بعد طول المواصل والشعور وفرحتي وبكاي
تعبت أتبع ورا أوهام السراب اللي علي تطري
أحبك غصب عن قلبي ولكن ما بقى لي راي
ظروف الوقت حدّتني على التوديع من بدري
أحبك يا عسى ربي يصبرني على بلواي
ثقيله حيل لحظات الموادع يا بعد عمري
بروح اليوم أنا كلي مثل ما جيتك من أقصاي
طريقي مو هذاك اللي على خبرك ولا خبري
فمان الذكريات اللي بتملى عمرك اللي جاي
فمان أحلى عمر عشته معاك ان كان ما تدري
فمان الصبح ودروب الأماني يوم أنا دعواي
عسى الله لا يفرقنا ولا يمحيك من ذكري
يا مقبله لا دعاك الهجر لا ترجعين
لبي ندا اللي صدى صوتك بسماعته
يوم احتواك وتعلقتي ب حبل الوتين
علق عبايتك امانه فوق شماعته
وإن غرك الشوق في عين النديم الحزين
ما غر عنقك ، سوا صدرك ودلاعته
استشعر الحب في عينك قبل تنطقين
واسمع دويّه بقلبك لاوصل قاعته
تماكني قبل لا تقلب عليك السنين
قلب ليا طرّوا الفقدان يا راعته
يطقه الشوق مع حزة نسيم الحنين
ولا طقه الشوق يمك .. طق ولاعته
تعلّقت كل الاماني على كلمتين
ابينتظرها مثل ما ينتظر ساعته
لكن نبي الفرصه اللي طولت لا تحين
قبل الفرح يعزم الزفه على قاعته
انا لي شهور والخاطر يجيه ويجيه
وايامي التاليه ما هوب من زينها
و الضيقه هاذي قديمه لا تقولين ليه
يعني على بالك انك ما تشوفيها ؟
داري على خاطري واللي تبينه خذيه
لو تاخذين العيون .. اللي تبكّينها
انا عيوني حلالك والبكاء ما عليه
( دموع رجّال .. وانتي اللي تستحقينها )
ارضيك لو رضاك من غالي الجيب
خلنا نتواجه والقلوب اتصافا
حاولت اوصلك بشتى الاساليب
ابغاك من ضيم الشكوك اتعافا
حرصي عليك احيان مايعتبر عيب
العيب ؟ لا اغلينا بعض ونتجافا
الله يجعلني من الحب ماطيب
وان كانك مرض ياجعلني ما اتشافا
سلامي على اللي كل ما حن قلبي جاه
ويشوف الجهات الأربعه صوبه متاحه
لقيت أبتساماتي رهن ضحكة محياه
ويضيع الكلام ويعجز لساني أفصاحه
أنا أزعل الدنيا لجل ضحكته ورضاه
وأنا بكل ما أوتيت من شوق بجتاحه
ترا اللي يحبك جاب لك قلبه من أقصاه
وعطاك العلوم وفل لك سلك مسباحه
مرات احس انك معي شخص ثاني
ومرات احس انك حبيبي وما زلت
لا تفرح انك دجت بين المحاني
لو ماتخون الذاكره ما تسللت
عشان ماضيك الجميل وعشاني
حاول تشيل من الوفاء ربع ماشلت
ماني على خبرك حبيبي تراني
حتى عن اصغار الاماني تنازلت
اللّٰه يسامح من ذكرت ونساني
وأنا أدري إني لاذكرته تجملت
عانيت وأدري كل طيب يعاني
وعلى حساب طعوني الخضر جاملت
ياما خذوا مني ولا احدٍ عطاني
من طيبتي في حق نفسي تساهلت
واللي يبي قربي وبعدي لقاني
أمشي على وضح النقاء ما تختلت
يامن سكنت اجمل زوايا كياني
ياما على نفسي عشانك تحاملت
ماجيت أسمعك الكلام اللي تبيه
جيت اودع الذكرى القديمة فـ اللحد
خل الكلام الحاد والرأي الوجيه
يمكن يكون الأعتراف أقسى و أحدّ
ماكنت وجه وبس من ضمن الوجيه
إنسان عاهدني على شي و جحد
أنت الشعور اللي ماقدّ حسيت فيه
وأنت الكلام اللي ماقد قلته لـ أحد