بدر الهاجري

(( مــن تــرك عــادتــه قَـلّـت ســعــادتـه ))

[بدر الهاجري @LAHOOOB77]

@AsagFahd @Y1uonis انا عندي مشكله في الواتساب
كيف اتواصل معاك ؟

[بدر الهاجري @LAHOOOB77]

@vv_851 @Managrbo3 ليتك ذكرت الله وطعته وسمّيت
وأبعدت عن قاع الخطر وإقترابه

قد قلت أنا لك : لا تقرّب دناميت
والنمل لا ريّش نوى الله ذهابه

ناصر بن بتال الهاجري

[بدر الهاجري @LAHOOOB77]

@SAUDALmUQHIm لا تحسبن العمر ياقف ليا غبت
العمر يمشي فيـك .. وإلّا بليّاك

[بدر الهاجري @LAHOOOB77]

@ffi2f صافيه
و
صيته
و
صديا
و
صبره
و
صبيحه

[بدر الهاجري @LAHOOOB77]

@A_9bi7 صح الله لسانك
وكفو وتقول وتطول

[بدر الهاجري @LAHOOOB77]

@alhaajre_ صح لسانك يا ابو فواز

[فهد الهاجري @alhaajre_]

الآدمي لو عاش .. من طين لتراب
لا صار ما تملا فعوله سجله

يرهي على اللي تحتمي اسمه ليا غاب
اسمٍ يجي في نحور الأخصام عله

يا راس عليتك على كل مرقاب
مابي الطمان اللي يجيب المذله

يفخر بك اخوان ويماري بك أصحاب
ويموت عدوانك ما يلقون زله

عليك ياللي كل ما الروس ترتاب
في موقف عظام الرجل ما تشله

تظهر وتفتح باب يفتح على باب
يجرّي اللي كان واقف محله

والشّجْرة اللي تحتها يسكن الداب
تقصها والداب الأسود تشله

وتقابل ظروف الليالي بترحاب
وتثلم بعزمك سيفها اللي تسله

وان صار مالك عن هل الشر مجناب
ما تحلقك في مواجه الشر خله

تقدم وتفتل شارب وتبذل أسباب
للخوف دربٍ تجهله ما تدله

وان جات في الحكمة وفي ضبط الأعصاب
حبلٍ عٓقٓده الشور الأمحق تحله

وان خاب ظن الصاحب بصاحبه.. طاب
الظن فيك .. موثقه بالأدلة

لك سمع ما يطرب على صوت زرياب
لو صوت زرياب العرب ما تمله

يطرب على صوت العزاوي من الشاب
اللي فعولة تمّن الزمل كله

ولك لابةٍ ما هيب تخضع ولا تهاب
قد ظللت من ظلل الناس ظله

ما تِلحق المخطي ملامات وعتاب
تٓلحقه باللي يخلّي الجم قله

وقفاتهم تذكر ويحسب لها حساب
وهداتهم هد النمور المغله

ان كرّموا يخلون مرحان الأعراب
واذا عطوا يعطون لكسز وفله

هواجرٍ تاريخهم حاز الإعجاب
من روس قحطان النجوم المطلة

ما شاخوا برشوة مورخ ونسّاب
شاخوا بفعل يعز دقه وجله

توثموا ف أرقاب وافتكوا أرقاب
وتسيدوا في ساحل الشرق كله

#فهد_أبورقبه

[بدر الهاجري @LAHOOOB77]

@alhaajre_ الله على التشبيه
صح لسانك

[فهد الهاجري @alhaajre_]

من تفارقنا وأنا حالتي حاله
ليه تجفا من وثق فيك وتخسره

حزني الليلة حزن .. عود وعياله
تمنعه من شوفهم محكمة الأسرة

#فهد_أبورقبه

[فهد الهاجري @alhaajre_]

