الشاعرة كفاية٥١١

شاعره سعوديه🇸🇦متواضعه☺️
غنىٰ لي مجموعه من الفنانين

[الشاعرة كفاية٥١١ @Kfayih_]

ان قلت احبك ادري بتقول كذاب
واكذب عليك ان قلت لك مااودك
ان قلت اببعدلا تصدق والاسباب؟
اناوقلبي بين جزرك ومدك
كرامتي صدت وقلبي معك ذاب
والله يعين اللي يبيك ويردك
اناعطيتك نبض والعشق غلاب
واعطيتني صدك وغيري يصدك
دام المحبه مابها شوق وعتاب
وماينعرف فيها مزوحك وجدك

الشاعره كفايه✍️

[الشاعرة كفاية٥١١ @Kfayih_]

التَّعَامُلُ بِالْمِثْلِ يَشْفِي الْغَلِـــــيلَ
وَالْجُرُوحُ قِصَاصٌ، وَالدُّنْيَا تُعَلِّمُ

وَالزَّمَنُ يَشْفِي جُرُوحَكَ يَا عَلِيلُ
وَالصَّمْتُ حِكْمَةٌ، وَالثِّقَةُ مَا تُسَلَّمُ
،
،
الشاعرة كفاية٥١١

[الشاعرة كفاية٥١١ @Kfayih_]

..
مَــــا خِـــلِقْنَا لِلْمِـــذَلِّهْ وَالْهَـــوَانْ
وَلَا تْرَبَّيْــنَا عَلَى لَـــوِي الــذِّرَاعْ

وَانْ تِــــنَازَلْنَا مَحَبَّـــهْ وَامْتِـنَانْ
وَمَنْ تِمَادَى حدنا لطي الشْرَاعْ

[الشاعرة كفاية٥١١ @Kfayih_]

ج2
يالايمي والوقت يكشف لك الشين
وإن الوفا في دنيتك صار جيفه
أقفيت عن حبك ولاقول بعدين
نفسي عزيزة ماتطيق السفيفه
ما عاد يخدعني كلام المقفين
عفنا مناخ الحب برده وصيفه
بكرا يدور الوقت وتشوف بالعين
وتقول وين اهل القلوب النظيفه
من لايخاف الله يخسر كثيرين
ومن عاش باالحيله حياته كسيفه

[الشاعرة كفاية٥١١ @Kfayih_]

ياخاطري لاضقت تكفا تصرف
خذ الحذر لا يكشفك كل شمات
اصبر لو إن الهم بالصدر مسرف
واضحك ولو بانت عليك العلامات
الناس ما تدري عن اللي بك تلوف
أغلب ظنون الناس وهم واشاعات
مثل الجبل اشمخ وحذرا تلطف
لو كان زادت من وراك الملامات
ما غير ربك يعرف اللي بك تلحف
ودمع الرجا في تالي الليل منجاة

[الشاعرة كفاية٥١١ @Kfayih_]

مترفعه نفسي عن أشباه الرجال
من يوم غاب أهل المبادي والذكر
ماعادعندي لأكثرالعالم مجال
حتى المجال اللي مخصص للفكر
أسرح مع أشعاري على ركب الخيال
لوالخيال أصبح على الواقع حكر
مادامهافزعة قريحه وارتجال
والله لجيب بيوت من رأسي بكر
ماعادتغريني على الأرض الجبال
يوم الجبل مافيه طيرولاوكر

[الشاعرة كفاية٥١١ @Kfayih_]

صنعت من نفسي منصه للكفاح
مع كل خطوه تنطلق نحو العرين
على كثر مامروا اعداء النجاح
مازال عزمي يفلق الصخر المتين
غضيت عيني عن غليص وعن فلاح
مترفعه وانا سليلة طيبين
اكتب شعر وفرد من ابداعي جناح
ورسم طموحاتي على وجه اليقين
ماني متاحه للتعارف والمزاح
كرامتي أكبر من اشواق و

[الشاعرة كفاية٥١١ @Kfayih_]

..
الـــروح فيها شوق طاغي وذبــاح
والنفس تحلم والمـــوارد شحيـــحه
والعيـــن رفــت باالمــوادع والاتراح
والصدر يشــكي ضيـــقته للقـــريحه
في قربك الضيقه والاحزان تـــنزاح
وفي بعدك تضيق الفجوج الفسيحه
من راحتك يامـنوة النفس نــــرتاح
ونضيق من ضيقك بمعنى الفصيحه

[الشاعرة كفاية٥١١ @Kfayih_]

انا البارحه والصدر من ضكت همومه
تزاحم عليه الضيق حتى على انسامي
اجر النفس لو بعض الآهات مزحومه
على المدهل اللي فوقه الضيق مترامي
رقيته وانا ماني من الذنب معصومه
ولاجيت اوصف رحلتي بقتل احلامي
على واقعي بصبر ولو كنت مظلومه
اسج القدم وامشي وتخذلني اقدامي
.
.
(وللقاف بقيه)

[الشاعرة كفاية٥١١ @Kfayih_]

انا كفايه واسألوا المجد عني
متصدره ترتيب في كل ميدان
و اللي بتفكيره وظنه جهلني
يسال ويلقالي شواهد وبرهان
كلي ثقه ماخيبت يوم ضني
وشموخ مايطري على عقل الانسان
الوقت يقسى مير ماقد هزمني
احاربه بصرار وعزوم وايمان
بنيت مجدي باالعمل والتأني
وكافحت لين اصبحت للشعر عنوان
،
،
✋🏻للنص بقيه

