خالد المطرفي

الشعر ثم الشعر

[خالد المطرفي @Khalid_Almutrfi]

مرحوم ياشيخ الفعل مرحوم ياشيخ الشداد
مرحوم يا حـل الصعّاب اللي مسكّر بـابـها

رب العباد مـسخـرٍ متعب على شان العباد
ياكثر نـاسٍ "متعب الـهـذال" فـك ارقابـها

الله يغفر لـه عدد مَـ انـه لـ خلق الله فـاد
ويجعلهْ بالفردوس ويّـا لأنبياء واصحابـها

رحمك الله يابو سطام

[خالد المطرفي @Khalid_Almutrfi]

السلام وعليكم ورحمة الله وبركاته

كل عام وانتم بخير وعسى الله يعيد العيد علينا وعليكم بالخير والمسرات

[خالد المطرفي @Khalid_Almutrfi]

من خالد فهد الى ابن العم محمد عوده :

[خالد المطرفي @Khalid_Almutrfi]

اعـرف "القيامه" وش علاماتها ياخوك
واعرف إن زود الصمت إحدى علاماتي

[خالد المطرفي @Khalid_Almutrfi]

وجهك مْـن ظروف وقتك توشّح بالسواد
مير طـيـبـك فـي عيون النشامـا بـيـضّـه

[خالد المطرفي @Khalid_Almutrfi]

واقفٍ قدام قبره واحتري يـوم القيامه
لين يبعث و اتلوّى فيه واقـبّـل يدينه

[خالد المطرفي @Khalid_Almutrfi]

العين بكّـتها القلوب الكسيره
كسرتني يا موت باللي فقدناه

فقدت عمّي ذخـرنا والذخيره
عسى جنان الخلد داره ومثواه

ما جاء من الله للمخاليق خيره
راضين بالمكتوب والحمدلله

-خالد المطرفي

[خالد المطرفي @Khalid_Almutrfi]

لاحول ولا قوة الا بالله

انتقل الى رحمة الله العم عوده صغيّر الحويل (ابو صالح)

والعزاء في منزل الفقيد.

[خالد المطرفي @Khalid_Almutrfi]

اشـيـل ماحسّب حساب الثقال
يومن ضعيف العزم خاف وجفل

اطرد ورى الحلم والرزق الحلال
مـا همنـي مـن عـلا ولّا سفل

من كثر صكّـات بقعاء فالرجال
اصبحت رجّـال من عادي طفل

-خالد المطرفي

[خالد المطرفي @Khalid_Almutrfi]

هرش الزعل جوّد له الحبل والقيد
علومنا مـزحـه ولا تـضـيـق منها

سوالـف محمد و حمّـاد و حميد
سوالـفٍ راحـت ومحشوم عـنـها

[خالد المطرفي @Khalid_Almutrfi]

كنّها " ليلةٍ قمرا " تبيد الظلام
وكـن باقي بنات العالم نجومها

[خالد المطرفي @Khalid_Almutrfi]

شالني مـوجٍ يوطي بـ سِـيف الملام
ليت وإن العرب مـا تِـكـثِر بـ لومها

ورغم كثر الملام و رغم كثر الكلام
المحبه بـ صدري دقّت خـتـومـها

للي إن شفتها تمشي بـ وسط الزحام
عـن قدوم الصبايا يـفـرق قدومها

كـنّـها " ليلةٍ قمرا " تـبـيـد الظلام
وكـن باقي بنات العالم "نجومها"

[خالد المطرفي @Khalid_Almutrfi]

فرقـاهم اثـقـل مـن طويـق ومن رجومه
لكـنْ للـنـفس حــد و وَصلَت اقـصاها

نـفـسـي عـزيـزه لـو إن ماهيب معصومه
وضـاقـت مـن الكلمه الشينه و معناهـا

لكـنْ انـا حــر لـه وسـط السماء حـومه
لا ضـاقـت الـقـاع بــه شـلّـع وخـلاهـا

[خالد المطرفي @Khalid_Almutrfi]

مـن منطلق تجريب مدري ذهـانـه
بعطيك "كلمه" يالسنافي صريحه

أشـد انـواع الـغـدر والـخـيـانـه
لا خـانـت الشاعر هبوب القريحه

[خالد المطرفي @Khalid_Almutrfi]

البارحه والليل والهم والضيق
الكـل منهن شـن حربـه عليّه

اثر الزمن هذا عدو المطاليق
اليا فعلنا طيب .. يـنـرد سيّه

[خالد المطرفي @Khalid_Almutrfi]

ابيات في شيخ المطارفه حمود بن صخيل رحمه الله :

يامكثر اللي من يده عيّن الفود
شـيـخٍ نماريبه عــرب ونتحدّا

[خالد المطرفي @Khalid_Almutrfi]

2-

ياللي طرقت الباب لا تـكـثر الطرق
لولا الحشام إن كان بـابـك طـرقته

عفيت عنك بحشمتي لـ آهل الزرق
ولـولا ربوعك كـان رمحي زَرَقـتـه

على ماقال : "الاردني" خلها مـرق
وابعتبرك الدرب ذا مـا مـرقـتـه

[خالد المطرفي @Khalid_Almutrfi]

1-

اليابسه ما جيتها بـاغـي الـسـرق
غصت البحر و اللول منه سرقته

شـعّـارنـا مـن بينهم بـيّـن الفرق
ومافيه شاعر بالوطن مـا فرقـتـه

البـارحه بـرّقت واجهرني البـرق
وقمت اتمنى لـيـتـنـي ما بـرقته

سامرت لي عشرين واحرقتهن حرق
والهـم والهوجاس معهن حرقـتـه

[خالد المطرفي @Khalid_Almutrfi]

حنا معا شمر ترا مثل الاخوان
ومن بيننا جيره وطيب وحمايا

وقت اللوازم شمر تصير ويلان
واليوم كل عيال وايل طـنـايـا

-خالد المطرفي
#باشات_شمر

[خالد المطرفي @Khalid_Almutrfi]

يمثلني صالح النشيرا يوم قال:

انا اكتب بيوت الغزل بس بقياس
اخـاف اضـوّي للقبيله فضيحه

الله ياكم بيتٍ كتبته من احساس
ما سمعتَه ذات القوام المليحه