حـــزة شعر؟

متذوق لشعر ويمكن شاعر

[حـــزة شعر؟ @KWT4U12]

@rrcv0 مهما تجرب ..من شعور الملذات
مافيه أجمل ..من شعور المصلي

[حـــزة شعر؟ @KWT4U12]

يالله ياجالي الامور المهمه
تجلا وهج قلبٍ برى حال راعيه

البر دجته والبحر رحت يمه
وادرج سبب حظٍ على الله مساعيه

يوم ان ولد اللاش رزقه على امه
رزقي على اللي ميت القشع يحييه

يامل قلبٍ كل مامات همه
دارت دواليب الدهر لين تحييه

احدٍ ينام وحط راسه بكمه
واحدٍ تخم النوم عينه وتخطيه

[حـــزة شعر؟ @KWT4U12]

خطاي في توضيح وشهي غلاتك
وخطاك في توضيح وشهو تغليك

وشلون توصيني وتنسى وصاتك
وتصد عن صوت تقطع يناديك

مافاتك التجريح والعذر فاتك
وتبغي رضاي الحين معاد يمديك

صحيح احبك بس هاذي جزاتك
بعلمك درس يفيدك ويحييك

[حـــزة شعر؟ @KWT4U12]

كنت ابيك تكون شي.. وصرت شيٍ ثاني
والخطا ماهو خطاك.. انا الخطا بعيونه

خاب ظني .. ليت ظني فيك ماخلاني
ابني احلامي على حاجه ماهي مضمونه

وليت ماجاني من احساس الندم ماجاني
شيٍ يحطم صميم القلب قبل ركونه

اعتذر لك عن خطاب اسلوبي الوجداني
الآدمي مهما حصل يبقى رهين ظنونه

[حـــزة شعر؟ @KWT4U12]

رغم انتفاض المشاعر و اختلاف الحلول
ما فيه غيرك يبدد ضيقتي يا هواي

اجيك والضيق فيني مكتسح عرض طول
وارجع وانا مبتسم فاهق همومي وراي

الله عطاك الرحابه خل عاد القبول
من يوم شفت الحفاوه معلنٍ لك ولاي ❣️

[حـــزة شعر؟ @KWT4U12]

يا موقد النار فيني رمّدت نارك
والفت فرقاك لو جرحك موالفني

يمّمت وجهي من اللهفة على دارك
وأثرك على زلة الماضي مخالفني

اللي بقى من بقايا الحب مقدارك
أبيه حولي على شان يْغفى جفني

يؤسفني إني ما عاد أبرّر أعذارك
ويؤسفني إن قلبي المشتاق يؤسفني.

[حـــزة شعر؟ @KWT4U12]

للعمر تلويحة . . وللذنـب غافـر
ماتاقف الدنيا على لحظة الطيش

اغيب وابعـد . . واتغـرب واسافـر
وتشيب احلامي ورى لقمة العيش

ياللي تفـرق . . بيـن مسلم وكافـر
الطير ماثقل جناحينه الريش

[حـــزة شعر؟ @KWT4U12]

قلبي أثقل من طويق ولا تحرك شوقه
صار طيرٍ في مهبّ الريح ينقض ريشه

ما يقند لهفته .. ولا يعانق ذوقه
غير محبوبٍ تمادى في جفاه وطيشه

واحدٍ من كثر ما الله مالحٍ منطوقه
ودك تْسولف معه ولا تذوق العيشه

[حـــزة شعر؟ @KWT4U12]

سلامي وانا عبر البحر فوق عبّاره
على واحد ما فيه بعده ولا قبله

ذكرته وانا بادل يديني على الطاره
بـ دار خلا والخاطر اضيق من الدبله

هاذي دار ابوه ودار جده وذي داره
سقى ليالي عنتر العبسي وعبله

عليه العيون من اول الصيف مدراره
سحاب ترايع مقدمه وانتثر وبله

[حـــزة شعر؟ @KWT4U12]

عودت قلبي على صوتك وضحكاتك
أسهر عليها .. ألين النوم يدركني

مافيه أحد فالبشر سوا بي سواتك
أسمك إذا مر بين الناس يربكني !

أوله على نظرة عيونك ولفتاتك
وأغار من ناس في صوتك تشاركني

ويذبحني الخوف لامن طول سكاتك
أخاف ناوي يجي لك يوم .. و تتركني

[حـــزة شعر؟ @KWT4U12]

ليش توهمني أنك تحبني فا البدايه
لين صار الوهم عندي وعندك حقيقه

قمت تشر لقلب بين الأحباب تايه
لين حبيتك وحبيت ذيك الطريقه

طحت في حبك الجذاب من دون غايه
أفقد العقل ساعه وأسترده دقيقه

كل من لامني قلت أدع لي بالهدايه
البحر ما يطاوع موجه إلا غريقه

[حـــزة شعر؟ @KWT4U12]

