الظّبِي

[الظّبِي @Lilybelle_o]

حرّه .. ومرباها على كف صقّار
لو حامت طيور العرب ماوصلوها .

[الظّبِي @Lilybelle_o]

أعذريني يوم أقابل طعونك بإرتياح
كيف لا !! والجرح مملوح والجارح مليح

أعذب من النسمة اللي يمر بها الصباح
لا أستقرت في فؤادٍ من الفرقى جريح

[الظّبِي @Lilybelle_o]

يا كم مرّ اسمك في قصيدة مرور اكرام
تعرفينه انتي … والعرب ما يعرفونه !

[الظّبِي @Lilybelle_o]

ياجميله قام يطوي الحال طاوي
والله ان كبدي على شوفك غليله

سجليني في علم حبك فداوي
انا مجنونك بعد مجنون ليله

نعنبوك انتي مكاسر عود جاوي
ملبسك سندس شرابك سلسبيله

لو تمرين الشيوخ اهل الفتاوي
عودو مثلي يجرون الطويله

من عشق شرواك ولا لايهاوي
التقيد عن بعض الاشياء فضيله

[الظّبِي @Lilybelle_o]

لاتطلبين الشعر وانتي مراده
لايا بعد من يلبسن الغطاوي

والله لااقلدك القصايد قلاده
ولاهديك مسباحي وبشت حساوي

سجيت بك فالغيد عن كل غاده
واعتضت فيك عن الرفيق الحماوي

انتي ضماد اللي ماعين ضماده
وانتي دوا اللي مالقى له مداوي

[الظّبِي @Lilybelle_o]

وش تبين من القصايد يا جميلة
وانتي أكمل والقصيد يجيه خلّه

انتي أصعب وصف وأحلى مستحيله
وانتي أصدق وصف وأجمل مسفهله

كيف أوصف عنق وأغازل جديله
والقصيد أصغر من التوصيف كله

[الظّبِي @Lilybelle_o]

قصيده الفجر تقول :

يا غانيه والصبح يستقبل الليل
و أنتي على ضفة سحايبه قمره

وجهك تخونه بالحروف التفاصيل
وش يمنع الشاعر ليا شب جمره

كن الجمال مبجلك خير تبجيل
الا جعل من بين أياديك عمره

من دون لا أسهب لك ومن دون تأويل
من يلمحك سلم لواليه امره

[الظّبِي @Lilybelle_o]

ترفةٍ مختصها الله بالوجه الرحوب
ذقت منها الحب والشوق وانواع العذاب

لا تثنت تسلب عقول وتشتت قلوب
كنها مخلوقةٍ من شهاليل السحاب

انقلي لي عطرها يا نسانيس الهبوب
وانقلي معها سلامي بلا لوم وعتاب

- مطلق الرثيع

[الظّبِي @Lilybelle_o]

من شدّة حلاها وذرابة إسلوبھا
محد مرّ عليھا وما أخذت قلبَه

[الظّبِي @Lilybelle_o]

جاني وأنا مالي بالمحبة ميول
و حببني بسواليف ما كنت أحبها !

[الظّبِي @Lilybelle_o]

لجل ذيك الثنايا تقبل مهار القصيد وفود
جعل قلبٍ يوريك القسى ما يقبل إحسانه

ملك دنياه من يملك هواك وحلمه المنشود
يا كم سلطان رحتي من يديه، و زال سلطانه

أعرف أنك بحر واللي نجا من غبته مولود
من يخاف البحر ما يستحق يفوز بـ الدانه

[الظّبِي @Lilybelle_o]

يقول " علَى الباااال "
وانا اقول " ياحبيب البّال والبال بك متهنيّ ! "

[أغنيات محمد عبده @Mohammed_3bdu]

وش يقول أبو نورة ؟

[الظّبِي @Lilybelle_o]

يالفتنة اللي ما يضاهيها مساء ولا صباح
الصبح يتنفّس هواها و المسا يزهى بها
ㅤ
تسيّد حضورك شعور القلب يا سيد الملاح
ولا فيه نبضة قلب رمشك ما يثير إعجابها

[الظّبِي @Lilybelle_o]

يراقب قصيدي ويدري ان قلبي
يحس بأنه مني قريييييب

فلا هو بـ الذي أبدى هواهٌ
و لا هو بـ الذي عني يغيب

[الظّبِي @Lilybelle_o]

هو حبيبي — بس حبيبي من بعيد
لا عناق ولا مواصل ولا حتى لقى

[الظّبِي @Lilybelle_o]

صبَاح الخِير ، أما بعد :

خلق ربي صبَاح الخير مِن وَجهِك
يا وجهٍ ضاع عُمري في صبَاحاته

[الظّبِي @Lilybelle_o]

ان قالها الله والتقينا على خير
حقي من الشوق والله لآخذه

[الظّبِي @Lilybelle_o]

« هات من عذب السوالف ما تهيّا
ودي أمسك صوتك بكفّي—وأحبّه »

[الظّبِي @Lilybelle_o]

سرا الليل والقمرا سرا نورها وضّاح
تهيض خفوق اللي تعود على المسرى

وترجع به الذكرى على وقته اللي راح
والا و عذاب القلب لا مّـرت الذكرى

[الظّبِي @Lilybelle_o]

ليا قالوا لك انك فارقة قولي عليكم زود
عليكم زود وازينكم وجه مشروب فنجاله

ياسبحان العظيم اللي فرق وجهك عن الموجود
يجي والناس حوله جالسين وكنّه لحاله

انا ماودي اشكر في حياتي غير ابوك العود
مسوي له جمايل بعد ماجاب اجمل سلاله

[الظّبِي @Lilybelle_o]

كل عام و المسلمين بوجهك معيدين
يالنايل اللي تبتختر ماحد نـالها

فيها الغنج والحلا والزين متجمعين
معلقة قلبي الهـاوي بسلسالهـا

لامن مشت صارو المتلقيه معجبين
ولا مالت يميل قلبي مع تميّالها

من التغطرس تشوف العالم بنص عين
تقول تمشي على وجـه الثـرا لحالها