حتى لو ان جداني هل الخيل
ماقد تذريت بالاسم الرباعي
دخلت فالساحه ومثلت لي جيل
بقوتي وبجنوني واندفاعي
ماخذت حقي بفزعات الرياجيل
بذراعي الله يخلي لي ذراعي
كبرت يمه ما عادني الصغير
سبقت جيلي وسبقت عمري
عفت التفاهات وصرت الكبير
وصرت الشايب وانا بصغري
اشوف الحياه والعمر القصير
تتسابق الايام والعمر يجري
صدري من الكتمان فيه الكثير
شلون ابوح بنجواي وسري
كم ظنيت أني وصلت للاخير
اطيح بيأسي وانهض بصبري