والله شخصية الكيبوب انجرحت مره على خروج هيسونق اخر شخص توقعته يطلع اصلًا انهايبن اخر قروب توقعت يصير لهم هالشي
like wdym انا فان لهم من ايلاند تجوني تفاجئوني بكذا خبر ليه ومين اللي طلع اللي القروب والبرنامج سووا عشانه😭☹️😭☹️😭☹️😭☹️ فككوهم خلاص ماتحمل اشوفهم متفرقين
تبغون الحل؟ سوو مثل امي...
امي جابتني وهي صغيرة، ما تخرجت من الثانوي
ورغم ذلك هي تخرجت من الثانوي ودخلت جامعة وكملت تعليم عالي، ونعم صحيح هي وقفت سنة او سنتين بين كل مرحلة ومرحلة، لكنها "حطت هدف" وما استسلمت لين انجزت هدفها. وطبعا بلا شك ما تنسى فضل ابوي اللي كان الداعم الاول لها.
اذا تعاون الزوجين... الاطفال ما بيكونون عائق! هي انجبت عدة اطفال ولله الحمد، وكملت التعليم العالي!
يعني وش الحل في زيادة الانجاب؟
الزواج المبكر!
انا اشوف الزواج المبكر هو الحل، الزواج المبكر خلاها تتكيف من يوم هي صغيرة مع الحياة الدراسية مع الاطفال! صارت تعرف توزن وقتها وتنظمه، هي فعلا أم عظيمة. طبعا ناهيكم عن دعم ابوي لها.
وبعيدا عن الدراسة، بقولكم عن تجربتي كطفل مولود من زواج مبكر: انا محظوظ جدا اني كنت طفلها الاول، لاني شفتها وهي شابة، شفتها وهي في زهرة شبابها، كانت جميلة وابتسامتها تشع البيت، صنعت معي ذكرايات لا تنسى.
اتذكر نشاطها وكيف كانت تلعب وتحوس معي البيت، كانت فعلا فعلا فعلا شابة، وابوي كان يحب نشاطها رغم هدوءه امام الناس. اتذكرهم كانو يتكون في المطبخ سوا يطبخون مع بعض ♥️.
فيه موقف ما انساه ابدا، كان يتعلق بدراستها، اعتقد جابت درجة عالية، ولازلت اتذكر كيف انبسطت اول ما عرفت الخبر وقعدت بدون مبالغة تغني وهي تشيلني وترقص فيني حول البيت، لدرجة طلعت انا وياها على السرير وقعدنا ننطط على السرير، اعتقد عمرها وقتها ما تجاوز حتى 22 لكن وقتها قدني صف اول 😂😂.
عاد في التجمعات كانت هي حلاوة المجلس دايما، سولفجية ونيسة اتذكر كل اللي يقعد معها بنات بعمرها 20-25، ما كانت تحب تقعد مع العجايز. وطبعا كنت طفل مدلل معها كانت تعاملني معاملة خاصة "الا ولدي" 🥰.
واذا مرضت كانت دراميه مره تنام على الكرسي جنب سريري، رغم انه حركات درامية تضحك احيانا الا انها ولدت فيني شعور عميق جدا من الحب والامتنان لها، وكل ما كبرت وتذكرت طفولتي زاد امتناني للطفولة اللي منحتني اياها اكثر واكثر.
عموما
انا عطيتكم منظوري كطفل ولد من زواج مبكر حتى اقنعكم ان الزواج المبكر حل للطرفين...
هو مكسب للأم (لأنها يساعدها على التكيف ويجعل منها امرأة اقوى وافضل، وهذا بيخليها ما تمانع تنجب عدة اطفال اثناء دراسة التعليم العالي) وفي نفس الوقت هو مكسب للأطفال (تحديدا الطفل الاول، لاني قدرت اصنع مع امي ذكرايات في شبابها ما حظي به اخواتي، انا محظوظ جدا اني شفت جانب منها يخليها relatable بالنسبة لي، ويذكرني دايما انها كانت يوما ما فتاة مرحة ومراهقة لطيفة).
ولكن يبقى اهم شيء لتحقيق الهدف هو "الزوج الكفو"
"الزوج الكفو"
"الزوج الكفو"
ابوي هو السبب الوحيد بعد الله اللي خلى امي ترتاح جسديا ونفسيا بعد كل ولادة وغير كذا مكنها تظهر امومتها وانوثتها قدامه بدون اي قيود، وخلاها تكمل دراستها وكان يترك بعض ايام دوامه حتى يجلس مع الاطفال ويخلي امي تدرس للاختبارات، ويسافر بها ويوديها قبل ما تم السماح للمرأة بالقيادة.
في الختام: الزواج المبكر اراه حل فعال للنساء
ولكن في النهاية الحل لزيادة الانجاب يأتي من الطرفين
ولا تخلون "اكمال الدراسات العليا" عائق للانجاب
بعيدًا عن الكابشن
متى الأهل يوقفون يسألون عن الأمور السطحيه اثناء الخطوبه ويبدأون يطالبون بكشف عن مخالفاته المروريه مثلًا ! ترى سجلات الكشف هذي هي اللي تبين لك مدى حرص الرجل واهماله