
ويتعوج طريقه عقب ماكان سيده

وراعي التجربه ومدورين العساسه
عندهم ياذهين العقل حكمه مفيده

شاور اللي جمع بين الذكاء والفراسه
خل عنك النفوس الضايعات البليده

دورة الوقت تمشي بين عسِر وسلاسه
والفرص واجد ولاكل فرصة سعيده

تعرف الطيبين وتكشف اهل البلاّسه
وتفقد اللي تحسبنه من اول فقيده

فأول المعرفه فاقيام درّه وماسه
واخر المعرفه ياجعل مالله يعيده

من يغر العرب لاحط سمه ب كاسه
مادرا ان الليالي كل شي تعيده !!،

الضعّيّف يشوف ان الضعافه سياسه
يحسّب ان كل حاجه في حياته مكيده

لاانتصر عنده ان الراي بالحق داسه
غافلن ما بقى له فالمراجل شريده

يالعلّه فدا اللي طيبه يعمه ناسه
واحدٍ كن صيته مثل بيت القصيده

المعاريف نهرٍ صعب تعرف قياسه
يملك الرجل بالمعروف كم من بديده

وان كشفناك ياللي فيك ضعف وخساسه
الّوحش مانهده من على كل صيده

راعي الطيب يفنئ ماتعب الوقت باسه
والردي منه نفسه ماهي بمستفيده

ميزة الخبل لامن قام تكثر حساسه
والكفو تعرف انه من عيونه وليده

كل شيٍ ليا من طال يرجع لساسه
ولاني مبالغ ليا قلت حتئ الحديده !!

عارف بن مزيد

[حمود بن خلف @1hha_]

🌟جرعة تعافي 🌟

مهداه لصاحب المواقف المشرفه
رجل الأعمال: شافي بن فاحس الصقري
@shafialsgri

كلمات : حمود بن خلف
اداء المنشد:خالد البريك

https://t.co/YeMlIAMUa7

[سعدون فيصل @saedun_f]

📍مطاليع الربيع

كلمات : خالد المذعور
@al_mthaor
واداء سعدون فيصل
@saedun_f

https://t.co/qGY1VHLu79

[فلاح بن مانع @shadow__97]

انقلو صوتي المجروح عبر الاثير
العبر لو نعبّرها عبرنا بها

مالعب فالزمول وقص ظهْر البعير
غير كثر الحمول اللي بلشنابها

زملوني تراني فالزمان الاخير
اضحك من المصايب واتمهزابها

[سعدون فيصل @saedun_f]

لي فاطرً للحوير تاخذ اللده

كلمات:عبدالله بن صميم الدغفلي البقمي (رحمه الله )

ومن ادائي :سعدون فيصل

رابط الشيله 👇🏻

https://t.co/1lsUfmlHHX