راق لي
قفلت بيبان العتب والمشاريه
وفتحت بيبان الرضىٰ والكرامة
اللي يجينا جعل ربي يحييه
ومن صد ما نكثر عليه الملامه
و راع التغطرس خيب الله مساعيه
والا حكيم الرآي يازن كلامه "
"صالح الناصر"
من اهل الزلفي
موجود ولا كني مع الناس موجود
شريكهم زولي بليا وجـــــــــــــودي
معهم وفكري سارح ما له حدود
يجول بي جولة حمام العـــدودي
لا تسألوني عن خفا النقص والزود
ما يهمكم يا ناس نقصي وزودي
انسان عشت ورحلتي رحلة صدود
طالت مع الايام رحلة صـــــدودي
كني غصن شفشوف تومي به النود
من زين ما تهب الهبايب ينــــــودي
الله يثبتني على صبر محمــــــــود
صبر على الشدات يحفظ صمودي
-
شعر * مقبل البلوي
وقفه من المنقول
-
* ما فتح رجل على نفسه باب مسألة يبتغي بها كثره إلا زاده الله فقراً , وما فتح رجل على نفسه باب صدقة قد يبتغي بها وجه الله تعالى إلا زاده كثره.
تراك لو تنجع على الرجل صعلوك
احسن من اللي تلتجي له وياطاك
عطهم وضيايفهم الى منهم جوك
وغلّق ضميرك لا تعلم بقصياك
وقم للضيوف الى عنوا لك وضافوك
اغلى كرامتهم حجاجك وبشراك
اعرف ترى ما لك من الضيف مشروك
لولاه يطلب حاجته فيك ماجاك
وقم للرجال ان ريعوا لك وحبوك
احشم خويك واكرمه عند ملفاك
راق لي
يا من لعينٍ في محاجيرها شوك
والقلب به عن لذة النوم تكاك
لا دك في قلبي من الهم داكوك
جاوبت طربان الحمايم والادياك
على عشيرٍ دونه الباب مصكوك
ما غير امره واتعداه مناك
بابٍ وراه حروس ما هو بمفكوك
ومبرزٍ دونه مكاين وشباك
وربعك الى بان الخلل فيك عافوك
اقرب قريبٍ لك من الناس يشناك
ان كثر مالك صدقوا لك وطاعوك
وان قل ما بيديك شانت سجاياك
لو تطلب الما عندهم كان ما اسقوك
ابعد مزارك عن وطنهم ومرباك
ان جاد حظك صدقوا لك وزاروك
وان بار كلٍ ما يبي غير فرقاك
راق لي
أطراف ثوبك لا تنوش المعاطين
ينشب بها طينٍ نثر ماه غيرك
تنشب وتبلش بين ناس خسيسين
لو كان ما مر المراغة بعيرك
اقفل على سرك بسبعة كوالين
لا تسبح كلاب الردى في غديرك