المسا مولد قصيد وضريح الامنيات
شره لـ جفني وخيره على من نامته

يبتدي مع غيبة الشمس صوت الذكريات
ولا استريح الّا بـ أذان الفجر واقامته

رحلةً تشبه حياتي معاناة وشتات
تفرح المبغض لـ قلبي وتضحك شامته

يا رفيقي كل ماصرت مهزوز الثبات
لاتعرّض سدك اهل الصدور الصامته

ليه ماتستر همومك تحت بشت السكات
والسكات اثمن من الهرج واجود خامته

شوف من باعو مباديهّم لـ أجل الغناة
فيهم اللي حط ماله فدى كرامته ؟

من يدور في يدين العرب طوق النجاة
تزدريه اهل الكرامه وترخص هامته

الرجل لا صار قلبه رهين المغريات
ينتهي مجده ويستسلم لـ هدامته

ولاتصدق كل ما جا على السنة الرواة
عادي التاريخ يرفع قدر ظلّامته

عيب تشكي لـ المخاليق عن ظلم الحياة
كل قلبً لو تفتشه بقعا ضامته

يارفيقي كل ماضاقت الاربع جهات
ناصحك يمسح دموعة بـ شق عمامته

واتذكر من عشقته خيال وصار ذات
فارعً مطغيه بين البني وسامته

من عشق شيخة ملامح وفردية صفات
لا سلم من بحرها ما سلم دوامته

فوق جيد الفارع الغض سبع معلقات
اربع لـ وصف العيون وثلاث لـ شامته

ومن مناحل ثغرها لـ القطوف الدانيات
واديً حرّم لـ غيري وروحي هامته

قلت له من يوم ماغبت ماذقت السبات
قال لي مامر ليلً عيوني قامته

[حـــزة شعر؟ @KWT4U12]

انت عمري وانت قلبي وانت غير
وانت واقع حي والباقي وهـم

انت تشبهني وانا احبك كثير
والمهم انه من العالم اهم

من يحبك ياجعل قلبه بخير
وجعل قلبٍ مايحبك للوهم

- محمد جارالله

[حـــزة شعر؟ @KWT4U12]

لو دريت ان اخر الحب مثل اللي لقيت
كان ما لجت ضلوعي ولا روحي شكت

الهوى يسرق من ايام عمري مادريت
والحزن بكّا خفوقي … وعيني ما بكت

لو عيوني تذرف الدمع سجيت وسليت
واعذاب اللي قبض جمرة الفقد وسكت

[حـــزة شعر؟ @KWT4U12]

مع غروب الشمس لاهب ذعذاع الهوى
والله ان يفطن بي اللي من اول مافطن

فاقدك ياللي غرامك من اعلى مستوى
مثل فقد اللي ماعنده ربوع ولا وطن

الفراق وسكرة الموت فالواقع سوى
اعتبرها كلها اخوان من ظهر وبطن

عاد جرحي لا تشالى ولا جاله دوا
وعاد قلبي ينسحب سحب شوكٍ في قطن

[حـــزة شعر؟ @KWT4U12]

ماعلمك صمتي وش كثر فيني كلام؟
ولا أنا بس اللي أحسك و اسمعك !

ما ذكرك مُر الجفى بحلو الغرام
ولا أنت بالثنتين ماتفرق معك؟

لا يخدعك هالبعد لو مر بسلام
ترى اول ايامه ي حبيبي تخدعك

بكره بتجيك ايام ماتقدر تنام
يجيك الوله وذكراي حيل بتوجعك

[حـــزة شعر؟ @KWT4U12]

متكاثر ترسل لي رسالة تسلم ؟
يمكن انا الليلة هنا وبكره اموت

قلبي مثل قلبك حبيبي تألم
كب المكابر قبل لا يفوت لك فوت .

[حـــزة شعر؟ @KWT4U12]

تعال .. مالي سوى طيفك رفيق و جليس
وأسبوعي يمر من دونك عذاب ونكد

ماشفت عصر الربوع وشفت يوم الخميس
أتمر كنها صباح السبت و إلا الأحد

[حـــزة شعر؟ @KWT4U12]

لازلت اقول الحيّ بيصادف الحيّ
رغم اني اواجه معاك الف عدّه

قيدين في رجلي وقيدين ف يدي
وبيني وبين الوصل عشرين شدّه

وش اللي مجلّس طيوفك حواليّ
وانا مسافر روحه بدون ردّه

ان كان مرخصني من العام، لا شي
يقدر يحكْم الهارب من المودّه

[حـــزة شعر؟ @KWT4U12]

ذقنا ملذات الهوى .. حب وفراق
وشفنا من صدوف الزمن واكتفينا !

وعشنا ثلاث سنين بالضبط عشاق
احلى ثلاث سنين ، ( مرت علينا )

[حـــزة شعر؟ @KWT4U12]

و أنت لو إنك تبي تسجّ عني أو تتوب
ماعاد فالثنتين حيله ما يمدي تهتدي

لا أستمالت يمّ قلبك ذعاذيع الهبوب
بتتذكر حسن وجهي على وردٍ ندي

ثم عاد الله يعينك على قطع الدروب
لا أشتحن صدرك من الشوق يا وين تغدي"