Johannes-Marius Ndav

Burundais et fier de l'être ! Tolérant mais strict ! Mes opinions sont personnels et n'engagent que moi! Mon pays passe avant mes intérêts !

[Johannes-Marius Ndav @JohannesMNdavy]

@lpjd75 https://t.co/2RrbcjHSgU l'âne est réputé être un animal têtu ! Et si c'était un message non saisi?! Lire entre les lignes!

[Pierre Nkurunziza @pnkurunziza]

1. Barundi, Barundikazi, Ncuti z’Uburundi; Turiko turasezera umwaka w’2017, twongera twinjira mu mwaka w’2018 turi mu mahoro, umutekano n’impore impande zose. Turakengurukiye Imana Mushobora vyose yazigamye kandi ikarinda Uburundi n'Abarundi muri uyu mwaka urangiye w’2017.

[Pierre Nkurunziza @pnkurunziza]

2. Turipfurije Abarundi bose iyo bari hose, tutibagiye n’abo bose baba mu Burundi umwaka muhire w’2018, uze ubabere umwaka w'Amahoro n’Imigisha bikomoka ku Mana. Tubipfurije umwaka mwiza, umwaka w’akanyamuneza mu banyu no mu vyanyu, umwaka wo gutera intambwe mw’iterambere.

[Pierre Nkurunziza @pnkurunziza]

3. Turakengurukiye cane abo bose bitanze kugira amahoro n’umutekano bisasagare mu gihugu cose, aha twovuga Abenegihugu, abajejwe intwaro, abajejwe umutekano no kwivuna abansi abajejwe ubutungane, tutibagiye n’incuti z’Uburundi zadufashe mu mugongo mu migambi itandukanye.

[Pierre Nkurunziza @pnkurunziza]

4. Icivugo ngenderwako muri uyu mwaka ni iki gikurikira: “Tuzirikane Igihugu cacu, tumenye iyo tuva n’iyo tuja”. Iki civugo kandi tuzobandanya kucisunga gushika mu mwaka w’2019.

[Pierre Nkurunziza @pnkurunziza]

5. Twese dutegerezwa kuzirikana ico turi nk’Abarundi, tukibaza ico duhamagariwe gukora n’ico dutegerezwa gukora nk’Abana b’Uburundi. Dutegerezwa kandi kuzirikana ko aha turi hari abandi kandi ko inyuma yacu hazoza abandi, gutyo tukama na ntaryo twitwararika gusiga Iragi ryiza.

[Pierre Nkurunziza @pnkurunziza]

6. Uburundi ni ubw’Abarundi, ni umurima w’isangi twasangijwe n’Imana, ni ingabanwa idasanzwe Umurundi wese ahamagariwe kuzirikana, kubungabunga no guteramira ijoro n’umurango, muri vyose na hose.

[Pierre Nkurunziza @pnkurunziza]

7. Urugamba dusigaranye uno musi ni urugamba rw'iterambere hamwe n’urugamba rwo kurandurana n'imizi udusigarira tw’amacakubiri y'amoko yabibwe n’abakoroni.

[Pierre Nkurunziza @pnkurunziza]

8. Umutekano si agaseseshwarumuri mu Burundi. Ikimenyamenya ni abakozi bitaba imirimo yabo ata nkomanzi; impunzi zirenga 215.000 zimaze gutahuka. Turasubiye gutera akamo benewacu bari hanze y’igihugu ngo batahuke.

[Pierre Nkurunziza @pnkurunziza]

9. . Mu bijanye na Poritike, abagize Inama Nkuru y’Igihugu ijejwe kunywanisha Abarundi, hamwe n’abagize Inama Nkuru y’Igihugu ijejwe gukinga ihonyabwoko, ivyaha vyo mu ntambara n’ivyaha vy’agahomerabunwa baraye bagenywe hisunzwe Amasezerano ya Arusha n’Ibwirizwa Shingiro.