[الشاعرة كفاية٥١١ @Kfayih_]

ان كان قصدك تجاهلني وتـنساني
(اسمع كلامي عساها تاضح الصوره)
(ماني بكيفك مـتى ماجيت تلقاني)
لارحت رحت وغيابي يصعب حظوره
انـا مـع الورد اعـيش وتـزهر اغصاني
واهيم بـالوادي الـي تـنعش زهـوره
مـنه استمد الـقصايد وأطـلق عـناني
واسامر الـلـيل والقـمرا وانـا نــوره
.
.
الخ

[الشاعرة كفاية٥١١ @Kfayih_]

قلنا الصداره ياعرب مسألة وقت
مافيه غير (هلااا💙النا) للصداره

هذا (الزعـيـم) اللي بحـبه تعمقت
وانا اشهد ان تشجيع غيره خساره
.
.
كفاية٥١١

[الشاعرة كفاية٥١١ @Kfayih_]

بمناسبة اليوم الوطني🇸🇦❤️
(جزء ١)
مـن مـنطلق حب وغرام الطفوله
جـيتك على مـوعد لـقانا عـجوله
يامبتدا الـعشق  الـقديم وغرامي
يالفاتنه مـاني بحبك  خجوله
ايه اعشقك واعشق ترابك وحبك
حب الـفـتـاه الـيـعـربيه لـدولـه
حـره خـذة حـب الـوطن بالوراثه
من كابر الكابر ورثنا أصوله

[الشاعرة كفاية٥١١ @Kfayih_]

ما جيت احارب واقعي في خيالي
ولاني من الي يطرد احلام عدت
وقفت رغم اني وحيده لحالي
ماهمني لو الطعون استجدت
انا كفايه واشهدي ياليالي
كافحت واحلامي بعضها تبدت
اعيش بنت وعزتي راس مالي
على النقى مااطرد ورى من تردت
فرقت عن جيلي مهو بالتعالي
متواضعه لكن عليك استبدت

[الشاعرة كفاية٥١١ @Kfayih_]

يـــــازينها لاصـــار مرتاح بالك
مايربطك شيً ولا انتــه مقـــيد

لاحب لاغالي .. لـــحالك بـــحالك
مايزعجك شخصً عليك يتصيد

هذاك تخلص له وهو ماصفىٰ لـك
تحزن على شانه وهو فيك عّـــيِد

ابعد وروقها عسى الـــسعد فالك
لا يكسرك شيً مضىٰ وانت جــيد

[الشاعرة كفاية٥١١ @Kfayih_]

الجزء ١
/
\

ماشكي معاناتي على الناس واصيح
واجاذب الـــونات واكشف خفايا

وقفت في عز وشموخ الطحاطيح
ورفعت نفسي عــن علوم الدنايا

صبرت لين الوقت قفــا مع الريح
امشي بدربي مــالتفت وش ورايا

لـــو افتح لبيبان هــمي مفاتيح
صرنـــا مواضيع الــردىٰ والوشايا

[الشاعرة كفاية٥١١ @Kfayih_]

امنتك الله يامهاجر بلا اسباب
عسا السعاده ماتفارق خطاويك

الله يسهل لك ويفتح لك ابواب
من وين ماوجهت وجهك تباريك

مقهور منك ومن سواياك مرتاب
صوت الغلا في خافقك مايناديك !!؟

مدري عن ظروفك ولا سر الغياب
من حب من قلبه ابد مايجافيك

[الشاعرة كفاية٥١١ @Kfayih_]

الجزء١
ليت الشعر مع شاعره يوفي الدور
ليت المشاعر تعطي الشعرصوره
لوكنت انامخبور والشعر مخبور
موضوع شعري صعب كله ضروره
موضوعي بمن جاه وحيه على النور
المصطفى اللي نورالكون نوره
جت البشايرقبل يبعث على الطور
سيف اليمن بشر بهاشم ظهوره
بعدظهر مع قسوة الظلم والجور
نبيناالهادي كسرباس جوره

[الشاعرة كفاية٥١١ @Kfayih_]

~محتاجلك بالحيل واليوم بالذات
ابيك لهمومي تخفف علينا
~لو قلت لك تعبان مره
ومرات
اكذب عليك الهم مخلوق فينا
~داو بحنانك هم عمري للحظات
وخل الزمن بعدك بهمه يجينا
~ابكي على صدر الزمن حرّ دمعات
واقول يادنيا خلاص ارحمينا
~الحظ يذبحنا ويضحك سلامات
وانا على الله مدخلي وش بيدينا

جزء/١

[الشاعرة كفاية٥١١ @Kfayih_]

فيني شموخ وعزم واصرار وعناد
عديت به كل الامور الشديده
أجود بالطيبه على من بها جاد
داخل حدود التربيه والعقيده
وارفع مقامي عن مجاراه الوغاد
اهل العقول المغلقه والبليده
وناس تراقب بين حاقد وحساد
ماحركوا شعره براس العنيده
ياما نصحنا لكن النصح مافاد
عود عليهم مكرهم والمكيده

[الشاعرة كفاية٥١١ @Kfayih_]

جديدي
العز يولد بالعزيمه الاصرار
والنصر يثبت بعد خط النهايه
الاوله راحت بلا سابق انذار
والثانيه اخذت منها الكفايه
حديتهم عنها مثل حد الاقدار
واخذت منهم مايسمى قضايه
تجمعوا والمسأله كنها الثار
الناس قدمي والبحر من ورايه
وانا السعد لاثورت عج وغبار
وفيها اختلط راع الشعر والروايه