ما في يدينا شي نقدر نسويه
إلا الدعاء وراجيين الإجابة

نستحمل ظروف الزمان وبلاويه
لو حطنا ما بين ضرسه ونابه

لنا ليال الزاد ما نهتني فيه
وتحدنا منا ومنا .. كآبه

فينا المريض اللي عسى الله يشافيه
وفينا الكبير اللي تثاقل ثيابه

واللي خذا له طعنةٍ من مواليه
واللي لحقه الشيب بأول شبابه

ياربنا من خيرك الخير نرجيه
بأمرك تعمّرها لو انها خرابه

أنت الكريم اللي ما خاب الرجا فيه
وعون الصويب المشتكي من صوابه

#فهد_أبورقبه

[بدر الهاجري @LAHOOOB77]

@alhaajre_ تبقا يا امرحب

[فهد الهاجري @alhaajre_]

في الكلام أحيان شي من التمادي
لاتخلطون الصراحة بالرعونه

الخطا بلسان من عاداك .. عادي
العدو معذور لو مكّن طعونه

بس لا جا من رفيقك .. لا إرادي
يوجعك .. لو كان تضحك لك سنونه

يا عيال أهل الوفا حضر وبوادي
أنصفوا العاشق قبل لا تظلمونه

خلوا الهايم يهيم بكل وادي
لا تحدونه على شيٍ تبونه

ما يقول انه يدلّ وهوّ غادي
اتركوه بحاله .. ولا تبتلونه

وان فهق الأبيض والأسود ل الرمادي
يدفع القسوة بشي من الليونه

المحب ان حب .. حب بلا مبادي
ما يخون اللي يحبه .. لو يخونه

عن صخب دنياه باقي شخص هادي
لحظة احركته مثل لحظة سكونه

لا سمع " تدرين وأدري " من عبادي
طاحت الدنيا وأهلها من عيونه

#فهد_أبورقبه

[بدر الهاجري @LAHOOOB77]

@alhaajre_ يا سلام يا ابو فواز
دررررررر🌹

[فهد الهاجري @alhaajre_]

🔴
خل نفسك خفيفه بس منتب خفيف
الثقل زين في سلم العجم والعرب

الأوادم فريقين القوي والضعيف
ولا يميز هذا عن ذاك غير الكُرب

ول انكشف ستر خلق الله خلك كفيف
حنا من دون ستر الله .. ما ننقرب

كم تبعنا شفوف نفوسنا يا لطيف
علق ابليس في لحانا الذنوب وهرب

وعف نفسك ولو ما تملك إلا رغيف
وان حداك الزمان تمد يٓدك .. اغترب

أرض ربك وسيعه وأنت في الأرض ضيف
ياصلك رزقك المكتوب بس قل يارب

ولا تخاوي الردي وأنت الشريف العفيف
يلحقك من ورا مخاواة الأجرب جرب

كم ولد ناس جده بين منسف وسيف
العبوا فيه صدقان الرخا واخترب

#فهد_أبورقبه

[بدر الهاجري @LAHOOOB77]

@naser_Saadoun اللهم امين

[ناصر بن سعدون البتّال @naser_Saadoun]

حتى لو الموت .. ياخذ طيّب السيره
مايقدر الموت ياخذ سيرة الطيّب

غفر الله لـ والدي و وعافهِ واعفّ عنه أذكروا أبي بدعوة 🌷

[بدر الهاجري @LAHOOOB77]

@FalihAlhajri @alhaajre_ صح لسانك

[بدر الهاجري @LAHOOOB77]

@m_m_alayed @al_id1 صح لسانك

[محمد بن ماضي العايد @m_m_alayed]

تشرفت بإلقاء قصيدة وطنية أمام صاحب السمو أمير البلاد المفدى الشيخ مشعل الاحمد الجابر الصباح وسمو ولي عهده الامين الشيخ صباح الخالد الحمد الصباح
#الكويت
#الشيخ_مشعل_الاحمد_الصباح
#الشيخ_صباح_خالد_الحمد_الصباح