.

[عنفوان رجل @Kln333]

ادفنيني في مداهيل القلايد
في مكانٍ ماحدٍ غيري يمرّه

في دماثٍ فيه من لين الوسايد
مايخلي عيشتي عيشة مسرّه

وإن نزلت بواديٍ مسراه كايد
واديٍ ما للخطاوي فيه جرّه

ما اقدر اوقف بينهن وقفة محايد
لو علي يزعل حداهم ويتشرّه

[عنفوان رجل @Kln333]

الغزيّل صادني قدام أصيده
يوم شفته طاح من كفي سلاحي

صاحبي ما أدري متى ينحلّ قيده
ودي آخد في سراجيفه مراحي

يا هني من نام في مفرق نهيده
لين آذان الفجر يدعي للفلاحي

[عنفوان رجل @Kln333]

أقبلي يا طب قلبي وإرتياعي
أقبلي عقب المسافات الطويلة

وأحضنيني يا جميلة من ضياعي
الضياع اللي ما خلّا لي وسيلة

مرحبا بك من ذراعي لـ ذراعي
جابك الله علم وأنتِ حلم ليلة

يا ثمرة قلبي وشوقي وإندفاعي
يا غناتي فالسنين المستحيلة

مدعين الحُب والشوق الصناعي
كل أبوهم فدوةٍ لك يا جميلة

[عنفوان رجل @Kln333]

مشتاق لك ياجنة الحب والذوق
وارتاح ياحــــلوه بوقت اتصالك

اشاهدك ياحـــب وارتاح واروق
يامن اسر قلبــــي اناقة دلالك

وان غاب طاريكم يعذبني الشوق
يامن تميـــزتي بلمعت جمـــــالك

[عنفوان رجل @Kln333]

الـغلآ، والشوق، مآنخفي شعوره
خصّ لآ صآر الوله فـ القلب وآضح

باختصر مَ قآله’ الـبدر ‘بسطوره
كيف نخفي حبنآ ، والشوق فآضح

[عنفوان رجل @Kln333]

تعال شف لك في حياتي طريقه
اسرقني من الناس والخاص والعام

معطيك قلبٍ ما يبي له وثيقه
قلبٍ يحب بصدق واهيامه هيام

[عنفوان رجل @Kln333]

تدلعي وامشي على روس الاقدام
قولي لهم يالفاتنـه من فتنتي

لو ما القصايد عن تفاصيلك صيام
علمتهم يا احلى الصبايا من انتي

انتي الغلاّ وانتي الهوى وكل الاحلام
وانتي اللي في عرش الجمال استكنتي

كل العذارى بطلتك صارو اوها��
كنّك على كل البشر قد فتنتي

[عــ ــطـ ـر ﺎلكـــ ـلام @alanood0o2]

#تقول_عطر

كتبت فيك القصيد اللي يعز القصيد
واثريت باسمك بيوت الشعر واغنيتها

والله  مافيه  عندي غير حبك  رصيد
إلا قصيدة  غزل  لااشتقت  غنيتها .🤎🦌

[معكاز | شعر @M3kkaz]

شعر غزلي :

تدلعي وامشي على روس الاقدام
« قولي لهم يالفاتنه من فتنتي » .

[يقين @1gheith]

هذا الدعاء عظيم جدا 🤍

[معكاز | شعر @M3kkaz]

الله يجعلني على ظن الرفيق
اللي هقى بي خير جعله ياجده

يبشر بي حزامه و يرقى بي طويق
و يدحم بي ظروف الزمان الواجده

[شاعر غزل @eee4eee3]

طفلـةٍ تستدرج الغيـم وتصيده
ترسم نجوم السما شعر وقلايد

حلمها تكبر تبي تكتب قصيده
لين كبرت وإنكتب فيها قصايد

[شاعر غزل @eee4eee3]

✍🏻
ٰ

سبحان من حط الحلا في عيونك
ووزّع على باقيك حلو التواصيف

كيف اقنع ابيات الشعر يوصفونك
وانت ابجمالك فوق كل التعاريف

يكفيك قلبٍ حالفٍ ما يخونك
من يعشق الغالي يسوق التكاليف

عذري اخاف الخلق لايحسدونك
وعذرك غلاك ايفوق كل المواليف ..!

[مَلاذ 🖊 @Tepll]

لو يعرفون انك على الارضِ تمشين ؟!
ما سمو الارض العريضة (بسيطة )

قالوا القمر والشمس تشبهك بالزين !
كانهم تمادو ؟ وألسنتهم / سليطة !

انتي وحيدة ما يجي مثلك اثنين
مافيه احد يشبهك وسط الخريطة

من رأسك لخلخالك لمحجر العين
لرموشك الي في عيونك محيطة

انتي فرس من جاك ذاق الأمرين
ومعافرك مثل الخيول ��لنشيطة

#شعر #غزل

[معذور.! @52kf_]

وش استفدت من النباهة يا نبيه
يوميًا الفرصة تمرّك… وتعبر

ولا لقيت لحالتك عذرًا وجيه
الا انك تحب التحلّي بـ الصبر

تاخذ من أمثلة الزمان اللي تبيه
وتخلي الباقي وهي فيها عِبر

ترى التجاعيد اللي تطلع فـ الوجيه
هذا حزن يا صاحبي ماهو كبر .

[معذور.! @52kf_]

ب اخذك لو ادري بتلحقني هروج
وشرهات وحقوق عليّه ثقيلة

بجيك لو دونك شرابيك وسيوج
ماني بذاخر غايتي والوسيلة

ب اجيك لو دونك حراسات وبروج
والموت لو عندك مدوّر بديلة

بجيك لو انك ورى سد يأجوج
لجلك تهون الصعبة المستحيلة

ما يمنعك عني بحر هايج وموج
ولا حدود المملكة والقبيلة !

[معذور.! @52kf_]

محدٍ على الدنيا ينافس غلاتك
تتعب جميع الناس مايوصلولك

العين لأجلك ماتراعي سواتك
والقلب يحرم بالهوى مايخونك🤍..!

[معذور.! @52kf_]

حلفت باللي غيب الشمس مناك
والصبح بامره تطلع الشمس منا
⠀
ان اسعد الايام شوفك ولقياك
وان اقشر الايام غيبتك عنا
⠀
ودك تلاقيني وودي بلقياك
لكن ظروف الايام ماساعدتنا
⠀
ولازلت احبك واتحمل خطاياك
ماني من اللي قال حنا وحنا
⠀
شعر الغزل يصلح لمثلك وشرواك
وان غنت الورقا مع الصبح غنا :)

[مَلاذ 🖊 @Tepll]

وصوف خلي كلها تعدّل الراس
دايم و توصيفه على الزين يرمز

مضيق خصره لو يشوفونه الناس
سوى مشاكل مثل مضيق هرمز :)

#ابيات #شعر #غزل

[خالد مفلح الدعسان @k_ald3san]

لا حب ربي شخص حبب به الناس
// وسخر له المخلوق في كل حاجه

سبحانه اللي خالق عباده اجناس
// وليا دعاه العبد ….. جاه انفراجه

رب ٍ كريم ومن لجى به من افلاس
// انجاه لو انه …..ب عنق الزجاجه

ومن هو توكل به يبي .. يرفع الراس
// ويطيب من فضله ويلقى علاجه

خالد الدعسان