كحيلان❤️

متذوق لـ الشعر ⏳

[كحيلان❤️ @KHALan89]

معك اغتنيت من الهوى والحب يامال الغناه
و حببّتني في " أيامي " اللي ما هقيت أحبّها
ٰ
أنت الحياة اللي عطت للناس معنى : للحياة
وأنت النعيم اللي عليه الناس . . تشكر ربّها !🤍

[كحيلان❤️ @KHALan89]

مرحبا " قبل السؤال .. ومرحبا بعد الأجابه
يا هوى القلب العليل و بلسمه من كل علّه

ما بعد صوتك جمال ولا بعد شوفك رحابه
أنتي ؟.. إللي تستحقين ( الغلا ) دقه و جلّه

من يشوفك يبتسم لو كان عايش في كئابه
كيف عاد .. إللي فـ قلبه لك مكانه مستقلّه

[كحيلان❤️ @KHALan89]

" كيف ما انتبه لك . . مثل ما تنتبه لي
وأنت مصدر شغف هذي الحياة القصيره

عقب ما تهت بالأيّام ، حصّلتك الضيّ
من عرفتك عرفت إن كل ما راح خيره

جابك الله حلمٍ يكمل ويكتمل فيّ
كنّك آسف عن أحزان الليال المريره

عقبك . . يمرّني غيرك و كنّه ولا شي
فيه إنسان عنده أنت ويشوف غيره

[كحيلان❤️ @KHALan89]

مشاعر تعابير المحبه بدون ادراك
تسلط علي لا مرني شي من طاريك

أكافح ظروفي ،لكن المشكله وياك
تسلهام عينك، وضحكتك كل شي فيك

مع اني بذلت الجهد كله عشان انساك
ماعندي سبب مقنع يخليني اخليك

#مساء_الخـير

[كحيلان❤️ @KHALan89]

للغلا عمرا مسمى وللغصن انصرام
و الوصل بالقلب بيته مثل بيت السدو

لا اقلبت بك ساعه الوصل قلت الحظ قام
يابعد من حاولوا ياصلونك واقعدو

اعرفك و اعرف مباديك يامنسك الختام
وتعرفين. الي لخيله على البيدا عدو

جيت لك من يوم طيري على واديك حام
وسقت لك عذب القصايد لأجل عينك هدو

ماحسبت. حساب هرجت قليلين الرحام
رغم تفسير القصايد وتأويل البدو

ياكثر. ما افضل الصمت لا طال الكلام
وفوق هذا يوم صديت واقفيت احقدو

[قصاد @S_m_199]

توقعتك اول شخص يسأل علي ويخاف ..!!
وانا القصـف حولـي والشظايااااااا تشطفني

[كحيلان❤️ @KHALan89]

@S_m_199 يسسسلاام ي مبداع

[كحيلان❤️ @KHALan89]

كل ما رديت قلبي عن اللي يشتهيه
يعترض لي ناعس الطرف ويعود بلاي

يا حبيبي لو تموت القصايد ما عليه
ما لقيت أبلغ من الشعر يوصف لك غلاي

تعرف شعور المصلي وهو رافع يديه؟
والله إني مثله أدعي عسى يُقبل دعاي

لو كل اللي تمنا يحقق ما يبيه
ما طلبت إلا مقابلك يا غايه منااي

و لا يميني يوم تستخسرون الدمع لييه؟
أسمعو ثلاثة ابيات تشرح ما وراااي

واحد ما قال كلمه مع ملاقا الوجيه
ما علي منه ليا من تكلم في قفاي

من يقول الحب تالي الزمن ما هو نزييه
ما عرف قصة غلاها ولا قيمه وفاي

"أنتصر قلبي الهواوي على عقلي النبيه
كن ما للقلب رادع ولا للعقل راي "

[كحيلان❤️ @KHALan89]

معك معك ماعرف المجامل ولا التلفيق
على ما تبي نفسك أخذني و ،، وهقني

ولاتلحقك شكه من البعد و ،، التفريق
علي نذر لين اموت ماقلت ،، فارقني :)

[كحيلان❤️ @KHALan89]

عسى الخطوه اللي ودتك صوبي تجريك
[ واعيش الحياة ] اللي [ معاك اتمناها ]

انا كنت اسولف لك وهالحين اسولف فيك
على ما تبي مجرى السوالف ومرساها

ولا تحسب اني لو يطول الجفى ناسيك
" انا الليلة الاولـى عـجزت اتخطاها "

[كحيلان❤️ @KHALan89]

عيونٍ . .رسمت بـ دربهم ، طلة محيّاك
اذا ما قدرت إسعادهم ..ليش تحزنهم

لا زال الشعور يفزّ لك ما يبي ينساك
طبيعي . . يحنون الحبايب ، لـ أماكنهم

أبي ما يهدي . .روع قلبي ، بعد فرقاك
جميع البشر ..في حاجة اللي يطمنهم

مع انك هنا وشلون اشوفك هنا وهناك
متى صرت كل الناس . يا واحد منهم.

