أرجي الله وأراقب كل طالع شهر
يجلي الهم عني أو عسى ما يزيد
يا غزالٍ فضوح الزين عنه اشتهر
في عيوني ملاك ووسط قلبي وحيد
مخطي اللي يشبه وجنتك بالزهر
الزهر ماله رماحٍ تصيب وتصيد
لو جحدت المحبة سقم حالي جهر
مير ما كل قلبٍ ياصل اللي يريد
يا زمان العجايب وش بعد ما ظهر
كل ما قلت هانت جد علمٍ جديد
إن حكينا ندمنا وإن سكتنا قهر
بين قلبٍ عطيب وبين راسٍ عنيد
لو تفيد المدامع كان أسيّل نهر
مير كثر التوجّد والدمع ما يفيد
أصبر أيام وأشهر وأتصبر دهر
وإن حصل لي مناتي جيت لونّي بعيد