[Pierre Nkurunziza @pnkurunziza]

10. Mu gisata c'ubutunzi, ikigo kijejwe kwegeranya amakori n'amatagisi carinjije imiriyaridi zirenga 753 ku miliyaridi 720 zari zitegekanijwe, hakaba hiyongeyeko ibice 18% dufatiye kuyegeranijwe mu mwaka w’2016.

[Pierre Nkurunziza @pnkurunziza]

11. Barundi, Barundikazi, Ncuti z’Uburundi;
Utwigoro tw’abenegihugu two guteza imbere igihugu twoba impfagusa umugambi w'igihugu wo kurwanya igiturire n'amabi agikomokako udashigikiwe na zina murundi wese.

[Pierre Nkurunziza @pnkurunziza]

12. Mu gisata c’amagara y’abantu, umugambi wo kuvura ku buntu abana bari munsi y’imyaka itanu n’abakenyezi bibungenze warabandanije kandi uzobandanya no muri uyu mwaka dutanguye.  Mu mugambi wo kurwanya marariya yari yabaye ikiza, ingo 2.243.645 zararonkejwe imisegetera.

[Pierre Nkurunziza @pnkurunziza]

13. Mu gisata c'ubutare n'agataka, haratangujwe ibikorwa vyo gucukura ubutare bita akabuyenge muri komine Mutambu mu ntara ya Bujumbura, haratanguzwa n'ibikorwa vyo kwimba inzahabu, ifeza n’umujumbu i Mabayi mu ntara ya Cibitoke.

[Pierre Nkurunziza @pnkurunziza]

14. Mu bijanye n'umuyagankuba, harashizwe mu ngiro amasezerano hagati y’amashirahamwe REGIDESO na INTERPETROL yo kugwiza umuyagankuba, ubu umuyagankuba ukaba wariyongereye cane mu gisagara ca Bujumbura. Haratangujwe kandi ibikorwa vyo kwubaka urugomero rw'umuyagankuba kuri Rusumo

[Pierre Nkurunziza @pnkurunziza]

15. Mu bijanye n'iterambere ry'amakomine, ikigega FONIC cabandanije guha amakomine amahera yo kurangura imigambi, haratangwa n’ingurane ingana hafi imiriyaridi 35 ku bantu bashika 15.000 ngo barangure imigambi y’iterambere.

[Pierre Nkurunziza @pnkurunziza]

17. Ibikorwa nyezina vyo kwubaka Ikivuko ca Rumonge bizotanguzwa, Ikivuko ca Bujumbura naco gisanurwe. Ikibuga c'indege ca Bujumbura kizosubirwamwo kugira cisunge amategeko mpuzamakungu agenga indege n’ibibuga vy’indege, kijane n’ibihe n’iterambere ibindi bihugu bigezeko.

[Pierre Nkurunziza @pnkurunziza]

16. Imbere yo gusozera, twashaka dusubire kubibutsa ko dutegerezwa guhinduka no guhindura ingendo, aho turi hose tukarata ubwiza bw’igihugu cacu citwa Uburundi, tukagaragaza akanyamuneza ko kwitwa Abarundi kandi tukabigendera. Ni iteka rihambaye.

[Pierre Nkurunziza @pnkurunziza]

18. Turamaze imisi dutanguye Urugendo ruzodushikana ku kwikukira nyakuri, aho Umurundi n’umunyamahanga wese aba mu Burundi bazokwigaba bakigaburira, bakaramutswa iteka n’itekane, bagatunganya imigambi y’iterambere batarinze kuzera inze. Ubwo ni bwo Burundi twipfuza.

[Pierre Nkurunziza @pnkurunziza]

19. Mu ntumbero yo gusasagaza amahoro, iteka n’itekane mu gihugu, twisunze Ingingo y’113 y’Ibwirizwa Shingiro, tugiriye Ikigongwe abakatiwe gupfungwa imyaka itarenga itanu, na cane cane abakenyezi bibungenze n'abonsa. Kubw'iyo ngingo, abanyororo barenga 2000 bagiye kwidegemvya.