[كحيلان❤️ @KHALan89]

خل اهتمامك و اتركه ماعاد ابي منْك اهتمام
تصنعك ماعاد يرضيني ولا عاد ، اطلبه

ياكم على شانك قلّبت الارض وابعدت الظلام
و احاول ارضي خاطرك لو كان في قطع رقبه

بعد الكلام البارحه !! ،، ماعاد ابي منّك كلام
نقع كلامك في غزير دموع عينك ، واشربه!

[كحيلان❤️ @KHALan89]

مانسيتك لو كذبت وقلت : بـ انسى
وماذكرتك .. لاني اصلاً ما نسيتـك

كل حاجه من بعد ماغبت .. خرسى
وكل ممشى .. لا مشيته جيت بيتـك !!

أنت حلم وما لقى بـ الوصـل .. مرسى
وأنت دمعه ما أحشمتني .. ثم بكيتـك

من كثر ما قلت " لـيتـك " وأنت تقسى
ماذبحني غير لا من قلت : " لـيـتك " !

وين أودي جرحي اللي فيك ما امسى ؟
من صباح الله يسولف .. " واحتريـتـك "

من غيابـك وين اروح ؟ وكيف بـ انسى ؟
وانا حتى رغم جرحـك .. " مانسيـتك "

- رفعـت الجلــسه 📄⚖️

[كحيلان❤️ @KHALan89]

أحس اني كبرت وبيّن بـ طبعي مدى التغيير
فلا هذا هو احساسي ولا هذي هي اطباعي

بديت اتعمق بـ نفسي ولا اهتم لـ كلام الغير
يقولون الهوى غفله واقول ان المدى واعي

غديت أودع المقفي ولا أحب اسمع التبرير
أشوف ان التـفاصيل الكثـيره ما لهـا داعي

- مساء الخير جمعياً 🩵

[كحيلان❤️ @KHALan89]

يجف الخفوق من الجهر جفًت الاقلام
على شاعرٍ مستنفره وضايق / وهالك

تساومني الدنيا وعُمري ماهو ينسام'
من العيب أساوم فيه لو كان متهالك

وتعانقني العبره /.. و تخنقني/ الانسام
كثر ماتعانقني/ و تخنقني / أتمالك

ياكم مرت وتاهت على دربك الاقدام
سعاها شعور الفقد و الضيقه لـ جالك

أنا ادري ان اشوفك معلق على الاحلام
مثل م ادري اني مستحيل اطري بَـ بالك

تزعلني .. الدنيا .. وترضيني .. الايام
مثل ماتزعلني .. ترضيني .. الحالك

يدور الشعور ويحلق شعوري ( استفهام) ؟
مثل مايدور الوقت و اهمالك/إهمالك

آشوف الفراق اللي جروحه تمر / أعوام
على اهون من المنه اللي ورى وصالك !!

[كحيلان❤️ @KHALan89]

الله على العيد يوم العيد عيدين
فلة حجاج وغزل فـ عيون فلوه

عهدي بها قبل عام او قبل عامين
ومن يومها مبتلي بالصد بلوه

ماعاد غنّيت فـ ألوان الفساتين
وماعاد لي في غرام الغيد سلوه

آثاري اللون ماله شغل فالزين
اللون ماكان حلو،، البنت حلوه

#عيدكم مبارك جميع

[كحيلان❤️ @KHALan89]

لو كبر عمر المعرفه رأسها ماشيّب
والله يـدل البشر دايـم ولا يغويها

بعضهم عنده تحضر المعرفه وتغيّب
كل ما حاول يجيب الطيبه يخطيها

مايوفّق لـ الكلام الطيّب إلا الطيّب
لا تقدّم فـ الأمور الكـايده ينـهيـها

والردي مهما هرج تلقى مداه قريّب
هرجته لازم يجيب العيد في تاليها :)

تقبل الله طاعتكم ❤️

[كحيلان❤️ @KHALan89]

معقوله الزين هذا ما لقى له مكان
في شعري اللي عليه آذانك الصاغيه
.
والله ما ردّني عن وصفك الا رمضان
مييير الوعد في نهار العيد يا طاغيه :)
.
صباح الخير 🖤

[كحيلان❤️ @KHALan89]

@k_tflan مفردات مفقودة من يجيبها ؟

الربح والخسران تارة و تارة
والحب ما يغزيك من غير سبّة

ما فيه (ربح) الا وقبلة ( خساره )
ما فيه ( كره ) الا وبعدة ( محبه )

[كحيلان❤️ @KHALan89]

والله لـ تبطي وانا واقف ولا تكسرني
قبلك طوال الشوارب مالوت ذرعاني

لا تعكر جوي الصافي ،، ولا تعكرني
كان ماني جايزٍ لك شوف واحد ثاني

كل ما شانت ظروفك ترجع و تذكرني
وكل ما زانت ظروفك تبعد و تنساني

دامني قدام عينك حاول تدورني
لا يجي باجر ،، تدورني ولا تلقاني